Breudwd Welsh Prose 1300-1425
Cymraeg

NLW MS. Peniarth 19 – page 126r

Brut y Tywysogion

126r

549

drỽy an·eiryf an·regyon. a rody+
on a gynigyit idaỽ. kanys
gỽeỻ oed ganthaỽ y varỽ yn
advỽyn. no dỽyn y vuched rac+
daỽ yn|dỽyỻodrus. A phan we+
les howel a chynan hynny.
dỽyn kyrch kynhyruus y|r cas+
teỻ a|wnaethant. a|e enniỻ y
dreis. ac o vreid y dienghis keit+
weit y casteỻ. drỽy nerth eu ky+
ueiỻon. gỽedy ỻad rei o|e kedym+
deithyon. a brathu ereiỻ. Yn|y
vlỽydyn honno y bu uarỽ ro+
bert Jarỻ uab henri. gỽr a|gyn+
halyassei ryuel yn erbyn yste+
fyn vrenhin deudeg|mlyned kyn+
no hynny. Y vlỽydyn honno y
bu uarỽ gilbert Jarỻ. Y vlỽyd+
yn rac·wyneb y bu varỽ uchtrut
esgob ỻan daf. gỽr maỽr y voly+
ant. ac amdiffynwr yr eglỽys+
seu. gỽrthỽynebwr y elynyon
yn|y berffeith heneint. ac yn|y
ol y bu escob nicol uab gỽr+
gant. Yn|y vlỽydyn honno y
bu uarỽ bernart escob myn+
yỽ. yn|y dryded vlỽydyn ar|dec
ar|hugeint o|e esgobaỽt. gỽr
enryued y volyant a dwywaỽl+
der a santeidrỽyd oed. gỽedy
diruaỽryon lauuryeu ar vor
a thir ỽrth beri y eglỽys vynyỽ
y hen rydit. ac yn|y ol ynteu
y bu esgob dauyd uab geralt.
archdiagon keredigyaỽn. Yn

550

y vlỽydyn honno y bu uarỽ
robert esgob henford gỽr o+
ed herwyd yn barnỽryaeth ni
greuydus a chyflaỽn o weith+
redoed cardodeu. a hegar bor+
thwr y tlodyon. ac arbennic
degỽch yr eglỽysseu yn gyflaỽn
o dydyeu da hyt na lygrit ca+
deir y|r veint brelat hỽnnỽ o
anheilỽg erlynyaỽdyr. Yna
yd urdỽyt gilbert abat kaer
loeỽ yn esgob yn henford. Yn|y
vlỽydyn honno y bu diruaỽr
varwolyaeth yn ynys brydein.
Y vlỽydyn rac·wyneb yd adeily+
aỽd owein uab gruffud uab
kynan gasteỻ yn ial. Y vlỽy+
dyn honno yd adeilyaỽd kadỽ+
alaỽdyr uab gruffud gasteỻ
ỻann rustut o gỽbyl. ac y
rodes y rann ef y geredigyaỽn
a chadỽgaỽn y vab. Ygkylch|diỽed
y vlỽydyn honno yd adeilyaỽd
madaỽc uab maredud gasteỻ
croes hysswaỻt. ac y|rodes
kyueilyaỽc y owein a meu+
ric veibyon grufud uab
maredud y nyeint. Y vlỽy+
dyn rac·wyneb yd atgyweiry+
aỽd cadeỻ uab grufud gas
caer vyrdin yr tegỽch a che+
dernyt y deyrnas. ac y diffei+
thaỽd ketweli. Yn|y vlỽydyn
honno y carcharaỽd owein
vrenhin gỽyned gynan y vab.