Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 104v

Ystoria Carolo Magno: Rhamant Otfel

104v

434

1
a mi a|e kywiraf beỻach y dechreu trablud
2
ac ymladeu y ffreinc a gwyr agret. Ac yna
3
y kyuodes Oger. ar ffrỽst y vynyd. ac
4
rac meint ymsag y niuer yn|y gylch ny
5
aỻỽys ysgynnu ar y uarch. Sef a|ỽna+
6
eth yna edrych ar hyt y gledyf a dech+
7
reu y voli. oi a cỽrtein heb ef. maỽr a be+
8
th y dylyỽn i dy garu di. yn ỻys chyar+
9
lys tydi a|bereist uyg|karu i a|m clot+
10
uori. a hediỽ yn|goruot arnam nineu
11
yn deu ymwahanu. kynn vỽy marỽ ha+
12
gen mi a|vynnaf dy broui. a tharaỽ
13
pagan a|ỽnaeth ar ỽarthaf y helym.
14
a hoỻdi yr hoỻ arueu a|e benn ynteu
15
hyt y danned. A|rolant yna a|elỽis
16
arnaỽ. ac ny|s kigleu rac meint o|r|paga+
17
nyeit a|odynt* yn|y gylch ual na ỽydyat
18
py barth gyntaf yd|ymdroei y amdiffyn
19
racdunt. Ac ysgỽieryeit y rei o|r saras+
20
cinyeit yna yn|dieidyl a geissyssant y
21
lad. ac ynteu a ymdifferth yn|rymmus.
22
Ac yn hynny yd arganuu clarel vren+
23
hin ef yn|diodef ỻaỽer o agkyffret.
24
ac ynteu hevyt yn rodi dyrnodeu agheu+
25
aỽl a|e gledyf. ac erchi a|ỽnaeth y|r ys+
26
gỽiereit peidyaỽ ac ef. a|dyỽedut ỽrtha+
27
ỽ ynteu. o·ger heb ef dyro ymi ˄dy gledyf. ac na
28
vit arnat vn ofyn. ti a|eỻy ymdiret
29
ynof i yn diogel ytt. ac ny cheffy vn
30
drỽc tra aỻỽf*|i dy amdiffynn. Heb y
31
Moaffla vn o|r ysgỽieryeit. ny eỻy di+
32
theu heb ef y amdiffynn ef. ti a|e gw+
33
ely yr aỽr honn hayach wedy|r dryỻyaỽ
34
yg|gỽyd dy lygeit pob dryỻ|y|ỽrth y
35
ỽrth y|gilyd. Ac yna y kigleu clarel
36
y geiryeu hynny ac yd|ynuytỽys hay+
37
ach o|lit. a|thynnu cledyf a wnaeth
38
a|tharaỽ penn Moaffla y arnaỽ hyt
39
yn eithaf y maes. a|dywedut ỽrthaỽ
40
wedy hynny. ti a beidi beỻach heb ef
41
ac oger. a chael march da a|ỽnaeth
42
a pheri y oger ysgynnu arnaỽ. ac o+
43
dyna galỽ ar ỽyth sarassin o|e lys
44
e|hun o|r rei mỽyhaf yd ymdiredei yn+
45
dunt attaỽ. a dyỽedut ỽrthunt ar+
46
glỽydi heb eỽ ef ystyryỽch am|ych|ne+

435

1
ges yn|da. Hebrygỽch Oger hyt ar alpha+
2
ni vyg|gorderch. ac erchỽch idi peri y
3
gadỽ yn|da. a geỻỽg chỽech o·nadunt
4
gyt ac oger a|ỽnaeth. a|r rei hynny a
5
beris idaỽ edrych y archoỻeu yn vynych
6
tra uuant gyt ac ef. a phan yttoed alpha+
7
ni merch y brenhin yn troi ac yn gỽare
8
yn|y berỻan. A gware a belamyr dỽy vo+
9
rynyon ereiỻ vonhedic y·gyt a|hi y gỽ+
10
elynt y paganyeit. Ac y dyỽaỽt vn oho+
11
nunt ỽrth y rei ereiỻ. aỽn y gyfrỽch a
12
hỽy heb hi ac y amovyn am y hansaỽd
13
a|e medỽl. Ac yna y|dywaỽt alphani
14
ỽrthunt. ha varỽnyeit heb hi kyfarho+
15
ỽch ni a|dyỽedỽch ynn chỽedleu. pa du
16
y kyfaruuỽyt a|r marchaỽc hỽnn. ac yn|y
17
vrỽydyr y delit ef. ac y brathỽyt ual hynn.
18
Vnbennes vonhedic heb·yr almaffeth
19
paham y gỽettỽery di ni yr mahumet.
20
kymeint yỽ ỻit yn an callonneu ac na aỻem
21
chwerthin pei ys mynnem. Pỽy a|ỽnaeth
22
hynny y chỽi heb hitheu. Edrych na|s
23
kelych ragof. Ẏ bỽinart hỽnn a deu
24
ereiỻ heb ynteu a ladyssant penneu
25
cant oc an paganyeit hediỽ pan vo ỻei+
26
af. A chlarel dy orderch a|erchis y ti+
27
theu yr y garyat ef gadỽ hỽnn yn da. a
28
synyeit ỽrthaỽ. Ẏmhoelỽch chỽi beỻach
29
heb hitheu. a delỽch ettỽa y|rei ereiỻ.
30
a dygỽch attaf|i hỽy. ef a|daỽ yr|haf kynn
31
gaỻu ohonam ni hynny heb ỽynteu. a
32
cherdet draekefynn ar hynt a|ỽnaethant.
33
Ac yna y dyỽaỽt yr unbennes hegar
34
ỽrth yr Jarỻ. dabre di beỻach ˄heb hi a|thi a
35
geffy ansaỽd da arnat a|ỻety. a|dyỽet ym
36
dy enỽ a phỽy dy uonhed. Oger yỽ vy e+
37
nỽ i heb ynteu lydanais. ac yn|ỻys Chyar+
38
lys amheraỽdyr y mae vyg|kenedyl. Heb
39
y vorỽyn mi a|th atwen beỻach yn|da|diga+
40
ỽn heb hi. Ac yna y teir morynnyon a
41
arwedassant Oger hyt y·dan oliwyden
42
Ac odyna yn gyntaf a|gỽrteissant* y varch
43
ac a|e|dugant y|r ystabyl. A gỽedy hynny
44
a|dynnassant y arueu y amdanaỽ ynteu.
45
ac odyna a|olchyssant y vratheu yn|destlus
46
ac a|e dodassant y gysgu. ac a rodassant idaỽ