Breudwd Welsh Prose 1300-1425
Cymraeg

NLW MS. Peniarth 19 – page 80v

Brut y Brenhinoedd

80v

367

1
hi a|dywaỽt ỽrthaỽt* ỽrthaỽ
2
drỽy icuan ac ỽylaỽ ual|hynn.
3
O|dydi direitaf wr o|r dynyon
4
pa ryỽ direidi anhyghetuen+
5
naỽl a|th ry duc di y|r ỻe hỽnn.
6
a|phy veint o amryuaelon
7
boeneu a|diodefy di. Truan
8
yỽ gennyf yr antrugaraỽc
9
aghenuil yr aỽr honn a|dreu+
10
la dy Jeuengtit ti. Ef a|daỽ
11
yr ysgymunedickaf an·wele+
12
dic enỽ kaỽr. yr|hỽnn a|duc
13
elen nith howel uab emyr
14
ỻydaỽ yr honn a|gledeis yn|y
15
bed hỽnn yr aỽr honn. ac a|m
16
duc inheu yn vammaeth idi
17
ygyt a|hi hyt y ỻe hỽnn. yr
18
honn o angklywedic agheu
19
heb annot a|th diuetha di.
20
Och a grist trist a|dyghet+
21
uen. vy egluraf verch uaeth
22
hyt tra yttoed yr ysgymyn
23
hỽnnỽ yn|y damblygu hi y+
24
rỽg y vreicheu. hi a|gyme+
25
rth diruaỽr ofyn ydan y
26
chlaer vronn yny aeth y
27
heneit o|e chorf. Ac yna gỽe+
28
dy na aỻaỽd ef an·furuaỽ
29
vyg|karedickaf verch i. yr
30
honn oed eil vuched. ac eil
31
uelyster. ac eil digrifỽch y
32
mi. na chydyaỽ a|hi o|e ys+
33
gymun gyt ef. ac ỽrth hynny
34
megys yd oed losgedic ef o|e
35
serch y treissaỽd ef vinheu

368

1
A duỽ a dygaf inneu yn dyst
2
a|m heneit. mae o|m hanuod y
3
kytyaỽd ef a|mi. Ac ỽrth hynny
4
vyg|karedic ffo di rac y dyuot
5
ef yn herỽyd y gynhefaỽt y gyt+
6
yaỽ a myui. a|th ordiwes ditheu
7
yma. ac o druanaf agheu dy lad.
8
Ac yna herỽyd dynaỽl anyan
9
truanhau a|oruc bedwyr ỽrth
10
y wrach ac adaỽ ebrỽyd gan+
11
horthỽy idi. Ac yn|y ỻe ymcho+
12
elut att arthur a|oruc. a mene+
13
gi idaỽ yr hynn ry welsei. ac
14
ỽrth hynny kỽynaỽ a|oruc ar+
15
thur agheu y vorỽyn. a gorchym+
16
myn udunt y adu ef e|hun y
17
ymlad a|r kaỽr. ac o|r gỽelynt
18
aghenn arnaỽ dyuot yn wraỽl
19
y ganhorthỽy. ac odyna gorch+
20
ymyn y meirch y|ỽ gweissyon.
21
a mynet a|oruc arthur o|r bla+
22
en parth a|r mynyd. ac yno yr
23
oed yr anhyghetuenaỽl ang+
24
henuil hỽnnỽ. a moch coet
25
ganthaỽ. a rann o·honunt a
26
lyngkassei. a rann araỻ ar
27
uereu yn eu pobi ỽrth y tan.
28
Ac yn|y ỻe pan weles y gỽyr
29
yn deissyfyt yn|y gyrchu. Brys+
30
syaỽ a|oruc ynteu y gymryt y
31
fonn. yr honn o·nyt o vreid ny|s
32
drychafei deu vilỽr y ỽrth y
33
ỻaỽr. Ac yna noethi cledyf a|w+
34
naeth arthur ac estynnu y|dar+
35
yan. ac megys y gaỻaỽd gyntaf