Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 196v

Geraint

196v

794

1
letty y mi yn|y lle goreu a|wypych ac ehangaf
2
y|r meirch. a chymer ditheu heb ef yr un march
3
a uynnych a|e arueu gyt ac ef yn|tal dy|wassa+
4
naeth a|th anrec. Duỽ a|dalo itt arglỽyd heb
5
y gỽas. a|digaỽn oed hynny yn|tal gỽassana+
6
eth a|uei vỽy no|r|un a|wneuthum i. ac y|r
7
dref yd aeth y gỽas. a|dala ỻetty goreu ac
8
esmỽythaf a wydyat yn|y dref a|wnaeth.
9
a|gỽedy hynny yd aeth y|r llys a|e uarch
10
a|e arueu gantaỽ. a|dyuot a|oruc hyt ỻe yd
11
oed y iarỻ a dywedut y gyfranc oỻ idaỽ. a
12
miui a|af arglỽyd yn erbyn y mackỽy y
13
uenegi y letty idaỽ. Dos ditheu yn ỻaỽen
14
heb ynteu. a ỻewenyd a geiff ef yman
15
pei as mynnei yn ỻawen. ac yn erbyn ge+
16
reint y doeth y gỽas a|dywedut idaỽ y kaf+
17
fei lewenyd gan yr iarll yn|y|lys e|hun.
18
ac ny mynnaỽd ef namyn mynet y letty
19
e|hun. ac ystaueỻ esmỽyt* a gauas a|diga+
20
ỽn o|weỻt a|diỻat yndi. a|ỻe ehang esmỽyth
21
a|gauas y ueirch. a|dogyn o diwaỻrỽyd a
22
beris y gỽas udunt. A|gỽedy ymdiarche+
23
nu o·nadunt y|dywaỽt gereint ỽrth enit.
24
Dos di heb ef y|r tu draỽ y|r ystauell. ac
25
na|dyret ti y|r tu hỽnn y|r ty. a galỽ attat
26
wreic y ty os mynny. Mi a|wnaf arglỽ+
27
yd heb hi ual y dywettych di. ac ar|hynny
28
y|doeth gỽr y ty att ereint. a|e ressaỽu a|o+
29
ruc. a unben heb ef a|leweist ti dy ginnyaỽ.
30
Do heb ef. Ac yna y|dywaỽt y gỽas ỽrthaỽ.
31
a uynny di heb ef ae diaỽt ae dim. kynn dy
32
uynet y ymwelet a|r iarỻ. Mynnaf ys|gỽir
33
heb ynteu. Ac yna yd aet* y gỽas y|r|dref.
34
ac y doet*. a|diaỽt udunt. a|chymryt diaỽt
35
a|orugant. Ny aỻaf i na chysgỽyf heb
36
ef. Je heb y gỽas tra uych di yn kyscu. min+
37
neu a af y ymwelet a|r iarỻ. Dos yn|ỻaw+
38
en heb ynteu. a|dyret yma dracheuyn pan
39
ercheis i ytti dyuot. a chyscu a|oruc gere+
40
int. a|chyscu a|oruc enit. A|dyuot a|oruc
41
y gỽas hyt ỻe yd|oed yr iarỻ. a gouyn a|o+
42
ruc yr iarỻ idaỽ pa|le yd|oed ỻetty y march+
43
aỽc. ac y|dywaỽt ynteu. Reit yỽ ymi
44
heb ef vynet y wassanaethu arnaỽ ef
45
y chỽinsaf. Dos heb ynteu ac annerch
46
y gennyf i ef. a dywet idaỽ mi a|af y ym+

795

1
welet ac ef y chỽinsaf. Mi a|wnaf heb ynteu.
2
A dyuot a|oruc y gỽs* pan oed amser udunt
3
deffroi. a|chyuodi a|orugant a gorymdeith.
4
A phan uu amser gantunt kymryt eu|bỽ+
5
yt. ỽynt a|e kymerassant. a|r gỽas a|uu yn
6
gỽassanaethu arnunt. a|gereint a|ouynna+
7
ỽd y|ỽr y ty a|oed gedymdeithon udunt a|vynn+
8
ei eu gwahaỽd attaỽ. oes heb ynteu. Dỽc
9
ditheu ỽynt yma y gymryt digaỽn ar vyg
10
kost i o|r hynn goreu a gaffer yn|y dref ar
11
werth. Y niuer goreu a|uu gan ỽr y ty ef a|e
12
duc yno y gymryt digaỽn ar|gost gereint.
13
ar|hynny nachaf y iarỻ yn dyuot y ymwe+
14
let a gereint ar y deudec·uet marchaỽc ur+
15
daỽl. a chyuodi a|oruc gereint a|e ressawv.
16
Duỽ a|rodo da itt heb yr iarỻ. Mynet y eis+
17
ted a|orugant paỽp ual y raculaenei y en+
18
ryded idaỽ. ac ymdidan a|oruc y iarỻ a ge+
19
reint. a|gouyn idaỽ pa ryỽ gerdet oed arn+
20
naỽ. Nyt oes gennyf|i heb ef. namyn
21
edrych damweineu. a gỽneuthur negessev
22
a uo da gennyf. Sef a|oruc y iarỻ yna edry+
23
ch ar enit yn|graff sythedic. a|diheu oed
24
gantaỽ na welsei eiryoet vorỽyn degach
25
no hi na gỽympach. a|dodi y vryt a|e vedỽl
26
a|oruc arnei. a govyn a|oruc y ereint. a|gaf
27
i gennyt ti gennat y uynet att y uorỽyn
28
draỽ y ymdidan a|hi. megys ar|didaỽl y
29
ỽrthyt y gỽelaf. Keffy yn ỻawen heb ef
30
a|dyuot a|oruc ynteu hyt ỻe yd|oed y uorỽ+
31
yn a|dywedut ỽrthi. a|uorỽyn heb ef nyt
32
digrif itt yn|y kerdet hỽnn gyt a|r gỽr rac+
33
co. Nyt annigrif heb ef gennyf|i nu ger+
34
det y fford y kerdo ynteu. Ny cheffy heb yn+
35
teu na gỽeisson na morynyon a|th wassan+
36
naetho. Je heb hitheu. digriuach yỽ gennyf
37
i. canlyn y gỽr racko. no chyt caffỽn weis+
38
son a morynyon. Mi a|ỽn gynghor da itt
39
heb·yr ynteu. Mi a|rodaf vy Jarỻaeth y|th
40
uedyant a|thric gyt a mi. Na|uynnaf y+
41
rof a|duỽ heb hitheu. a|r gỽr racco yd ym+
42
gredeis i yn|gyntaf eiryoet. ac nyt annỽ+
43
adalaf y ỽrthaỽ. Cam a|wney heb ynteu.
44
O|ỻadaf|i y gỽr racko. mi a|th gaf di tra
45
y|th vynnỽyf. a|gỽedy na|th uynnỽyf mi
46
a|th dyrraf ymeith. Os o|th uod y gỽney