Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 156v

Owain

156v

635

1
pali y myỽn kadeireu eureit. A|hoffach o
2
lawer oed gan owein e tecket. ac eu|hardet
3
noc y|dywaỽt kynon idaỽ. A chyfodi a|wn+
4
aethant y wassanaethu owein mal y gỽ+
5
assanaethassynt gynon. a|hoffach vu gan
6
owein y borthant. no chan gynon. ac
7
am hanner bỽytta amofyn a|oruc y gỽr
8
melyn ac owein. py gerdet oed arnaỽ. Ac
9
y|dywaỽt owein gỽbyl o|e gerdet idaỽ. ac
10
yn ymgeissaỽ a|r marchaỽc yssyd yn gỽar+
11
chadỽ y ffynnaỽnn y mynnỽn vy mot.
12
a|gowenu a|oruc y gỽr melyn. a|bot yn an+
13
haỽd gantaỽ menegi y owein y kerdet hỽn+
14
nỽ. mal y bu anhaỽd gantaỽ y uenegi y
15
gynon. ac eissoes menegi a|oruc y owein
16
gỽbyl y ỽrth hynny. ac y gysgu yd aeth+
17
ant. a|r bore drannoeth y bu baraỽt march
18
owein gan y morynyon. A cherdet a|oruc
19
owein racdaỽ yny deuth y|r ỻannerch yd
20
oed y gỽr du yndi. a hoffach uu gan owe+
21
in meint y|gỽr du no chan gynon. a go+
22
fyn fford a|oruc owein y|r gỽr du. ac yn+
23
teu a|e menegis. a cherdet a|oruc owein y
24
fford ual kynon. yny doeth yn ymyl y
25
prenn glas. Ac ef a|welei y ffynnaỽn. a|r
26
ỻech yn ymyl y ffynnaỽn. a|r kaỽc erni.
27
a chymryt y kaỽc a|oruc owein a bỽrỽ kaỽ+
28
geit o|r dỽfyr ar y ỻech. Ac ar hynny na+
29
chaf y tỽryf. ac yn ol y tỽryf y gaỽat.
30
Mỽy o|lawer noc y|dywedassei gynon oed+
31
ynt. a gỽedy y gaỽat goleuhau a|oruc
32
yr awyr. A|phan edrychaỽd owein ar y
33
prenn. nyt oed vn dalen arnaỽ. Ar ar hyn+
34
ny nachaf yr adar yn disgynnu ar y|prenn
35
ac yn|kanu. A|phan oed digrifaf gan ow+
36
ein gerd yr adar. ef a|welei varchaỽc yn
37
dyuot ar hyt y dyffryn. a|e erbynnyeit
38
a|oruc owein. ac ymwan ac ef yn|drut.
39
A thorri y|deu baladyr a|orugant. a dis+
40
peilaỽ deu gledyf a|wnaethant. ac ym+
41
gyfogi. Ac ar hynny owein a|drewis
42
dyrnaỽt ar y marchaỽc trỽy y helym.
43
a|r pennffestin. a|r penngỽch pỽrqỽin. a
44
thrỽy y kroen a|r kig a|r asgỽrn. yny
45
glỽyfaỽd ar yr emennyd. Ac yna adna+
46
bot a|oruc y|marchaỽc duaỽc ry gaffel dyr+

636

1
naỽt agheuaỽl ohonaỽ. Ac ymchoelut penn
2
y varch a|oruc a ffo. A|e ymlit a|oruc ow  ̷+
3
ein. Ac nyt ymgaffei owein a|e vaedu a|r
4
cledyf. nyt oed beỻ idaỽ ynteu. Ac ar
5
hynny owein a|welei gaer uaỽr lywych+
6
edic. Ac y porth y gaer y deuthant. ac
7
eỻỽng y marchaỽc duaỽc a|ỽnaethpỽyt
8
y|myỽn. ac eỻỽng dor dyrchauat a|w+
9
naethpỽyt ar owein. A honno a|e me+
10
draỽd odis y pardỽgyl y kyfrỽy yny
11
dorres y march yn deu hanner trỽydaỽ
12
a|throeỻeu yr ysparduneu gan ysodleu
13
owein. ac yny gerda y|dor hyt y ỻaỽr. a|thro  ̷+
14
eỻeu yr ysparduneu a|dryỻ y march y
15
maes. Ac owein y·rỽng y dỽy|dor a|r|dryỻ
16
araỻ y|r|march. a|r dor y myỽn a gaewyt
17
ual na aỻei owein vynet odyno. Ac yg
18
kyfyg gyghor yd|oed owein. ac ual yd|o+
19
ed owein ueỻy. sef y gỽelei trỽy gyssỽỻt
20
y dor heol gyfarỽyneb ac ef. ac ystret o
21
tei o bop tu y|r heol. Ac a|welei morỽyn
22
benngrech uelen a ractal eur am y ph+
23
enn. a gỽisc o bali melyn ymdanei. a
24
dỽy wintas o gordwal brith am y thra+
25
et. Ac yn dyuot y|r|porth. ac erchi agori
26
a|oruc. Duỽ a|wyr unbennes heb·yr owe+
27
in na eỻir a·gori ytti o·dyma. mỽy noc
28
y geỻy|ditheu waret y minneu o·dyna.
29
Duỽ a|wyr heb y uorỽyn oed dyhed ma+
30
ỽr na eỻit gỽaret itti. ac oed iaỽn y wre+
31
ic wneuthur da ytti. Duỽ a|wyr na
32
weleis i eirmoet was weỻ no thi·di ỽrth
33
wreic. O bei gares ytt goreu kar|gỽreic
34
oedut. O bei orderch itt goreu gorderch
35
oedut. ac ỽrth hynny heb hi yr hynn
36
a|aỻaf i o waret itti mi a|e|gỽnaf. Hỽde
37
di y votrỽy honn a|dot am|dy vys. a dot
38
y maen hỽnn y myỽn dy laỽ. a chae dy
39
dỽrn am y maen. a thra|gudyych ti euo
40
euo a|th gud ditheu. A|phan hambỽyỻont
41
hỽy o|r ỻeon y deuant ỽy y|th gyrchu|di
42
y|th|dihennydyaỽ am|y|gỽr. A gỽedy na|w+
43
elont hỽy dydi drỽc vyd gantunt. a min+
44
neu a vydaf ar yr esgynuaen racko y|th
45
aros di. A thydi a|m|gỽely i kany* welỽyf|i
46
dydi. a dyret titheu a|dot dy laỽ ar penn