Oxford Jesus College MS. 111 (The Red Book of Hergest) – page 226v
Ystoria Bown de Hamtwn
226v
910
1
gouyn a|oruc y boỽn. ae wreic briaỽt ef
2
oed honno. Je arglỽydes heb ef. kymer di
3
dy wreic heb hi. a|dyro y minneu terri.
4
Mi a|ỽnaf hynny yn ỻaỽen heb·y boỽn. Ac
5
yna yn ỻawenhaaỽd pob un o|r gỽraged
6
ỽrth y gilyd. ac yna y doeth tatmaetheu
7
y meibon. a|r meibon gyt ac ỽynt y|r ỻys.
8
Ac yna y buỽyt ỻaỽen ỽrthunt. kanys
9
menegi a|orucpỽyt udunt uot boỽn yn|y
10
dinas. Y fforestỽr yn|gyntaf a|deuth a|gi y
11
uab maeth gantaỽ. ac ny bu hỽyrach y
12
pysgodỽr y·nemawr noc ynteu. a|r fforestỽr
13
yn arwein gi gyr y|laỽ. a|r pyscodỽr yn arwe+
14
in miles. A phan y gỽelas boỽn ỽynt. galỽ
15
a|oruc arnunt. a ỻawen uu ỽrthunt pan y
16
gỽelas. a mynet dỽylaỽ mynỽgyl udunt
17
ychwanec y ganweith. a diolỽch y eu tatma+
18
etheu yn uaỽr. a|phriodi y duckes a|oruc
19
terri. a|ỻaỽen uu iosian o achaỽs enry+
20
ded terri. ac yn|y|dyd hỽnnỽ iach a ỻawen
21
oed y meibon. a|gỽedy eu|bỽyt y chware yd
22
aethant. a maỽr oed y ỻewenyd a|r|glodest a
23
ry uu gantunt. a|gỽedy daruot y boỽn y gỽ+
24
ahanu. y chware taỽlbwrd yd aethant yr
25
hỽnn a|dysgassit yn|da udunt. Ac yna galỽ
26
a|oruc boỽn ar un o|e wassanaethwyr. ac
27
erchi idaỽ dỽyn dogyn o arueu gloywon. Ac
28
urdaỽ tatmaetheu y meibon yn uarchogyon
29
urdolyon. a|rodi y bop un o·nadunt bedwar
30
emys. a|digaỽn o eur ac aryant. A|gỽedy
31
hynny kennat a|gymerassant. Ac yna y de+
32
uth pawp o|r barỽneit a|r|duckes a|r ieirỻ y ro+
33
di y gỽrogaeth y derri. yn|y megys y dywedir
34
ynni yn yscriuennedic. Beỻach y|dywedỽn
35
am ermin. nyt amgen. bot iuor vrenhin
36
yn ryuelu arnaỽ. a hynny a|gigleu boỽn.
37
a|galỽ ar terri a|oruc. ac|erchi idaỽ anuon
38
kennadeu ar|hyt y wlat. y|gynnuỻ pymtheg
39
mil o uarchogyon deỽron clotuorus y uynet
40
gyt ac ef. Syr heb·y terri mi a af gyt a|thi.
41
Nac ey ys|gỽir heb·y boỽn. ot anuonaf i ar
911
1
dy ol. dyret titheu. namyn Sabaoth a uynnaf
2
gyt a mi. kanys ny phaỻaỽd ym eiryoet
3
yn ỻe y bei reit im ỽrthaỽ. A pha|gyhyt byn+
4
nac y trigyaỽd boỽn yn|y|ciuil. ef a|enniỻaỽd
5
terri uab o|e wreic briaỽt. a boỽn a enniỻỽys
6
merch o|e wreic ynteu. a|boỽn oed enỽ mab
7
terri. a betris oed enỽ merch boỽn. Ac yna
8
yd|erchis boỽn y|r marchogyon peri trỽssau
9
eu|sỽmereu. a|pheri y ueibon ysgynnu ar
10
eu meirch. a iosian a|e march. a|chyt ac ỽynt
11
pymthengmil o uarchogyon aruaỽc. ac
12
ny orffowyssassant yny doethant hyt y|mrat+
13
fỽrt. a chennat a|anuonassant oc eu blaen
14
att ermin urenhin y uenegi eu|dyuodyat.
15
ac yna yd oed ermin gỽedy drigyaỽ y benn
16
y tỽr. yr amser yd|oedynt yn|dyuot. ac argan+
17
uot boỽn yn dyuot a phymthegmil gyt ac
18
ef o wyr aruaỽc. ac yna galỽ a|oruc ar y eirỻ*
19
a|e uarỽneit. a dywedut ỽrthunt. y gỽelei vy+
20
dinoed marỽaỽl. Ac ar hynny nachaf y gen+
21
nat yn dyuot. ac yn menegi y|r brenhin mae
22
boỽn oed hỽnnỽ. a|e|niuer. ac erchi idaỽ nat
23
ofynockaei. Ac yna y|diolches y brenhin y
24
duỽ y welet yn|y mod hỽnnỽ. a phann|deuth
25
ar ogyfuch ac ef. dygỽydaỽ a|oruc ar|benn y
26
linyeu rac bronn boỽn. a dywedut ỽrthaỽ.
27
syr o|r gỽneuthum dim gỽrthỽyneb y|th|erbyn
28
mi a|wnaf iaỽn itt. Syr heb·y boỽn. mi a|e
29
madeuaf itti. eithyr na byd kyuundeb byth
30
y·rom hyt pan gaffỽyf dial ar y gỽyr. a|m
31
kamguhudassant yn bechadurus. Heb y
32
brenhin ti a|e keffy ỽynteu. Ac yna y kym+
33
merth boỽn ỽynt ac y dryỻyỽys yn dryỻeu.
34
ac y|doeth iosian ac a|gyhyrdaỽd a|e that. ac
35
yd aeth dỽylaỽ mynỽgyl idaỽ. ac y gouynnỽ+
36
ys idaỽ a|oed gyuundeb y·rydaỽ a|boỽn. bu
37
uy merch y dec heb ynteu. arglỽyd da y
38
daruu itt heb hi. kanys goreu marchaỽc
39
o gret yỽ. Odyna yd aethant y|r ỻys uren+
40
hinaỽl. ac yd|arwedwyt iosian y|ỽ ystaueỻ
41
yn hard o bryt. ac odyna y galwassant ar
| « p 226r | p 227r » |