BL Additional MS. 19,709 – page 36v
Brut y Brenhinoedd
36v
1
ran y|r amherodraeth a hynnẏ a oed vrthrvm gantav
2
a gvedy gvelet Maxen yn gywarsagedic y gan
3
yr amherodron ereiỻ. sef a|dywavt meuruc vrth+
4
av. Maxen heb ef py achavs y diodefy ti dy tremy+
5
gu val hyn. a|fford i|titheu y ymwaret. Dabre y ynys
6
.prydein. a|chymer goron y teyrnas a|e brenhinyaeth kanys
7
eudaf vrenhin yssyd hen a|chlafus. ac nyt oes dim
8
a|damuno namyn kaffel dylyedavc o|rufein vrth
9
rodi y verch idav a|e vrenhinyaeth genti kanyt o+
10
es idav etifed namyn hi. ac vrth hynny y kafas
11
yn|y gygor ef a|e wyrda rodi itti y verch a|e teyrn+
12
as genti. ac o|r achavs hvnnv y|m hanuonet ineu
13
yma. ac o|myny titheu dyuot gyt a|miui hyt y+
14
no pop peth a vyd paravt it o hynnẏ. a gvedy kef+
15
fych hynny o amylder eur ac aryant a marcho+
16
gyon ynys. prydein. y geỻy gverescyn yr amherodron
17
ac odyna yr hoỻ vyt. kanys o ynys. prydein. y kauas
18
custenin dy gar ti amherodraeth rufein. ac ody+
19
na yr hoỻ vyt. a|ỻawer y·gyt ac ynteu. ac o ynys
20
.prydein. a gynydassant rufein ~
21
A c vrth yr ymadrodyon hynny y kychwynvys
22
Maxen y·gyt a meuruc vab cradavc hyt yn
23
yn* ynys. prydein. ac ar y|fford eissoes yn mynet y daresty+
24
gvys kaereu freinc a|e dinassoed a|chynuỻav ỻa+
25
wer o|svỻt vrth y rodi o|e varchogyon ac amlau
26
y deulu. a gvedy gvereskyn freinc ac amlau y ho+
27
ll lu. kychwyn a oruc ar y mor a gvynt hyrvyd
28
yn|y ol. a dyuot y norhamtvn y|r tir. a|pan genhe+
| « p 36r | p 37r » |