Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 189r

Y bedwaredd gainc

189r

764

1
at ef. ac ynteu a synnyỽys arnei hitheu. A|r
2
un medỽl a doeth yndaỽ ef ac a|doeth yndi hith+
3
eu. ef ny allỽys ymgelu o|e uot yn|y charu hi.
4
a|e uenegi idi a|ỽnaeth. Hitheu a|gymerth dir+
5
uaỽr lewenyd yndi. ac o achaỽs y serch a|r
6
caryat a|dodassei bop un ohonunt ar y gilyd
7
y bu eu hymdidan y nos honno. ac ny bu o+
8
hir y ymgael ohonunt. nyt amgen no|r nos
9
honno. a|r nos honno kyscu y·gyt a|ỽnaeth+
10
ant. a|thrannoeth arouun a|ỽnaeth ef ym+
11
eith. Dioer heb hi nyt ey y ỽrthyf i heno.
12
Y nos honno y buant y·gyt heuyt. a|r nos
13
honno y bu yr ymgynghor gantunt pa
14
furyf y keffynt uot ygkyt. Nyt oes
15
gynghor heb ef onyt un. keissaỽ y gantaỽ
16
gỽybot pa ffuryf y del y angheu. a hynny
17
yn rith amgeled amdanaỽ. Trannoeth
18
arouun a|ỽnaeth. Dioer heb hi ny chyg+
19
horaf it hediỽ uynet y ỽrthyf|i. Dioer ka+
20
nys kynghory ditheu. nyt af ynheu heb
21
ef. Mi a|dywedaf hagen uot yn berigyl
22
dyuot yr unben bieu y|ỻys adref. Je heb
23
hi auory mi a|th ganhataf di y uynet
24
ymdeith. Trannoeth arouun a|ỽnaeth
25
ef. ac ny|s ỻudywys hitheu ef. Je heb ynteu
26
coffa a dywedeis ỽrthyt ac ymdidan yn
27
lut ac ef. a hynny yn rith ysmalhaỽch ca+
28
ryat ac ef. A dilyt y gantaỽ pa fford y
29
gallei dyuot y angheu. Ynteu a doeth adref
30
y nos honno. Treulaỽ y dyd a|wnaethant
31
drỽy ymdidan a|cherd a|chyuedach. A|r nos
32
honno y gyscu y·gyt yd|aethant. ac ef
33
a|dywaỽt parabyl a|r|eil ỽrthi. ac yn|hynny
34
parabyl ny|s kauas ef. Pa|derỽ ytti heb ef
35
ac a|wyt iach di. Medylyaỽ yd ỽyf heb hi
36
yr hynn ny|s medylyut ti amdanaf|i.
37
Sef yỽ hynny heb hi goualu am|dy angh+
38
eu di ot elut yn gynt no miui. Je heb yn+
39
teu duỽ a|dalo itt dy amgeled. Ony|m ỻad i
40
duỽ hagen nyt haỽd vy ỻad i heb ef. a|w+
41
ney ditheu yr duỽ. ac yrof inheu. menegi
42
ymi pa furyf y gaỻer dy lad ditheu. kanys
43
gweỻ yỽ uyg cof i ỽrth ymoglyt no|r teu
44
di. Dywedaf yn ỻaỽen heb ef. nyt haỽd
45
uy|llad|i heb o ergyt. a reit oed uot vlỽyd+
46
yn yn gỽneuthur y par y|m|byryit i ac ef.

765

1
a heb wneuthur dim o·honaỽ namyn pan
2
vydit ar yr aberth duỽ sul. ae diogel hynny
3
heb hi. Diogel dioer heb ef. Ny ellir uy llad i
4
y myỽn ty heb ef. ny ellir allan. ny eỻir uy
5
llad ar uarch. ny ellir ar uyn|troet. Je heb
6
hitheu pa delỽ y gellit dy lad ditheu. Mi a|e
7
dywedaf ytti heb ynteu. Gỽneuthur enneint
8
im ar|lan auon. a gỽneuthur cromglỽyt
9
uch penn y gerỽyn. a|e thoi yn da ac yn|didos
10
ỽedy hynny. a|dỽyn bỽch heb ef a|e dodi ger
11
llaỽ y gerỽyn. a|dodi ohonaf inheu y neill
12
troet ar geuyn y bỽch. a|r llaỻ ar ymyl y
13
gerwyn. pỽy bynnac a|medrei i ueỻy ef a|w+
14
naei uy ageu. Je heb hitheu diolchaf y duỽ
15
hynny. ef a|eỻir rac hynny dianc yn haỽd.
16
Nyt kynt noc y kauas hi yr ymadraỽd. y
17
hanuones hitheu att gronỽ pebyr. Gronỽ
18
a|lauurywys gỽeith y|gỽaeỽ. a|r un dyd ym
19
penn y vlỽydyn y bu baraỽt. a|r dyd hỽnnỽ
20
y peris ef idi hi gỽybot hynny. arglỽyd hi
21
yd ỽyf yn medylyaỽ pa|delỽ y gaỻei uot yn
22
wir a|dywedeist di gynt ỽrthyf|i. ac a|dangos+
23
sy di ymi pa ffuryf y sauut ti ar ymyl y ge+
24
rỽyn a|r bỽch o pharaf inheu yr enneint.
25
Dangossaf heb ynteu. Hitheu a anuones
26
att ronỽ. ac a|erchis idaỽ uot y|ghyscaỽt
27
y brynn a|elwir weithon brynn kyuergyr
28
yg glan auon kynuael oed hynny. Hitheu
29
a beris kynnuỻaỽ a|gauas o auar yn|y
30
cantref. a|e dỽyn y|r parth draỽ y|r auon
31
gyuarỽyneb a brynn kyuergyr. a thranno+
32
eth hi a|dywaỽt. arglỽyd heb hi mi a bereis
33
kyweiryaỽ y glỽyt a|r enneint y maent yn
34
baraỽt. Je heb ynteu aỽn y hedrych yn
35
ỻaỽen. Wynt a|doethant drannoeth y e+
36
drych yr enneint. Ti a|ey y|r enneint ar+
37
glỽyd heb hi. af yn ỻaỽen heb ef. Ef a|aeth
38
y|r enneint ac ymeneinaỽ a|ỽnaeth. arglỽ+
39
yd heb hi ỻyma yr anniueileit a|dyỽedeist
40
di uot bỽch arnunt. Je heb ynteu par dala
41
un ohonunt. a|phar y|dỽyn yma. ef a|duc+
42
pỽyt y bỽch. Yna y kyuodes ynteu o|r en+
43
neint. a|gỽiscaỽ y laỽdyr ymdanaỽ a|dodi
44
y neiỻ troet idaỽ ar ymyl y gerỽyn. a|r
45
ỻaỻ ar geuyn y bỽch. Ynteu ronỽ a|gyuot+
46
es y uynyd o|r bryn a|elwir brynn kyuergyr