Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 242v

Diarhebion, Mabiaith Hengyrys o Ial, Delw'r Byd

242v

974

1
S yrth march; y ar y pedwar|troet. 
2
Symudaỽ adef; rac drỽc [ y dyuot.
3
Seith mlynet y bydir yn darogan deỻi; kyn
4
Scribyl diryeit; ar|eithaf.  ~ ~ ~
5
T Ra ny mynno duỽ; ny lỽyd. 
6
Tyfhit enderic; o|e dorr. 
7
Trenghis; a vreuus. 
8
Tynghetuen; y wreic ot. 
9
Teir gỽers; gỽreic reỽyd. 
10
Talỽys; a veichỽys. 
11
Tỽyỻỽr; yỽ gobyr. 
12
Tra retto yr oc; redet y ure·uan. 
13
Tỽyỻit; ry|uygeit. Telittor; gỽedy halaỽclỽ.
14
Tỽyỻ trỽy; ymdiret. 
15
Tauaỽt; a tyrr yr ascỽrn. 
16
Tynnv bach; trỽy goet. 
17
Trydyd troet|y hen; y ffonn. [ aruaeth.
18
Tec tau; trỽy dymp. Trech tyghet; noc
19
Trech amot; no gỽir. 
20
Tỽynut greynyn; y rann. 
21
Trafferth ych; hyt echwyd. [ y gyfarỽs.
22
Trenghit lut; ny threinc golut. 
23
Trickit gỽr ỽrth y parth; ny thric ỽrth
24
Taỽedaedaỽc; teỽ y drỽc. 
25
Tywyỻ bola; hyt pan leueir. [ y deiỻon.
26
V n·ỻygeitaỽc a|uyd vrenhin; yg|gỽlat
27
Vn geinaỽc; a|dyly cant. 
28
Vntreỽ; o garchar. 
29
Vn arffet a|uac; y gant. 
30
Vn cam diogi; a|ỽna deu a thri. 
31
Vch penn; no dỽy ysgỽyd. 
32
Vylit; ny wyl y perchenn. 
33
Vyneb trist; drỽc a|ery. 
34
Vcher a|daỽ; gan drychin et cetera. ~ ~ ~
35
36
M *abieith hengyrys o ial. yr hỽnn a|el+
37
wit bach budugre. a gado fyfarỽyd*.
38
a gỽyd·varch gyfarỽyd. a|r hen wyrda a
39
dywaỽt y|diaerhebyon o|doethineb. hyt
40
pan veynt gadỽedic gỽedy ỽynt. y rodi
41
dysc. y|r neb a synnyei ar·nunt. kanys cry+

975

1
nodeb parableu ỻawer. a|synhỽyreu y kygho+
2
reu doethbrud. a|dangossir ar uyrder y|r
3
neb a|e|dyaỻo yn|y diaerhebyon. ~ ~ ~
4
5
6
7
8
A *Thro maỽr y|wybot a|e doethineb yn
9
anuon annerch y athro araỻ kyfarỽ+
10
yd yn ffyd y|drindaỽt. ac yn|ffrydyeu y doe  ̷+
11
thineb. a|r keluydodeu o seith naỽn yr yspryt
12
glan. a|gỽedy gorffenno oessoed y uuched
13
honn. ỻaỽenhau o|r seith gỽynuydedigrỽyd.
14
ac yn|yr wythuet kytwledychu. gyt a|r tat trin+
15
daỽt yn vndaỽt. Kann ytwyf yn ymberiglaỽ
16
yn|tywyỻỽch annỽybot. y·gyt a|r|rei ny wdant.
17
ỽrth hynny y gỽelir y mi wybot mal daỻ yn
18
dỽyn vy muched yn|drist gyueilornus. A|chan
19
atwen ynheu dy uot titheu yn|damgylchynedic
20
o diruaỽr oleuat doethineb. yd ỽyf ygyt ac e+
21
reiỻ yn adolỽyn gỽrychonen o|th fflamaỽl wy+
22
bot. pryt na|leihaer hi itti. ac anuon ohonot
23
attam ansodyat y|byt. megys y|myỽn claỽr.
24
kanys truan yỽ pob peth o|r a|ỽelỽn ni. wedy
25
eu gỽneuthur y·rom. a|niheu* heb adnabot
26
dim o·nadunt hỽy. ygyt a|r anniueileit disynỽyr.
27
Y  vab maeth y doethineb. yr hỽnn yssyd yn
28
chỽilyaỽ yn garedic yg|gordyuynder.
29
ac yn anodun gỽybot grymhau o iechyt
30
pob ryỽ gyfryỽ dyn. ac yn|y nef. yn|y|ỻe y mae
31
cudyedic tryzor y doethineb. edrych ar|duỽ
32
wyd y|gwyd. Ac ỽrth hynny pan vych|di yn sy  ̷+
33
chedic y sugnaỽ mer drud yn yr yscrythur yn  ̷
34
yr yscruthur yn gỽbyl. yttỽyt titheu yn|y dei  ̷+
35
syueit yn gedymdeithus. val y dyweit y diae  ̷+
36
reb; gỽlanha ar auyr. Mi a ysgythreis itt ffu+
37
ruf yr hoỻ uyt. ual y geỻych y welet a|th olỽc.
38
ual y|gaỻon y dyaỻ. val y gỽahanỽyt o|r defny  ̷+
39
dyeu kyntaf. A|r neges honno kyflaỽn yỽ o
40
lauur a|pherigyl. val yd atwaenost dy hun yn
41
weỻ no miui. ỻauuryus yỽ ymi yn achubedic

 

The text Mabiaith Hengyrys o Ial starts on Column 974 line 36.

The text Delw'r Byd starts on Column 975 line 8.