Breudwd Welsh Prose 1300-1425
Cymraeg

BL Additional MS. 19,709 – page 80v

Brut y Brenhinoedd

80v

wythẏr araỻ a oed idaỽ a|dylyei gaffel y vrenhinyaeth gve+
dy custenhin. hỽnnỽ a garcharỽys ef ac a|ladaỽd y deu vab
a|r eil vlỽẏdẏn o|e arglỽydiaeth y bu varỽ. 
A C yn|y ol ynteu y doeth. gverthefyr yn vrenhin Ac yn
erbyn hỽnnỽ y deuth ỻyges vaỽr o|r saesson oc eu kiỽ+
daỽt o germania ˄ac eissoe ef a ymladỽys ac ỽynt. Ac ef a|oruu arnadunt. ac a gynhelis
ỻywodraeth yr ynys pedeir blyned drỽy garyat a hedỽch.
A  gỽedy hỽnnỽ y deuth Maelgỽn gỽyned yn vrenhin.
A|theccaf gỽas hayach o|r hoỻ vrenhined a|thywysso+
gyon ynys. prydein. a|diwreidỽr ỻawer o|wyr creulaỽn. kadarn  ̷
yn arueu. ehalaethach no neb a|chlotuorach no|r vn pei nat
ymrodei y myỽn pechaỽt sodoma. ac am hẏnnẏ yd oed
gas ef gan duỽ. hỽnnỽ a|gynhelis ynys. prydein. yn hoỻaỽl a  ̷ ̷
wech ynys y·gyt a|hi. Jwerdon Jslont a godlont. orc. a ỻych+
lyn a denmarc o vynych greulaỽn ymladeu y darystygỽys
ỽynt. ac yn eglỽys ros ger·ỻaỽ deganỽy yn|y gasteỻ e
hun y bu varỽ  
A c yn nessaf y vaelgỽn y deuth keredic yn vrenhin
gỽr a garei giỽdaỽdaỽl teruysc oed hỽnnỽ kas
gan duỽ a|chan y brytanyeit oed ynteu a gỽedy gỽybot
o|r saesson y anwastatrỽyd ef. ỽynt a aethant hyt yn iwer+
don yn ol gotmỽnt brenhin yr affric a|d˄othoeth hyt yno a
ỻyges vaỽr gantaỽ ac a|werysgynassei y genedyl honno.
a|r gotmỽnt hỽnnỽ drỽy vrat y saesson y a*|deuth a|thri·v  ̷+
gein mil a|chan mil o|wyr yr affric gantaỽ hẏt ẏn ẏnẏs
prydein. Ac yn yr amser hỽnnỽ yd oedynt y|saesson paganyeit
yn|y neiỻ ran o|r ynys. ac yn|y ran araỻ yd oedynt y