Breudwd Welsh Prose 1300-1425
Cymraeg

NLW MS. Peniarth 5 (The White Book of Rhydderch, part 1) – page 59v

Purdan Padrig

59v

7

1
greuydỽr da yn brior yn|yr eglỽys
2
honno. a gỽedy llescu o|honeint* ohon+
3
aỽ. ac nat oed vn dant yn|y benn na  ̷ ̷+
4
myn vn. a megys y|dyỽeit y|gỽynvy+
5
dedic rigor. kyt boet iach hen eis  ̷ ̷+
6
soes gwan vyd yn wastat o|e heneint
7
e|hun. Y gỽr hỽnnỽ a vynnaỽd kyỽe+
8
iraỽ lle idaỽ gyr llaỽ hundy y kynn+
9
honỽyr hyt na ỽnelei ef volest y
10
ereill o ỽander y heneint ef. Y brodyr
11
Jeueinc a|delynt y ofuỽy yr henn
12
hỽnn dan veint o|e garyat. a|notte  ̷ ̷+
13
ynt dyỽedut ỽrthaỽ trỽy ỽare val
14
hynn. pa gyhyt tat y|mynny ti trigy+
15
aỽ yn|y uuched honn. neu pa dbryt
16
y|mynny dithev vynet odyma; yn+
17
tev a dyỽat val hynn. Gỽell oed gen  ̷ ̷+
18
nyf|i vy meibon. i. vy mynet odyma
19
kynn o|hynn no|m byỽ ynhev yma
20
val hynn. canyt oes yma ymi namyn
21
trueni. Yn lle arall hagen mi a gaffaf
22
ogonyant maỽr. eissoes eỽyllys du  ̷+
23
ỽ a|ỽneir ymdanaf|i o|m buched. O  ̷ ̷+
24
dyna y kynhonỽyr a|glyỽynt o|e|hun+
25
dy yn|y gell yd oed y braỽt henn yndi
26
egylyon yn canu yn ỽastat yn|y gylch
27
ef yn|y mod hỽnn yma. Gỽynvydedic
28
ỽyt ti. a gỽynvydedic yỽ duỽ yr hỽnn
29
yssyd y|th enev di. y genev ny chymerth
30
yroet y|digriuỽch o vỽyt. Y|vỽyt ef ba+
31
ra a halen oed. a|dỽfyr oed y diaỽt.
32
Yntev o|r|diỽed megys y damỽnỽys. a|a+
33
eth yn detỽyd ar yr arglỽyd duỽ. Dihev
34
yỽ hynn hagen yn amser padric sant
35
ac yn amseroed ereill ỽedy hynny. my+
36
net llaỽer o|dynyon y|r purdan. Rei o+
37
honunt a doynt dracheuyn. ereill a  ̷ ̷
38
bellynt yno. ac ny doynt. Y gỽyr kyf  ̷ ̷+
39
arỽyd a|berynt yscriuennv chỽedleu y
40
rei a|delynt odyno. a|e damỽeinev yno.
41
Defaỽt oed ossodedic yno y gan badric.
42
ac a|e ketỽis y gỽr a uu yn|y le ỽedy ef.

8

1
nat elei neb y|r purdan onyt trỽy gan  ̷ ̷+
2
nyat yr escob. a heuyt deỽis ohonaỽ o|e
3
briaỽt eỽyllys mynet y|r purdan dros y
4
bechodeu. Y neb a|ymlyccao yr escob y dar  ̷+
5
par trỽy vynet y|r purdan. Yr escob a dy+
6
ly annoc idaỽ peittyaỽ a|r|darpar hỽnnỽ.
7
a|dyỽedut idaỽ. mynet llaỽer yno. ac na
8
doethant byth dracheuen. O|thric yntev
9
yn|y darpar kymeret lythyr yr escob a
10
doet at y|prior y|r lle hỽnnỽ ar|ffrỽst.
11
a|r prior gỽedy lleo y llythyr a|dyly an  ̷ ̷+
12
noc idaỽ yn graf deỽis penyt arall. ac
13
nat el y|r purdan. a|dangos idaỽ y peri  ̷+
14
gyl a gauas llaỽer yno. O|thric yntev
15
yn|y darpar; dyget y prior ef y|r eglỽys.
16
a bit yno pymthec niỽarnaỽt yn|dyr  ̷ ̷+
17
ỽestu. a|gỽedieu. a gỽedy darffo hynny
18
galỽet y prior y cỽuent ygyt. a gỽedy
19
offeren vore kymuner y pennydyỽr
20
hỽnnỽ. a|cherdent ac ef parth a|drỽs y
21
purdan dan ganu processio a|letania
22
a bỽrỽ dỽfyr sỽyn. Y prior hagen eilỽeith
23
a dyly datkanu idaỽ ef y|gỽyd paỽb yr
24
ymdaraỽ a|ỽna y kythreuleit yn|y lle
25
hỽnnỽ ac ef. a meint a gollet o dynyon
26
yn|yr ogof honno. O|byd gỽastat yntev
27
yn|y darpar; kymeret vendith paỽb o|r
28
offeireit. a gorchymynet y|baỽp ỽediaỽ
29
drostaỽ. ac a|e briaỽt laỽ dodet arỽyd
30
y groc yn|y tal ac aet y|drỽs yr ogof
31
y|myỽn. ac ar hynt caet y prior y|drỽs
32
ac ymhoelet dracheuen y|r eglỽys
33
a|e brocessio. A|r bore trannoeth doet
34
y|r yr* eglỽys. ac y|drỽs yr ogof yn|y pro+
35
cessio. ac agoret y prior y|drỽs. ac o chyfer+
36
uyd y dyn a adoed y|r purdan yn dyuot
37
dracheuen. trỽy leỽenyd maỽr dycker
38
ef y|r eglỽys. ac yno y|byd pymthec
39
niỽarnaỽt yg|gỽyluaeu. a gỽediev.
40
Ac ony delei ef yn|yr vn aỽr trannoeth.
41
diheu oed y golli a|r prior a|gaei y|drỽs.
42
ac y|r eglỽys y|deuynt dracheuen ~ ~ ~ ~