Oxford Jesus College MS. 111 (The Red Book of Hergest) – page 181r
Yr ail gainc
181r
732
1
ympob lle yn|y kyuoeth. ac y|maent yn ỻuossaỽc
2
ac yn|dyrchauel ympob ỻe. ac yn kadarnhau y ur*
3
uann y bont o wyr ac arueu goreu a|welas neb.
4
Dilit ymdidan a|wnaethant y nos honno tra
5
uu da gantunt a|cherd a chyuedach. a|phan
6
welsant bot yn ỻessach udunt uynet y gyscu
7
noc eisted a|uei hỽy y gyscu yd|aethant. ac
8
uelly y|treulassant y|wled honno trỽy digrifỽch
9
Ac yn niwed hynny y kychwynnỽys matholỽch
10
a|brannwen|gyt ac ef parth ac iwerdon. a|hyn+
11
ny o aber menei y kychwynnassant teir ỻong
12
ar|dec ac y doethant hyt yn iwerdon. Yn|iwerdon
13
diruaỽr lewenyd a uu ỽrthunt. Ny|doei ỽr
14
maỽr na gỽreicda yn iwerdon y ymwelet
15
a|brannwen ny rodei hi ae cae ae modrỽy ae
16
teyrndlỽs cadwedic idaỽ a uei arbennic y
17
welet yn|mynet ymeith. ac ymysc hynny
18
y vlỽydyn honno a|duc hi yn|glotuaỽr. a|hỽyl
19
delediỽ a|duc hi o glot a|chedymdeithon. a bei+
20
chogi a|damweinỽys idi y gael yn hynny.
21
A gỽedy treulaỽ yr amseroed dylyedus mab
22
a anet idi. Sef enỽ a|dodet arnaỽ gỽern uab
23
matholỽch. Rodi y mab ar|uaeth a|wnaeth+
24
pỽyt y|r un|ỻe goreu y wyr yn|Jwerdon. a
25
hynny yn|yr eil ulỽydyn ỻyma ymodỽrd
26
yn iwerdon am y gỽaratwyd a gaỽssei va+
27
tholỽch yg|kymry. a|r|som a|ỽnathoedit idaỽ
28
am|y veirch. a hynny y urodyr maeth a|r
29
rei nessaf gantaỽ yn|lliwaỽ idaỽ hynny
30
heb y gelu. ac nachaf y dygyuor yn iwerdon
31
hyt nat oed lonyd idaỽ ony chaei dial y sar+
32
haet. Sef dial a|wnaethant gyrru brannỽ+
33
en o vn ystaueỻ ac ef. a|e chymeỻ y bobi yn|y
34
ỻys. a|pheri y|r kigyd gỽedy y bei yn dryỻ+
35
yaỽ kic dyuot idi a tharaỽ bonclust ar+
36
nei beunyd. Ac ueỻy y gỽnaethpỽyt y
37
phoen. Je arglỽyd heb y wyr ỽrth uatholỽch.
38
par|weithon wahard y ỻongeu a|r ysgraffeu
39
a|r corygeu ual nat el neb y gymry. ac a|del
40
yma o gymry carchara ỽynt hyt nat elont
41
dracheuyn rac gỽybot hynn. ac ar hynny
42
y disgynnyssant blỽynyded nyt ỻei no their
43
y buant ueỻy. ac yn|hynny meithryn eder+
44
yn drytwen a|ỽnaeth hitheu ar dal y noe gyt
45
a|hi a dyscu ieith idi. a menegi y|r ederyn y
46
ryỽ ỽr oed y|braỽt. a|dỽyn ỻythyr y poeneu
733
1
a|r amarch a|oed arnei hitheu. a|r llythyr
2
a|rỽymỽyt am von esgyỻ yr ederyn. a|e anuon
3
parth a|chymry. a|r ederyn a|doeth y|r ynys honn.
4
Sef lle y kauas uendigeituran yg|kaer seint
5
yn aruon yn|dadleu idaỽ dydgỽeith. a disgyn+
6
nu ar y yscỽyd a|garỽhau y phluf yny argan+
7
uuwyt y|ỻythyr. ac adnabot meithryn yr|ederyn
8
yg|kyuanned. Ac yna kymryt y|ỻythyr a|e edrych
9
a phan|darỻewyt y ỻythyr doluryaỽ a|ỽnaeth
10
bendigeituran o glybot y poen a|oed ar vranwen
11
a dechreu o|r|ỻe hỽnnỽ anuon kenadeu y|dygyfory+
12
aỽ yr ynys honn y·gyt. Ac yna y peris ef
13
dyuot ỻỽyr wys pedeir|gỽlat a seith ugeint hyt
14
attaỽ. Ac e|hun kỽynaỽ ỽrth hynny bot y poen
15
a|oed ar y|chwaer. ac yna kymryt kynghor.
16
Sef kynghor a|gahat kyrchu iwerdon ac adaỽ
17
seithwyr yn tywyssogyon yma. a chradaỽc uab
18
bran yn bennaf. ac eu seith marchaỽc. yn|edeir+
19
non yd edewit y gỽyr hynny. ac o|achaỽs hynny
20
y|dodet seith marchaỽc ar y|dref. Sef|seithwyr
21
oedynt. Cradaỽc uab bran. ac eueyd hir. ac
22
vnic gleỽ yscỽyd. ac idic uab anaraỽc waỻt
23
grỽn. a ffodor uab eruyỻ. ac ỽlch minascỽrn.
24
a llashar uab ỻaesar ỻaesgygỽyd. a|phendaran
25
dyuet yn was ieuanc gyt ac ỽy. Y seith hynny a
26
dricywys yn seith kynỽeissat y|synnyaỽ ar yr|ynys
27
honn. A chradaỽc uab bran yn bennaf kynnweis+
28
syat arnunt. Bendigeituran a|r niuer a|dywe ̷+
29
dassam ni a hwylyassant parth ac iwerdon.
30
Ac nyt oed uaỽr y weilgi yna y ueis yd|aeth ef.
31
Nyt oed namyn dỽy auon. ỻi ac archan y|gelwit.
32
a|gỽedy hynny yd amylhaỽys y|weilgi y teyrnassoed.
33
Ac yna y kerdỽys ef ac a|oed o gerd arwest ar y
34
geuyn e|hun a chyrchu tir iwerdon. a meicheit
35
matholỽch oed ar lan y weilgi. ỽynt a|doethant
36
att vatholỽch. Arglỽyd heb ỽy henpych gỽeỻ
37
Duỽ a|rodo da yỽch heb ef. a|chỽedleu y gennwch
38
arglỽyd heb ỽy. mae gennyn ni chỽedleu enryued.
39
coet ry welsom ar y|weilgi. yn|y ỻe ny welsam
40
eiryoet vn|prenn. llyna beth eres heb ef. A|welỽch
41
chỽi dim namyn hynny. Gỽelem arglỽyd heb ỽy
42
mynyd maỽr geir ỻaỽ y coet. a|hỽnnỽ ar gerdet.
43
ac esgeir aruchel ar y mynyd. a|ỻyn o pob parth o|r
44
esgeir. a|r coet a|r mynyd a|phop|peth o hynny oỻ ar
45
gerdet. Je heb ynteu nyt oes neb yma a|wypo dim
46
y|ỽrth hynny o·ny|s gỽyr branwen gouynnỽch idi
« p 180v | p 181v » |