Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 145r

Trioedd Ynys Prydain

145r

592

1
meibon grythmỽl wledic. a|duc arnaỽ
2
achleu. ac archanat. yn erbyn riỽ uael+
3
aỽr yg|keredigyaỽn y dial eu|tat. 
4
Teir ỻynghes gynniweir ynys prydein.
5
ỻynghes lary uab y·ryf. a ỻynghes dig+
6
nif uab alan. a|ỻynghes solor uab ur·nach.
7
Teir gỽith baluaỽt ynys prydein. vn o+
8
nadunt a trewis matholỽch wydel ar vran+
9
wen uerch lyr. a|r eil a drewis gỽenhỽyf+
10
ach ar wenhỽyuar. ac o|achaỽs hynny y
11
bu|weith kat gamlan wedy hynny. A|r
12
dryded a|drewis golydan uard ar gadwal+
13
adyr vendigeit. Teir drut heirua ynys
14
prydein. vn onadunt pan|doeth medraỽt y
15
lys arthur yg|keỻi wic yg|kernyỽ. nyt
16
edewis na|bỽyt na|diaỽt yn|y llys ny|s treu+
17
lei. a thynnu gỽenhyuar heuyt o|e cha+
18
deir urenhinyaeth. ac yna y trewis pal+
19
uaỽt arnei. Yr eil drut heirua pan doeth
20
arthur y lys medraỽt. nyt edewis yn|y
21
ỻys nac yn|y cantref na bỽyt na diaỽt.
22
23
24
25
26
T Eir neges a|gahat o bowys.
27
vn onadunt yỽ kyrchu myngan
28
o veigen. hyt yn|ỻan silin. erbyn anterth
29
drannoeth. y gymryt y kynnedueu y
30
gan gadwaỻaỽn vendigeit. wedy ỻad
31
ieuaf a gryffri. Yr eil yỽ kyrchu griffri
32
hyt ym|brynn griffri erbyn y bore dran+
33
noeth. wrth ymchoelut ar etwin.
34
Y dryded uu kyrchu howel uab Jeuaf
35
hyt yg|keredigyaỽn. owein gỽyned y
36
ymlad a Jeuaf ac a Jago yn|yr aerua
37
honno. Trioed yỽ y rei hynn.
38
T Eir prif riein arthur. Gỽennhỽy+
39
uar uerch gỽryt gỽent. a gỽenhỽy+
40
uar uerch uab greidyaỽl. a|gỽenhỽyuar
41
uerch ocuran gaỽr. a|e deir karedicwre+
42
ic oed y|rei hynn. Jndec uerch arỽy hir.
43
a|garwen uerch henin hen. a|gỽyl verch

593

1
endaỽt. Teir gỽruorỽyn ynys prydein.
2
vn onadunt ỻewei uerch seitwed. a rore
3
verch usber. a mederei badelluaỽr. Teir
4
gosgerd advwyn ynys prydein. gosgord
5
mynydaỽc yg|katraeth. a gosgord dreon
6
leỽ yn rotwyd ar derys. a|r|dryded gosgord
7
velyn o|leyn erythlyn yn ros. Teir prif
8
hut ynys brydein. hut mat uab math+
9
onỽy. a|dysgaỽd y wydyon uab don. a hut
10
uthur penndragon. a dysgaỽd y uenỽ
11
uab teirgỽaed. a|r dryded hut rudlỽm
12
gorr a dysgaỽd a* dysgaỽd* y goỻ uab coỻ+
13
ureỽy y nei. Tri chynnweisseit ynys
14
brydein. gỽydar uab run uab beli. ac
15
owein uab maxen wledic. a chaỽrdaf uab
16
kradaỽc. Tri deifnyaỽc ynys prydein.
17
riwaỻaỽn waỻt banhadlen. a gỽaỻ uab
18
gỽyar. a ỻacheu uab arthur. Tri an+
19
uat gyghor ynys prydein. rodi y ulkessar
20
a gỽyr ruuein ỻe y karneu blaen y
21
eu meirch ar y tir ym|pỽyth meinlas.
22
a|r eil gadel hors a|heyngyst a ronnỽen
23
y|r ynys honn. a|r trydyd rannu o arthur
24
y wyr deirgỽeith a medraỽt yg kamlan.
25
Tri thaleithaỽc ynys prydein. gỽeir uab
26
gỽystyl. a chei uab kynyr. a drystan
27
uab taỻỽch. Tri rud uoaỽc ynys brydein.
28
Run uab beli. a ỻew ỻaỽ gyffes. a morgan
29
mỽynuaỽr. ac un oed ruduogach no|r
30
tri. arthur oed y enỽ. blỽydyn ny doei
31
na gỽeỻt na|gỽeỻt na|ỻysseu y fford y
32
kerdei yr un o|r tri. a seith mlyned ny doey
33
y fford y kerdei arthur. Tri ỻynghesswr
34
ynys prydein. gereint uab erbin. a|march
35
uab meirchyon. a|gỽennỽynnwyn uab
36
naỽ. Tri unbenn|ỻys arthur. gronỽ uab
37
echel. a ffleudỽr fflam uab godo. a chae+
38
dyrieith uab seidi. Tri tharỽ unben ynys
39
brydein. adaon uab|talyessin. a chynhaf+
40
al uab argat. ac elinỽy uab kadegyr.
41
Tri unben deiuyr a bryneich a thri beird
42
oedynt. a thri meib dissynyndaỽt a|w+
43
naethant y teir mat gyflauan. Diffeideỻ