Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 219v

Ystoria Bown de Hamtwn

219v

882

1
y Juor o mỽmbrawnt. ac y gỽesseneytheis yn gyw+
2
ir. A thitheu a|dugost y wreic ef yn llathrut. ac
3
myn mahumet vyn duỽ i mi a vriỽaf dy benn|di
4
yn|dryỻeu a|m ffonn i y drom. Taỽ bagan a|th son
5
heb·y boỽn. a gormod yỽ dy uocsach o lawer. a phann
6
ymladom. o·ny ladaf|i dy benn di yr maỽr a|m cledyf.
7
ny uolaf vy|hunan werth vn vanec. ac heb olud
8
brathu arỽndel ac ysparduneu. a gossot ar y gỽr
9
du a chopart oed y enỽ. a|e uedru yg|cledyr y dỽy+
10
vron a|e waeỽ yny dyrr y paladyr yn|dryỻeu. ac ny
11
chyffroes un aelawt ar gopart yr y uedru mỽy
12
noc yr na mettrit. Ac yna dyrchauel y ffonn idaỽ
13
ynteu a|bỽrỽ boỽn a|hi. ac rac daet y divacheỻaỽd
14
boỽn ny medraỽd namyn derwen. a honno a diw+
15
reidaỽd ac a|dygỽydaỽd y|r ỻaỽr gan y dyrnaỽt. ac
16
ar hynt dodi y laỽ ar|dỽrn y yspodol a|ỽnaeth ef
17
ar uessur taraỽ boỽn. Sef a|ỽnaeth y march yna
18
dyrchauel y deu troet ol a gossot ar y gỽr du yg
19
cledyr y dỽy·uronn a|e daraỽ ygkyueir y gallon
20
yny dygỽydaỽd ynteu y|r ỻaỽr. a|r march yna
21
a|e duludaỽd yn|gadarngryf y·rydaỽ a|r dayar.
22
hyt na aỻei gopart yn vn wed kyuodi yn|y seuyỻ.
23
Yna disgynnu boỽn y ar y march. a thynnu y gle+
24
dyf ar uessur ỻad penn copart. Ac yna y dywaỽt
25
Josian. kopart gỽrhaa y boỽn. a chymer gristo+
26
nogaeth. Ny|wna ef hynny heb·y boỽn. a|chany|s
27
gỽna. myn y gỽr y credaf inneu idaỽ heb·y boỽn
28
mi a|ladaf y benn a|m|cledyf yn diannot. Sef a|ỽ+
29
naeth copart yna. dywedut yn uchel yny datt+
30
seinaỽd y coedyd o bop|parth. ac adolỽyn y boỽn
31
na|s ỻadei. a|dywedut y bydei ỽr idaỽ. ac y|kymerei
32
gristonogaeth yn ỻawen. Ny aỻaf i gretu itt heb+
33
y boỽn. Geỻy ys|gỽir heb·y iosian mi a|vydaf
34
warant y byd gỽr ffydlaỽn itt. Yn ỻawen heb·y
35
boỽn. a minneu a gymeraf y ỽrogaeth ef.
36
Yna kyuodi copart y uynyd. ac heb olud rodi y
37
ỽrogaeth y boỽn a|wnaeth. A gỽedy hynny boỽn
38
a esgynnaỽd ar y uarch. a Josian|a|esgynnaỽd
39
ar y march hitheu. a chopart a|gauas y ffonn
40
ac a|e kymerth. A gỽedy hynny ỽynt a|gerdass+
41
ant racdunt yny doethant hyt y mor. ac yn|y
42
borthua yd|oed ỻong. a|honno oed|laỽn o sarassin+
43
nyeit. a thrỽy y mor yd oed yn eu|bryt uynet. tu

883

1
a|r crisstonogyon. Ac y·gyt ac y gỽelsant hỽy
2
gopart. ỻawen uuant. a|dywedut a|wnaethant
3
mae detwyd y|damweinaỽd udunt. kanys
4
goreu morỽr o|r byt oed gopart a hỽnnỽ a|e dy+
5
gei ỽynteu yn|diogel trỽy|r mor. Y·gyt ac y
6
doeth copart ar|ogyfuch ac ỽy. gouyn udunt
7
pwy oedynt. ac o pa le pan hanoedynt. Ti a
8
ỽdost ac a|n hatwaenost ni yn hyspys. kanys
9
sarascinyeit ym ni. Edeỽch y ỻong ar hynt
10
heb·y copart. Ac yna a|e ffonn y kyffessu yny aeth
11
y emennyd oc eu|penneu y saỽl ny byryaỽd
12
neit yn|y mor oc eu bodi. A gỽedy hynny y ky+
13
merth ef boỽn ac y duc y|r ỻong. a iosian yn|y
14
ol ynteu. A gỽedy hynny y kymerth arỽndel
15
rỽng y dỽylaỽ. ac y|dodes myỽn y ỻong. ac
16
nyt edewis heb gof mul iosian heb y dỽyn y my+
17
ỽn. a gỽedy hynny dyrchauel hỽyl a|ỽnaethant
18
ac racdunt yd hỽylyssant. a|phann yttoedynt
19
tu ac am hanner y mor. y gordiwedaỽd a mons+
20
trai vrenhin y myỽn herỽlong hir a|ỻawer o
21
niuer gyt ac ef. ac yn begythyaỽ boỽn yn ga+
22
darn. ac yn tyngu y uahumet y ỻadei y
23
benn. a gofyn ae copart a|welei ef gyt a|boỽn.
24
Mi ys|gỽir heb·y copart. nyt ymgelaf myn ma+
25
humet uyn duỽ i. ef a|uyd ediuar itt y tỽyỻ
26
hỽnn. Sef a|ỽnaeth copart yna kael kyff maỽr
27
yn|y laỽ. a|dywedut ỽrth amonstrai. Ymchoel
28
dracheuyn lỽttỽn. ny rodỽn i yroch chỽi nac yr
29
aỽch|ffyd un egroessen. ac onyt ymchoely mi
30
a|rodaf itt dyrnaỽt. Y·gyt ac y clyỽ monstrai
31
gopart yn|y uegythyaỽ. diruaỽr ouyn a|gym+
32
erth. ac yr y urenhinyaeth oreu yn|y wlat.
33
nyt arhoei yr eil|geir bygỽth y gan gopart.
34
Ac yna ymwahanu a|wnaethant. a|boỽn a|e  ̷
35
gedymdeithon a|hỽylassant racdunt yny|doeth
36
y|r borthua yssyd yn ymyl bỽlỽyn. a|r dyd hỽn+
37
nỽ yd aeth escob y orymdeith y|r borthua. ac
38
ewythyr oed yr escob y boỽn. ac ny wydyat
39
boỽn ydeirydeit idaỽ. Ar|hynny nachaf boỽn
40
yn|dyuot yn erbyn yr escob. a chyt ac y|daỽỽ*
41
yn agos kyuarch gỽeỻ idaỽ a|wnaeth. a|r es+
42
cob a ouynnaỽd y boỽn o pa|le pan hanoed. O
43
loegyr arglỽyd pan|hanỽyf heb·y boỽn. Ac yn