Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 164v

Peredur

164v

667

1
Ar hynny ỻyma pump morỽyn yn|dy+
2
uot o|r|ystaueỻ y|r neuad. A|r uorwyn pen+
3
naf onadunt. Dieu|oed gantaỽ na welsei
4
dremeint kyn|decket a hi eiryoet ar araỻ.
5
a henwisc o bali rỽyỻaỽc ymdanei a uu+
6
assei da gynt. yny welit y chnaỽt trỽy+
7
daỽ. a gỽynnach oed no blaỽt y krissant.
8
y gỽaỻt hitheu a|e|dỽyael duach oedynt no|r
9
muchud. deu uann gochyon vychein yn
10
y|grudyeu. cochach oedynt no|r dim coch+
11
af. Kyuarch gỽeỻ y peredur a|oruc y vorỽyn
12
a mynet dỽylaỽ mynỽgyl idaỽ. ac eisted ar
13
y neiỻ|laỽ. Nyt oed peỻ yn ol hynny. ef a|w+
14
elei dỽy vanaches yn|dyuot. a chostrel yn
15
ỻaỽn o|win gan y ỻeiỻ. a chwe thorth o|vara
16
cann gan y ỻaỻ. arglỽydes heb ỽy duỽ a|w+
17
yr na bu y gymeint araỻ a hynn o|vỽyt
18
a|ỻynn y|r koveint hỽnt heno. Odyna yd
19
aethant y vỽyta. a pheredur a|adnabu ar y
20
uorỽyn mynnu rodi o|r bỽyt a|r ỻyn idaỽ
21
ef mỽy noc y|araỻ. Tydi vy chwaer heb+
22
y peredur. Myvi a rannaf y bỽyt a|r|ỻynn.
23
Nac ef eneit heb hi. ỻyma vy ffyd mae mi
24
a|e rannaf. Peredur a|gymerth attaỽ y ba+
25
ra. ac a|rodes y baỽp gystal a|e gilyd. Ac y
26
uessur ffiol o|r|ỻynn ef a|rodes y baỽp gys+
27
tal a|e gilyd. Pan oed amser mynet y gyscu.
28
ystaueỻ a gỽeirỽyt y peredur. ac y|gyscu yd|aeth.
29
ỻyma vy chỽaer heb y gỽeisson ỽrth y vorỽyn
30
deckaf a phennaf onadunt a|gyghwn* i ytti.
31
Beth yỽ hynny heb hi. Mynet att y mac+
32
kỽy y|r ystaueỻ uchot y ymgynnic idaỽ.
33
yn y|wed y bo da gantaỽ ef ae yn|wreic ae
34
yn orderch. ỻyna heb hi beth ny weda. mivi
35
heb achaỽs eiryoet a|gỽr. Ac ymgynnic
36
o·honaf ynneu idaỽ ef. ym blaen vyg|gor+
37
derchu o·honaỽ. ny aỻaf i hynny yr dim.
38
Dygỽn y duỽ an|kyffes o·ny wney di hyn+
39
ny. y|th adaỽn y|th elynnyon yma y|wneu+
40
thur a vynnont a|thi. Ac rac ofyn hynny
41
kychwynnv a|oruc y vorỽyn. a than eỻỽng
42
y dagreu dyuot racdi y|r ystaueỻ. a chan
43
dỽrỽf y|dor yn agori. deffroi a|oruc peredur.
44
Sef yd|oed y vorỽyn yn wylaỽ. ac yn dryc+
45
aruerthu. Dywet vy chwaer heb·y peredur.
46
Pa ystyr yd wyt yn|wylaỽ. Mi a|e|dywedaf

668

1
ytt arglỽyd heb hi. Vyn tat i bioed y
2
kyuoeth hỽnn yn|veu idaỽ e|hun. a|r ỻys
3
honn a|r iarỻaeth ydanei goreu yn|y
4
gyuoeth. Sef yd|oed mab iarỻ araỻ
5
y|m|erchi ynneu y|m|tat. nyt aỽn
6
ynneu o|m bod attaỽ ef. ny|m rodi* yn+
7
neu vynn|tat o|m hanuod idaỽ ef nac
8
y iarỻ o|r|byt. Ac nyt oed o blant y|m
9
tat i namyn myvi vy hun. a|gỽedy
10
marỽ vyn|tat y dygỽydwys y kyuo+
11
eth y|m|ỻaỽ ynheu. a hỽyrach y myn+
12
nỽn euo yna no chynt. Sef a|oruc yn+
13
teu yna ryuelu arnaf i. a goresgynn
14
y|kyuoeth eithyr yr vn ty hỽnn. Ac rac
15
daet y|gỽyr a|weleist di brodoryon ma+
16
eth ymi. a|chadarnet y ty. ny cheit
17
vyth tra|barhaei vỽyt a|ỻynn. a hyn+
18
ny a|deryw. namyn ual yd oed y my+
19
nachesseu a|weleist|di y|n porthi ni
20
herwyd bot yn ryd udunt hỽy y kyfo+
21
eth a|r wlat. Ac|weithon nyt oes udunt
22
ỽynteu na|bỽyt na ỻynn. ac nyt oes
23
oet beỻach noc auory yny del y iarỻ
24
a|e|hoỻ aỻu gantaỽ am penn y ỻe
25
hỽnn. ac os mivi a|geiff ef. ny byd gỽ+
26
eỻ vyn|dihenyd. no|m rodi y weisson
27
y veirch. a|dyuot y ymgynnic y|tithev
28
arglỽyd yn|y wed y bo hegaraf gen+
29
nyt. yr bot yn nerth ynni. yn dỽyn
30
o·dyma neu yn amdiffynn ninheu
31
yma. Dos vy chwaer heb|ef y gysgu.
32
ac nyt af y ỽrthyt kyny wnelỽyf dim
33
oc a|dywedy. yny wypỽyf a aỻw·yf a
34
nerth yỽch. Drachefyn y|deuth y
35
uorỽyn y gysgu. Trannoeth y bore y
36
kyuodes y uorỽyn ac y deuth hyt ỻe yd
37
oed peredur. a chyvarch gỽeỻ idaỽ. Duỽ a
38
rodo da ytt eneit a|pha|ryỽ chỽedleu
39
yssyd gennyt. Nyt oes namyn da ar+
40
glỽyd tra vych iach di. namyn bot y
41
iarỻ a|e hoỻ aỻu gỽedy ry disgynnu
42
ỽrth y porth. Ac ny|welas neb ỻe am+
43
lach pebyỻeu. na|marchaỽc yn galỽ
44
ar araỻ y ymwan. Jeu heb·y peredur. Kyw+
45
eirer y minneu vy march. Yna y
46
varch a gyweirwyt y beredur. ac yn+