Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 212v

Ystoria Bown de Hamtwn

212v

854

1
Ac ar|uchaf hynny quire da diogel a chyn+
2
saỻt hossaneu ỻuruc. a|chrimogeu am y dra+
3
et. a|e esgeired. Ac ar warthaf hynny ys+
4
parduneu eureit. am y benn y dodet pen+
5
guch bỽrkỽin a|phaelet. ac ar warthaf
6
hynny helym eureit echtywynnedic. A
7
gỽedy hynny y rodes y brenhin cledyf idaỽ
8
ac y gỽisgaỽd ymdanaỽ. ac ny bu erioet
9
y gystal kanny phylei. ac ny phlygei yr a
10
ffustit ac ef. a morglei oed y enỽ. a iosian
11
a rodes march idaỽ. ac arỽndel oed y enỽ.
12
ac ny bu na chynt na|gỽedy y gystal na|e
13
gyn|uuanet. Esgynnu a|oruc boỽn ar y mar+
14
ch. a|chymryt y daryan a|delỽ ỻeỽ a|oed
15
yn|y daryan. a|honno a|dodet ar yr ysgỽyd
16
asseu idaỽ. Ac yna y dywaỽt iosian ỽrth+
17
aỽ. Ym|pỽyth na vrath y march o·nyt
18
yn|wedeid. ac yn|dylyedus. a vnbennes
19
dos di y benn y tỽr ac edrych. ac o brathaf|i
20
y march yn anlyedus. pan|delỽyf dracheuyn
21
bonclusta ui. Da|digaỽn y dywedy heb hi.
22
Yna y kymerth boỽn corn maỽr ac y cant
23
yn gadarn. Sef a|ỽnaeth paỽb o|r dinas
24
yna gỽiscaỽ ymdanunt. A gỽedy gỽiscaỽ
25
dyuot ygyt a|ỽnaethant. Yna y|dywaỽt
26
ermin ỽrth boỽn. kymer vy ystondard
27
i a|cherda o|r|blaen. a chỽitheu eỽch paỽb
28
gyt ac ef megys pei eleỽch gyt a|mi
29
pei elỽn vy hun y|r gyfranc. Edrych eu
30
niuer a|ỽnaethant. Sef yd oedynt deu+
31
gein|mil o berchen meirch. adaỽ y dref
32
a|ỽnaethant. Ac yn eu herbyn y doeth
33
bratmỽnt. a chan mil o berchen meirch
34
gyt ac ef. a|rodefon oed yn arwein y
35
ystondard ef o|r blaen. ac ny charaỽd
36
hỽnnỽ duỽ eiryoet namyn mahum+
37
met. a bleỽogach oed a|garỽach y vleỽ
38
no|r hỽch arỽaf y gỽrych neu|r draen+
39
naỽc. Sef a|ỽnaeth boỽn yna ymgyw+
40
reinaỽ yn|y gyfrỽy. ac ystynnv y|draet
41
yn|y warthafleu. a brathu arỽndel ac
42
ysparduneu. a chyrchu rodefon. a gos+
43
sot arnaỽ a|e waeỽ. a|e urathu ym|perued

855

1
y|daryan. yny|dyrr y* dryỻeu. ac yny aeth y
2
gỽaeỽ trỽydaỽ ynteu. a|thrỽy y hoỻ arueu
3
yny dygỽydod rodefon yn|uarỽ dan draet y
4
uarch. Ac y|dywaỽt boỽn ỽrthaỽ. gỽeỻ
5
fuassei itt trigyaỽ gartref no|dyuot yma.
6
Ac ymchoelut at y gedymdeithon a|dyỽedut
7
ỽrthunt. arglỽydi bydỽn da kanys ni
8
a|gaỽssam dechreu da. ac nyt oes na frỽyth
9
na|nerth yn|y bopyl a|ỽelỽch chỽi racco.
10
a hỽynteu niuer bratmỽnt a|uu argyssỽr
11
maỽr arnunt o|welet ỻad eu hystondardỽr
12
rac eu bronn. a|r gleỽhaf o·nadunt a|uynnei
13
y uot gartref. yna ymgyrchu a|ỽnaethant.
14
ac ar yr ymgyuaruot kyntaf ef a|las pedwar
15
cant o|wyr bratmỽnt. A gỽedy hynny bo+
16
ỽn a|tynnaỽd morglei y gledyf. ac ysgathru
17
ac ef. megys paladurỽr yn|ỻad y weirglaỽd
18
penneu y alon. a|e dỽylaỽ. a|e breicheu. a
19
phob kyfryỽ aelaỽt o|r|a|gyfarffei ac ef. a|e
20
gedymdeithon ynteu yn wychyr leỽ yn ỻad
21
paỽb o|r a|gyuarffei ac ỽynteu. Ac yna y
22
dywaỽt bratmỽnt yn uchel ỽrth y wyr.
23
ỻedỽch yni niuer ermin yn|ebrỽyd. ac ony|s
24
ỻedỽch. ny cheỽch o|m|da vyth werth un not+
25
wyd. Sef a|ỽnaeth boỽn yna glaschỽerthin.
26
a dywedut. Bratmỽnt beth a vynneist di
27
y|r wlat honn. ae tybyeit kael iosian. Ys byd
28
gynt y key dy grogi ỽrth y iubet. Pony we+
29
ly di daruot ỻad kan|mỽyaf dy hoỻ aỻu.
30
Beth a|dreithyr yghwanec. kynn hanner
31
dyd neur daroed ỻad hoỻ aỻu bratmỽnt.
32
ac ynteu e|hunan ac ychydic o|niuer gyt ac
33
ef yn oledrat. ar hyt dyffryn a|ffoyssant. a
34
deu o|wyr ermin yn|garcharoryon gantunt.
35
a|darpar oed gan bratmỽnt peri eu blighaỽ
36
yn|vyỽ. a gỽaethiroed duỽ na bligỽyt. kanys
37
traỻaỽt praff a baryssant y voỽn wedy hyn+
38
ny. A gỽedy gỽybot o|boỽn ry ffo bratmỽnt.
39
brathu arỽndel a|r ysparduneu. a|chynt y
40
redaỽd y·danaỽ noc yd ehettei y ỻamhystaen
41
neu yr walch pan|ehettynt gyntaf. ac ar
42
hynt ymordiwes a|ỽnaeth a|bratmỽnt. a
43
rodi dyrnaỽt idaỽ yny dygỽydaỽd ynteu y|r