Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 208v

Culhwch ac Olwen

208v

838

1
hygỽyd gỽas arthur. braỽt oed hỽn+
2
nỽ un uam y gachamỽri gỽas arthur.
3
Sef oed y sỽyd ef yn wastat ymdỽyn
4
peir arthur a|dodi tan ydanaỽ.
5
Meglyt o lenỻeaỽc ỽydel yg|kaletvỽlch.
6
a|e eỻỽng ar y rot. a ỻad diỽrnach wy+
7
del a|e niuer achan*. Dyuot ỻuoed
8
Jwerdon ac ymlad ac ỽy. a gỽedy
9
ffo y ỻuoed achlan. mynet arthur
10
a|e wyr yn|eu|gỽyd yn|y ỻong. a|r peir
11
yn ỻaỽn o sỽỻt iỽerdon gantunt. a|dis+
12
kynnu yn|ty ỻỽydeu mab kel coet ym
13
porth kerdin yn|dyuet. ac yno y mae
14
messur y peir. ~ ~ ~ ~ ~
15
A C yna y kynnuỻỽys arthur a|oed
16
o gynifyỽr yn|teir ynys prydein.
17
a|e their rac·ynys. ac a|oed yn|freinc
18
a ỻydaỽ. a normandi a|gỽlat yr haf.
19
ac a|oed o gicỽr dethol. a march clotua+
20
ỽr. ac yd|aeth a|r niueroed hynny oỻ
21
hyt yn iỽerdon. ac y bu ouyn maỽr ac
22
ergryn racdaỽ yn Jwerdon. A gỽedy
23
disgynnu arthur y|r tir. dyuot seint
24
Jwerdon attaỽ y erchi naỽd idaỽ. Ac
25
y|rodes ynteu naỽd udunt hỽy. ac y ro+
26
dassant ỽynteu eu bendyth idaỽ ef.
27
Dyuot a|oruc gỽyr iwerdon hyt att
28
arthur a|rodi bỽyttal idaỽ. Dyuot a|o  ̷+
29
ruc arthur hyt yn esgeir oeruel yn
30
Jỽerdon. yn|y|ỻe yd|oed tỽrch trỽyth. a|e
31
seith|lydyn moch gantaỽ. geỻỽng
32
kỽn arnaỽ o bop parth. y dyd hỽnnỽ
33
educher yd ymladaỽd y gỽydyl ac ef.
34
Yr|hynny pymhet ran y iwerdon a|ỽ+
35
naeth yn diffeith. a|thrannoeth yd ym+

839

1
ladaỽd teulu arthur ac ef. namyn a gaỽs+
2
sant o|drỽc y gantaỽ. ny chaỽssant dim o
3
da. Y trydyd dyd yd ymladaỽd arthur
4
e|hun ac ef naỽ nos. a naỽ nieu. ny lad+
5
aỽd namyn un parcheỻ o|e uoch. Go+
6
uynnỽys y gỽyr y arthur peth oed
7
ystyr yr hỽch hỽnnỽ. Y dywaỽt ynteu.
8
brenhin uu. ac am y bechaỽt y rithỽ+
9
ys duỽ ef yn|hỽch. Gyrru a|ỽnaeth
10
arthur gỽrhyr gỽalstaỽt ieithoed. y
11
geissaỽ ymadraỽd ac ef. Mynet a|oruc
12
gỽrhyr yn rith ederyn. a|disgynnv a|ỽna+
13
eth vch benn y wal ef a|e seith|lydyn
14
moch. a gouyn a|oruc ˄gỽrhyr gỽalstaỽt ˄ieithoed idaỽ.
15
Yr y gỽr a|th|wnaeth ar y|delỽ honn. o|r
16
geỻỽch dywedut. y|harchaf dyuot un o+
17
honaỽch y ymdidan ac arthur. Gỽrth+
18
eb a|ỽnaeth grugyn gỽrych ereint. mal
19
adaned aryant oed y wrych oỻ y fford
20
y kerdei ar goet ac ar uaes y gỽelit
21
ual y ỻithrei y wrych. Sef atteb a rodes
22
grugyn. Myn y gỽr a|n gỽnaeth ni ar|y
23
delỽ honn. ny wnaỽn. ac ny dywedỽn
24
dim yr arthur. Oed digaỽn o drỽc a|ỽnath+
25
oed duỽ ynni. an gỽneuthur ar y|delỽ hon.
26
kyny deleỽch chỽitheu y ymlad a|ni.
27
Mi a|dywedaf yỽch yd|ymlad arthur am y
28
grib a|r eỻyn a|r gỽeỻeu yssyd rỽng deu
29
glust tỽrch trỽyth. Heb·y grugyn hyt
30
pann|gaffer y eneit ef yn gyntaf. ny
31
cheffir y tlysseu hynny. A|r bore auory
32
y kychỽynnỽn ni o·dyma. ac yd|aỽn y
33
wlat arthur a|r meint mỽyhaf a aỻom ni
34
o drỽc a|ỽnaỽn yno. Kychỽyn a|orugant
35
hỽy ar y|mor parth a chymry. ac yd|aeth