Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 183v

Y drydedd gainc

183v

742

1
eu gỽled ac eu|darmerth o·honunt. dechreu
2
a|wnaethant ymborth ar gic hela a physcaỽt
3
a bydafeu. Ac ueỻy bỽydyn* a|r eil a treulys+
4
sant yn digrif gantunt. ac yn|y diwed diffy+
5
gyaỽ a|ỽnaethant. Dioer heb·y manaỽy+
6
dan ny bydỽn ual|hynn. kyrchỽn loegyr
7
a cheissỽn grefft y kaffon yn hymborth.
8
kyrchu ỻoegyr a|orugant. a dyuot|hyt yn
9
henfford. a|chymrut arnunt gỽneuthur
10
kyfrỽyeu. A dechreu a|wnaeth ef uanaỽydan
11
ỻunyaỽ corfeu ac eu ỻiwaỽ ar y wed y gỽelsei
12
gan|lasar ỻaesgygỽyd a chalch llasar. a gỽ+
13
neuthur calch lasar racdaỽ ual y gỽnathoed
14
y gỽr araỻ. Ac ỽrth hynny y gelỽir ettwa
15
calch lasar. am y wneuthur o lasar ỻaes+
16
gygỽyd. ac o|r gỽeith hỽnnỽ tra geffit gan
17
uanaỽydan. ny phrynit gan gyfrỽyyd
18
dros wyneb hennfford na chorof na chyf+
19
rỽy. ac yny adnabu bop un o|r kyfrỽyydyon
20
y uot yn koỻi o|e henniỻ ỻawer. ac ny phry+
21
nit dim gantunt onyt gỽedy na cheffit
22
gan uanaỽydan. Ac yn|hynny ymgynnuỻ+
23
aỽ y·gyt ohonunt. a|duunaỽ am y lad ef a|e
24
gedymdeith. Ac yn hynny rybud a gaỽs+
25
sont ỽynteu. a|chymryt kynghor am a+
26
daỽ y dref. Y·rof|i a|duỽ heb·y pryderi ny
27
chynghoraf|i adaỽ y dref. namyn ỻad y
28
taeogyon racco. Nac ef heb·y manaỽydan
29
bei ymladem ni ac ỽyntỽy clot drỽc a vy+
30
dei arnam ac an carcharu a|wneit. Ys gỽ+
31
eỻ ymi heb ef kyrchu tref araỻ y ymos+
32
meithaỽ yndi. Ac yna kyrchu dinas
33
araỻ a|wnaethant eỻ|pedwar. Pa
34
geluydyt heb·y pryderi a gymerỽn
35
ni arnam. Gỽnaỽn taryaneu heb·y
36
manaỽydan. A ỽdom ninneu dim y
37
ỽrth hynny heb·y pryderi. Ni a|e pro+
38
fwn heb ynteu. Dechreu gỽneuthur
39
taryaneu a|orugant. ac eu|ỻunyaỽ ar
40
weith taryaneu da a|welsynt. a|dodi y
41
lliw a dodyssynt ar y|kyfrỽyeu arnunt.
42
a r gweith hỽnnỽ a|lỽydỽys racdunt hyt
43
na phrynit taryan yn yr hoỻ dref. onyt
44
gwedy na cheffit gantunt hỽy. kyflym
45
oed eu gweith ỽynteu a|diuessur a|ỽne+
46
ynt ac ueỻy y|buant yny dygỽydaỽd

743

1
yỽ kytdrefwyr racdunt. ac yny duunassant ar
2
geissaỽ eu llad. Rybud a doeth udunt ỽynteu.
3
a|chlybot bot y gwyr a|e bryt ar eu dihenydyaỽ
4
Pryderi heb·y manaỽydan y mae y gỽyr hynn
5
yn mynnu an diuetha. Na chymerỽn ninheu
6
y gan y taeogeu hynny. aỽn y·danunt a ỻadỽn
7
ỽynt. Nac ef heb ynteu. kasswallaỽn a|gly+
8
wei hynny a|e wyr. a reỽin vydem. kyrchu
9
tref araỻ a|wnaỽn. Wynt a|doethant y dref
10
arall. Pa geluydyt yd aỽn ni ỽrthi heb·y
11
manaỽydan. Yr honn y mynnych o|r a|wdam
12
ni heb·y pryderi. Nac ef heb ynteu gỽnaỽn
13
grydyaeth. ny byd o gallon gan grydyon
14
nac ymlad a ni nac ymwaravun. Ny ỽn i
15
dim y ỽrth honno heb·y pryderi. Mi a|e
16
gỽnn heb·y manawydan a mi a|dyscaf
17
itti wniaỽ. Ac nyt ymyrrỽn ar gyweiryaỽ
18
ỻedyr namyn y prynu yn paraỽt a gỽneu+
19
thur yn gỽeith ohonaỽ. ac yna dechreu
20
prynu y cordwal teckaf a|gafas yn|y dref.
21
ac amgen ledyr no hỽnnỽ ny phrynei ef ei+
22
thyr ỻedyr gỽadneu. a dechreu a|wnaeth ym+
23
gedymdeithassu a|r eurych goreu yn|y dref.
24
a pheri gỽaegeu y|r esgidyeu ac euraỽ y gỽ+
25
aegeu a synnyaỽ e|hun a˄r|hynny yny gỽybu.
26
Ac o|r achaỽs hỽnnỽ y gelwit ef yn drydyd
27
eurgryd. Tra geffit gantaỽ ef nac esgit na
28
hossan ny phrynit dim gan gryd yn yr hoỻ
29
dref. Sef a|wnaeth y crydyon adnabot bot
30
eu henniỻ yn paỻu udunt. kanys ual y ỻunyei
31
vanaỽdan y gỽeith y gỽniei pryderi. Dyuot
32
y crydyon a chymryt kyghor. sef a|gaỽssant
33
yn eu kynghor duunaỽ ar eu ỻad. Pryderi
34
heb·y|manaỽydan y mae y gỽyr hynn yn|myn+
35
nu an ỻad. Paham y kymerỽn ninneu hynny
36
y gan y taeogeu ỻadron heb·y pryderi. namyn
37
eu ỻad hỽy oỻ. Nac ef heb·y maỽydan nyt
38
ymladỽn ac ỽynt. ac ny bydỽn yn|ỻoegyr be+
39
ỻach. kyrchỽn parth a dyuet. ac aỽn y hedrych.
40
Pa hyt bynnac y buant ar y fford ỽynt a
41
doethant y dyuet. ac arberth a|gyrchassant.
42
a|ỻad tan a|wnaethant. a dechreu ymborth a
43
hela a|threulaỽ mis ueỻy. a chynnuỻ eu kỽn
44
attunt. a bot ueỻy yno vlỽydyn. a boregỽeith
45
kyuodi pryderi a|manaỽydan y|hela. a chywei+
46
ryaỽ eu kỽn a mynet odieithyr y ỻys. Sef a|w+