Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 166v

Peredur

166v

675

1
y|gỽr y|buost yr ys|talym o amser yn|y geissaỽ.
2
Graessaỽ ỽrthyt unbenn heb·yr arthur. a
3
chyt a|mi y trigyy. a phei|gỽypwn vot dy
4
gynnyd ual y bu. nyt aut y ỽrthyf|i pann
5
aethost. Hỽnn hagen a|daroganỽys y
6
corr a|r gorres itt a|uu drỽc kei ỽrthunt.
7
a thitheu a|e|dieleist. ac ar hynny nachaf
8
y vrenhines a|e ỻaỽ·vorynyon yn|dyuot. a
9
chyvarch gỽeỻ a|wnaeth peredur udunt.
10
a ỻaỽen uuant ỽynteu ỽrthaỽ a|e ressaỽv a|o+
11
rugant. parch ac enryded maỽr a|wnaeth arthur
12
am|peredur. ac ymchoelut a|orugant parth
13
a|chaerỻion. A|r nos gyntaf y deuth peredur
14
y gaer ỻion y lys arthur. ac yd yttoed yn troi
15
yn|y gaer wedy bỽyt. nachaf ygharat laỽ
16
euraỽc yn|kyuaruot ac ef. Myn vyg|kret vy
17
chwaer heb·y|peredur. morwyn hygar garueid wyt.
18
a|mi a|aỻỽn arnaf dy garu yn|vỽyhaf gỽreic
19
pei da gennyt. Miui a|rodaf vyg|cret heb hi
20
val|hynn. na|charaf i dydi ac na|th|vynnaf
21
yn|dragywydaỽl. Minneu a|rodaf vyg|cret
22
heb·y peredur. na|dywedaf ynneu ei* vyth
23
ỽrth gristaỽn yny adeuych ditheu arnat
24
vyg|caru i yn|vỽyhaf gỽr. Trannoeth ef
25
a|gerdaỽd. peredur. ymeith. a|r prifford ar|hyt
26
keuyn mynyd maỽr a|dilynỽys. ac ar di+
27
benn y|mynyd ef a|welei dyffryn crỽnn.
28
a|gororeu y|dyffryn yn goedaỽc carrecgaỽc.
29
a|gỽastat y dyffrynn oed yn|weirglodyeu.
30
ac yn|dired ar y·rỽng y gỽeirglodyeu a|r
31
coet. Ac ym mynnỽes y coet y gwelei tei
32
duon maỽr anuanaỽl eu|gỽeith. a dis·gyn+
33
nu a|ỽnaet* ac arwein y varch tu a|r coet.
34
Ac am talym o|r coe˄t ef a|welei ochyr carrec
35
lem. a|r fford yn|kyrchu ochyr y|garrec.
36
a|ỻew yn rỽym ỽrth gadwyn. ac yn|kyscu
37
ar ochyr y garrec. a|phỽỻ dỽfynn athru+
38
gar y veint a|welei dan y|ỻeỽ. a|e loneit
39
yndaỽ o esgyrn dynyon ac aniueileit.
40
a|thynnv cledyf a|wnaeth peredur. a tharaỽ y
41
ỻeỽ. yny|dygỽyd yn|dibin ỽrth y gadwyn.
42
vch penn y pỽỻ. ac ar yr eil|dyrnaỽt taraỽ
43
y gadỽyn a|oruc yny|tyrr. ac yny dygỽyd
44
y|ỻeỽ yn|y pỽỻ. ac ar traỽs ochyr y|garrec
45
arỽein y varch a|oruc peredur. yny|doeth y|r
46
dyffrynn. Ac ef a|welei am ganaỽl y dyffrynn

676

1
casteỻ tec. a|thu a|r casteỻ y deuth. ac ar y weir+
2
glaỽd ỽrth y casteỻ ef a|welei gỽr ỻỽyt maỽr
3
yn eisted. mỽy oed no gwr o|r a|welsei eiryoet.
4
a|deu was ieueinc yn saethu karneu eu|kyỻe+
5
iỻ o asgỽrn moruil. y neiỻ ohonunt yn was
6
gỽineu. a|r ỻaỻ yn was melyn. a|dyuot racdaỽ
7
a|wnaeth hyt y ỻe yd oed y gỽr ỻwyt. a chyvarch
8
gweỻ a|oruc peredur idaỽ. a|r gỽr ỻwyt a|dyw+
9
aỽt. mevyl ar varyf vym|porthaỽr. ac yna y
10
dyaỻaỽd peredur panyỽ y ỻeỽ oed y|porthaỽr.
11
Ac yna yd|aeth y gỽr ỻỽyt a|r gỽeisson gyt ac
12
ef y|r casteỻ. ac yd|aet* peredur gyt ac ỽy. a ỻe
13
tec enrydedus a|welei ef yno. a|r neuad a gyrch+
14
assant. a|r byrdeu oed gỽedy eu dyrchauel. a
15
bỽyt a ỻynn yn didlaỽt arnadunt. ac ar|hyny
16
ef a|welei yn dyuot o|r ystaueỻ gỽreic ohen a|gỽ+
17
reic ieuanc. ac mỽyhaf gỽraged o|r a|welsei eiry+
18
oet oedynt. ac ymolchi a|orugant. a|mynet
19
y vỽytta. a|r|gỽr ỻỽyt a|aeth y benn y bỽrd yn
20
uchaf. a|r wreic ohen yn nessaf idaỽ. a pheredur
21
a|r uorỽyn a dodet ygyt. a|r deu|was ieueinc
22
yn gỽassanaethu ar·nadunt. Ac edrych a|w+
23
naeth y uorỽyn ar peredur a thristau. a|go+
24
vyn a|oruc peredur y|r vorỽyn paham yd oed
25
trist. Tydi eneit yr pan yth weleis gyntaf
26
a|gereis yn|vỽyhaf gỽr. a|thost yỽ gennyf welet
27
ar|was kyn uonhedicket a|thi. y dihenyd a|vyd
28
arnat auory. a|weleist ti y tei duon ỻawer ym
29
bronn y coet. gỽyr yỽ y rei hynny y|m tat i oỻ
30
y gỽr ỻwyt racko. a chewri ynt oỻ. ac auory
31
wynt a|dygyforant am|dy|penn ac a|th|ladant.
32
a|r dyffryn crỽnn y gelwir y dyffrynn hỽnn.
33
Oia|uorwyn dec a bery di bot vym march i a|m
34
arueu yn vn ỻetty a|mi heno. Paraf y·rof|i
35
a duỽ os gaỻaf yn ỻawen. Pan vu amserach
36
gantunt kymrut* hun no chyuedach. y gysgu
37
yd|aethant. a|r uorỽyn a|beris bot march peredur
38
a|e arueu yn vn|ỻetty ac ef. a thrannoeth peredur
39
a|glywei gordyar gỽyr a meirch ygkylch y
40
casteỻ. a|pheredur a|gyuodes. ac a|wisgaỽd y
41
arueu ymdanaỽ. ac ymdan y uarch. ac ef
42
a|deuth y|r weirglaỽd. ac y deuth y wreic hen
43
a|r uorỽyn att y gỽr ỻỽyt. Arglỽyd heb hỽy
44
kymer gret y mackỽy na|dywetto dim o|r a|ỽ+
45
elas yman. a ni a|vydỽn drostaỽ y keidỽ. Na
46
chymeraf myn|vyg|kret heb y gỽr ỻỽyt. Ac