Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 13v

Brut y Brenhinoedd

13v

51

1
Ac yna val y dyỽespỽyt uchot. gỽedy ỻes+
2
gu ỻeon y kyuodes teruysc yrug y kiỽt+
3
aỽtwyr e|hunein. ~ ~   ~ ~ ~  
4
A  gỽedy marỽ ỻeon y deuth Run pa+
5
latyruras y vab ynteu yn|vrenhin.
6
ac vn vlỽydyn eisseu o vgeint y bu
7
yn gỽledychu. a hỽnnỽ a|duc y|bobyl
8
oc eu|teruysc ar duundeb. ac a adeilỽys
9
kaer geint. a chaer wynt. a chaer vy+
10
nyd paladur yr hon a|elỽir kaer septon.
11
Y ỻe y bu yr|eryr yn dyỽedut daroganeu
12
tra adeilỽyt y gaer. ac yn yr amser hỽn+
13
nỽ yd|oed kapis siluius yn vrenhin yn
14
yr eiff. ac aggeus ac amos ac azarias
15
yn|proffỽydi yn yr israel.  ~ ~ ~
16
A  gỽedy marỽ Run y|deuth bleiddut
17
y|uab ynteu yn|vrenhin. ac y bu u+
18
gein mlyned yn gỽledychu. a|r gỽr
19
hỽnnỽ a|adeilỽys kaer uadon. ac a|ỽnaeth
20
yno yr enneint tỽym yr medyginyae+
21
thu y|r rei marỽaỽl. a|r gỽeith hỽnnỽ
22
a aberthỽys ef y|r dỽywes a|elwit miner+
23
ua. ac y·dan yr enneint hỽnnỽ y gossodes
24
tan heb diffodi byth. a|r|amser hỽnnỽ
25
y gỽediỽys Elias broffỽyt hyt na
26
bei laỽ. ac y bu heb dyuot whe|mis a
27
their blyned yg|gỽlat kaerussalem.
28
a r bleiddut hỽnnỽ a|dysgỽys nigro+
29
mans yn gyntaf yn|yr ynys honn.
30
ac ny orfỽyssỽys o dychmygu kyỽrein+
31
rỽyd yny ỽnaeth adaned idaỽ e hun. a
32
phrofi ehedec. ac yn hynny y|syrthỽys
33
ar demyl apoỻo yn ỻundein. ac yd|ys+
34
sigỽys oỻ. ac yno y cladỽyt ef. ~ ~
35
A c|yna gỽedy marỽ bleiddut. y dry+
36
chafwyt ỻyr y vab ynteu yn|vre+
37
nhin. a thrugein mlyned y bu yn
38
ỻywyaỽ y vrenhinyaeth yn wraỽl ac
39
a adeilỽys dinas ar auon soram. ac a|e
40
gelỽis kaer lyr. ac yn|saesnec y gelỽ+
41
ir leissestyr. ac ny bu idaỽ un mab
42
namyn teir merchet. Sef oed enỽ+
43
eu y verchet. Goroniỻa. Ragaỽ. Cor+
44
deiỻa. a diruaỽr y karei eu|tat ỽynt
45
a mỽyaf eissoes y karei y verch Jeu+
46
af idaỽ cordeiỻa. a|phan yttoed yn ỻith+

52

1
raỽ parth a|e henein. Medylyaỽ a|wnaeth
2
pa|ỽed y gadawei y gyuoeth gỽedy ef y verch+
3
et. Sef a|ỽnaeth profi pỽy vỽyaf o|e verchet
4
a|e karei ỽrth rodi idi y|ran oreu o|r kyuoeth
5
gan wr. a galỽ a|ỽneth* attaỽ y verch hynaf
6
idaỽ goroniỻa. a gofyn idi pa veint y karei
7
hi efo. a|thygu a|ỽnaeth hitheu y nef a dae+
8
ar bot yn vỽy y karei hi euo no|e heneit e
9
hun. a chredu a|ỽnaeth ynteu idi hynny. a dy+
10
ỽedut kan oed kymeint y karei hi euo a
11
hynny. Y rodei ynteu draean y gyuoeth gen+
12
ti hi y ỽr a|deỽissei yn ynys prydein. ac yn
13
ol honno galỽ attaỽ ragua y verch eil hy+
14
naf idaỽ a gofyn idi pa veint y karei hi euo
15
a thygu a|ỽnaeth hitheu y gyuoetheu y
16
nef a|r daear na aỻei hi dyỽedut ar y tha+
17
uaỽt leueryd pa veint y karei hi euo. a chre+
18
du a|ỽnaeth ynteu hynny ac adaỽ idi hitheu
19
y rodi y|r gỽr a|deỽissei a|thraean y gyuoeth
20
genti. ac yna y gelỽis y verch Jeuaf idaỽ
21
attaỽ. a gouyn idi pa veint y karei hi euo.
22
a dyỽedut a|ỽnaeth hitheu y ry|garu ef ei+
23
ryoet megys y|dylyei uerch garu y|that
24
ac nat ytoed etỽa yn peidaỽ a|r karyant* hỽn+
25
nỽ. ac erchi idaỽ gỽarandaỽ yn graff pa ve+
26
int oed hynny. a sef oed hynny y veint y
27
bei y gyuoeth a|e Jechyt a|e deỽred. a blyghau
28
a ỻidiaỽ a|oruc ynteu. a|dyỽedut ỽrthi kan
29
oed kymeint y tremygassei euo a|hynny.
30
val na|charei hi euo megys y karei y chw+
31
ioryd ereiỻ. y|diuarnei ynteu hi hyt na cha+
32
ffei neb ryỽ ran o|r ynys y·gyt ac ỽynteu.
33
Ny|dyỽat ynteu na|s rodei hi y wr ny han+
34
ffei o|r ynys. o damỽeinei y|r kyfryỽ ỽr hỽn+
35
nỽ y herchi heb argyfreu genti. Hyn he+
36
uyt a gadarnhaei hyt na lauuryei y geis+
37
saỽ gỽr idi megys y|r rei ereiỻ. Kanys
38
mỽy y karyssei ef hi no|r rei ereiỻ eiryo  ̷+
39
et. a hitheu yn|y dremygu ynteu yn|vỽy no|r
40
rei ereiỻ. a heb ohir o|gyt·gyghor y wyrda
41
y|rodes y dỽy verchet hynaf idaỽ y dywys  ̷+
42
sogyon yr alban a chernyỽ a hanner y gy+
43
uoeth gantunt hyt tra vyỽ ef. a gỽedy
44
bei varỽ y kyuoeth gantunt yn deu haner.
45
ac yna gỽedy clybot o aganipus vren+
46
hin freinc. clot. a phryt. a thegỽch cor  ̷+