Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 219r

Ystoria Bown de Hamtwn

219r

880

1
a|e draet. A phỽy bynnac a|uei yn|edrych ar+
2
nadunt. truan uydei yn|y gaỻon yr kadarnet
3
uei. gỽelet eu|drycuerth*. Yna kyuodi boỽn
4
y uynyd. a dyuot yn|y ansaỽd e|hun a|e leỽder
5
ac ysgynnu ar|arỽndel y uarch. a|cherdet rac+
6
daỽ. ac edrych ar y greic a|ỽnaeth. a|phan|edrych.
7
Ef a|wyl y ỻewot a iosian yg|karchar yryng+
8
tunt. Sef a|wnaeth iosian ỻeuein ygyt ac y
9
gỽyl bown. ac erchi idaỽ dial agheu bonffei
10
y ysgỽier. Mi a|wnaf hynny heb·y boỽn.
11
a thi a|aỻut wybot yn hyspys y dialaf. Ef a
12
uyd reit y|r|ỻewot vynet drỽy vyn dỽylaỽ i.
13
Y·gyt ac|y|clyỽ y|ỻewot ynteu yn|dywedut.
14
kyuodi udunt ỽynteu y|uynyd. Sef a|wna+
15
eth iosian dodi y dỽylaỽ am vynỽgyl y neiỻ
16
a|e|attal herỽyd y gaỻei oreu. Sef a|wnaeth
17
boỽn erchi idi y eỻỽng. Na eỻ·yngaf heb
18
hitheu. yny darffo itt lad y ỻaỻ. Myn duỽ
19
heb ynteu reit vyd itt y eỻỽng. Sef achaỽs
20
yỽ. pan vỽyf i y|m|gỽlat. ac ymplith vyg|gỽ+
21
yrda. o dywedỽn i neu o|r bocsachỽn. ry dar+
22
uot im ỻad deu leỽ. titheu a|dywedut y mae
23
tydi a|dalyassei y neiỻ hyt tra|uum inneu
24
yn|ỻad y|ỻaỻ. a hynny ny|s|mynnỽn inneu
25
yr yr|hoỻ gristonogaeth. ac ỽrth hynny eỻ+
26
ỽng ef. Ac ony|s geỻyngy. ym kyffes miui
27
a|af ymeith. a thitheu a|drigyy yna. Geỻ+
28
yngaf arglỽyd heb hitheu a iessu grist a|th
29
differo. rac eu|drỽc. yna disgynnu boỽn y ar
30
y uarch. rac kyuaruot drỽc a|r march. a|chy+
31
wreinyaỽ y|daryan ar y ysgỽyd asseu a|thyn+
32
nu y|gledyf. Sef a|wnaeth y neiỻ o|r ỻewot o|r
33
blaen y achub. a|dyrchauel y deutroet vlaen.
34
a|gossot ar boỽn a|e uedru yn|y daryan. yny
35
dorres y daryan yn|dryỻeu. Sef a|ỽnaeth yn+
36
teu boỽn gossot ar y ỻeỽ a|e gledyf a|e uedru
37
ar y|benn. ac ny wnaeth y dyrnaỽt hỽnnỽ
38
dim ar·gywed   y|r ỻeỽ rac kaỻettet croen
39
y|benn. Yna a  gori y sauyn o|r ỻeỽ. ar ues  ̷+
40
sur tagu boỽn. Sef a|wnaeth ynteu boỽn.
41
drỽy y lit a|e|angerd. gossot ar y ỻeỽ a|e uedru
42
yn|y sauyn yny aeth y cledyf ar y hyt. a thrỽy
43
y|gaỻon. ac heb olud tynnu y gledyf a|wnaeth.

881

1
a|r|ỻeỽ a|dygỽydaỽd yn uarỽ. Y ỻeỽ araỻ a|e achu+
2
baỽd yn wennwynic. ac a|rỽygaỽd ỻuruc bo+
3
ỽn. hyt nat oed weỻ hi no hen|beis lomdoỻ dreu+
4
ledic. a|dyrchauel y deu troet ulaen a|wnaeth ef
5
a|cheissaỽ gossot ar boỽn. Sef a|ỽnaeth boỽn yn
6
drebelit yna gossot arnaỽ ynteu. a|e uedru ar
7
y deu troet. yny aeth y draet a|thalym o|r brei+
8
cheu y ỽrth y corff. ac yny dygỽyd ynteu y|r ỻa+
9
ỽr. A|gỽedy hynny y cỽplaaỽd boỽn wassanaeth
10
y ỻeỽ yn|da digaỽn. A|gỽedy daruot idaỽ ỻad
11
y deu|leỽ. ysgynnu ar arỽndel a|ỽnaeth. ac e+
12
drych ychydic o|e ulaen a|ỽnaeth. A|phan edrych.
13
ef a|wyl ar dywygyat dyn ryỽ aniueil gobraff
14
y ueint. ar ny|s|gỽelsei eiryoet y gyffelyb. a
15
ffonn hayarn braff yn|y laỽ. ac ny aỻei deg+
16
wyr cryf y dỽyn vn cam rac y thrymet. Ar y
17
ystlys yd oed yspodyl drom vnuiniaỽc. y·rỽng
18
y|deulygat yd|oed teir troetued ehalaeth. a
19
thal maỽr amyl. a|duach oed no|r muchud. a
20
thrỽyn praff ffroenuoỻ oed idaỽ. a choesseu
21
hirlymyon ysgyrnic. Gỽaỻt y benn oed me+
22
gys raỽn meirch gre. Y lygeit a|oedynt gyme+
23
int a|r|deu saỽsser vỽyhaf o|r a|welsei neb eiryo+
24
et. Hỽy oed y danned noc yskithred y baed coet
25
hỽyaf y ysgithred. a|geneu gobraff oed idaỽ.
26
A|phan dywettei dan agori y safyn. megys
27
hen eỻgi bỽnn an·eglur agharueid y dywedei.
28
a|breicheu hirion kadarn. ac ewined caletlym.
29
a|chyn|galettet oed y ewined yn|wir. ac nat oed
30
mur|maen yn|y gristonogaeth ny|s|diwreidei ef
31
yn gỽbyl yn vndyd. a|r gỽr hagyr aflunyeid
32
hỽnnỽ ygyt ac y gỽyl ef boỽn. y dywaỽt yn
33
uchel. Reit vyd itt dỽyỻỽr bratỽr. ymchoelut
34
dracheuyn. a|rodi iosian vy arglỽydes im a  ̷
35
dugost yn|ỻathrut. Sef a|wnaeth boỽn enry+
36
uedu yn|uaỽr praffder y gỽr a|e afluneidet. a
37
chỽerthin a dywedut. Tydi uilein heb·y boỽn
38
yr y|duỽ y credy di idaỽ ae kymeint paỽp y|th
39
wlat ti a|thydi. Kymeint myn vyn|duỽ ter+
40
uygaỽnt heb ynteu. a|phan uum i y|m gỽlat.
41
ỽynt a|dywedynt na bydei ohonaf inneu dim
42
meint byth. ac rac kewilyd yd edeweis vyg
43
gỽlat. ac y deuthum y|r wlat honn. ac y gỽr+
44
[ heeis