Oxford Jesus College MS. 111 (The Red Book of Hergest) – page 187v
Y bedwaredd gainc
187v
758
1
y uedydyaỽ. ac y mae y enỽ yn|baraỽt.
2
Sef yỽ hỽnnỽ bleidỽn. Y tri meib yssyd y
3
chỽi a|r tri hynny ynt. Tri|meib giluae+
4
thỽy ennỽir. tri|chenryssedat kywir. blei+
5
dỽn. hydỽn. hychdỽn hir. ac ar|hynny eu
6
taraỽ ỽynteu eỻ|deu a|r hutlath yny uyd+
7
ant yn eu cnaỽt e|hun. Hawyr heb ef o|r
8
gỽnaethaỽch gam ymi digaỽn y buaỽch
9
y mhoen. a|cheỽilyd maỽr a gaỽssaỽch. bot
10
plant y bop un ohonaỽch o|e gilyd. Perỽch
11
enneint y|r gỽyr a|golchi eu penneu ac
12
eu kyweiryaỽ. a hynny a|berit udunt. a|gỽ+
13
edy ymgyweiryaỽ ohonunt attaỽ ef
14
y kyrchyssant. Hawyr heb ef tangneued
15
a gaỽssaỽch a|cherennyd a geffỽch. a rodỽch
16
ym gynghor pa uorỽyn a|geissỽyf. arglỽyd
17
heb·y gỽydyon uab don haỽd yỽ dy gyghori.
18
aranrot uerch don. dy nith uerch dy chỽaer.
19
honno a|gyrchỽyt attaỽ. Y uorỽyn a|doeth
20
y myỽn. a vorỽyn heb ef a|wyt uorỽn* di.
21
Ny ỽnn i arglỽyd amgen no|m bot. Yna y
22
kymerth ynteu yr hutlath a|e chamu. cam+
23
ma di dros honn heb ef. ac ot ỽyt uorỽyn
24
mi a|adnabydaf. yna y camaỽd hitheu
25
dros yr huthlath*. ac ar y cam hỽnnỽ adaỽ
26
mab brasuelyn maỽr a|oruc. Yn ol diaspat
27
y mab kyrchu y drỽs a|oruc hi. ac ar hyn+
28
ny adaỽ y ryỽ bethan o·honei. a chyn kael
29
o neb gỽelet yr eil olỽc arnei. gỽydyon a|e
30
kymerth. ac a|droes ỻenn o|bali yn|y gylch ac
31
a|e cudyaỽd. Sef ỻe y cudyaỽd y myỽn ỻaỽr
32
kist is traet y wely. Je heb·y math mab ma+
33
thonyỽy mi a|baraf uedydyaỽ hỽnn. ỽrth y
34
mab brasuelyn. Sef enỽ a|baraf arnaỽ. dy+
35
lan. Bedydyaỽ a|wnaethpỽyt y mab. ac ual
36
y bedydywyt y mor a|gyrchỽys. Ac yn|y ỻe
37
ygyt ac y doeth y|r mor. anyan y mor a|gauas.
38
a|chystal y nouyei a|r pysc goreu yn|y mor.
39
Ac o achaỽs hynny y gelwit ef. dylan eilton.
40
ny thorres tonn ydanaỽ eiryoet. a|r ergyt
41
y doeth y agheu ohonaỽ a|uyryaỽd gouannon
42
y ewythyr. a hỽnnỽ a|uu drydyd anuat ergyt.
43
val yd|oed wydyon diwarnaỽt yn|y wely ac
44
yn deffroi. ef a glywei diaspat yn|y gist is y
45
draet. kynny bei uchel hi. kyfuch oed ac y
759
1
kigleu ef. Sef a|oruc ynteu kyuodi yn gyf+
2
lym ac agori y gist. ac ual y hegyr ef a|w+
3
elei uab bychan yn rỽyuaỽ y ureicheu. o
4
blyc y ỻenn ac yn|y gỽasgaru. ac ef a
5
gymerth y mab y·rỽng y|dỽylaỽ. ac a|gyr+
6
chỽys y dref ac ef ỻe y gỽydyat bot gỽreic
7
a bronneu genti. ac ymobryn a|ỽnaeth
8
a|r wreic ueithryn y mab. Y mab a|uagỽ+
9
yt y vlỽydyn honno. Ac yn oet y vlỽydyn
10
hoff oed gantunt y vreisket bei|dỽyulỽyd.
11
a|r eil vlỽydynn mab maỽr oed ac yn gaỻu
12
e|hun kyrchu y ỻys. Ynteu e|hun wydyon
13
wedy y dyuot y|r ỻys a|synnyỽys arnaỽ.
14
a|r mab a ymgeneuinaỽd ac ef. ac a|e car+
15
aỽd yn|vỽy noc un dyn. Yna y|magỽyt y
16
mab yn|y ỻys yny uu pedeirblwyd. a hoff
17
oed y veint y uab wyth mlỽyd uot yn gyn
18
ureiscet ac ef. a|diwarnaỽt ef a|gerdaỽd
19
yn ol gỽydyon y orymdeith aỻan. Sef
20
a|wnaeth kyrchu kaer aranrot a|r|mab
21
gyt ac ef. Gỽedy y|dyuot y|r ỻys kyuodi
22
a|oruc aranrot yn|y erbyn a|e raessaỽu
23
a chyfuarch gỽeỻ idaỽ. Duỽ a|rodo da itt
24
heb ef. Pa uab yssyd y|th ol di heb hi. Y
25
mab hỽnn mab itti yỽ ef heb ef. Oi|a|ỽr pa
26
doi arnat ti vyg|kewilydyaỽ i. a|dilyt vyg
27
kewilyd a|e gadỽ yn|gyhyt a|hynn. Ony
28
byd arnat ti geỽilyd uỽy no meithryn o·ho+
29
naf i uab kystal a hỽnn. Ys bychan a|beth
30
vyd dy gewilyd. Pỽy enỽ dy uab di heb hi.
31
Dioer heb ef nyt oes arnaỽ un enỽ ettỽa.
32
Je heb hi mi a|tynghaf dynghet idaỽ na
33
chaffo ef enỽ yny kaffo gennyf|i. Dygaf
34
y duỽ uyg|kyffes heb ef direit wreic ỽyt.
35
a|r|mab a|geiff enỽ kyt boet drỽc gennyt ti.
36
a|thitheu heb ef yr hỽnn yd ỽyt ti ac ae uar*
37
arnat am na|th elwir yn uorỽyn. ny|th elỽ+
38
ir beỻach byth yn uorỽyn. ac ar hynny
39
kerdet ymeith drỽy y lit a|wnaeth. a|chyr+
40
chu kaer dathyl. ac yno y bu y nos honno.
41
a|thrannoeth kyuodi a|oruc a|chymryt y
42
uab gyt ac ef. a mynet y orymdeith gan
43
lan y weilgi. rỽng hynny ac aber menei.
44
ac yn|y ỻe y gỽelas delysc a morỽyal hudaỽ
45
long* a|ỽnaeth. ac o|r gỽynnon* a|r|delysc
| « p 187r | p 188r » |