Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 77r

Brut y Tywysogion

77r

305

1
hyt yn Jwerdon. Ẏ ulỽydyn rac ỽyneb y
2
goreskynnaỽd dauyd uab owein hoỻ ỽyned
3
gỽedy gỽrthlad o·honaỽ y hoỻ vrodyr a|e
4
hoỻ ewythred. Ẏ|ulỽydyn honno y delis y
5
delis dauyd uab owein vaelgỽn y vraỽt
6
ac y karcharaỽd. Ẏn|y vlỽydyn honno y
7
bu uarỽ kynan uab owein gỽyned. Ẏn|y
8
ulỽydyn gỽedy hynny y delis howel ab Jo+
9
rwoerth o gaer ỻion heb ỽybot o|e dat
10
oỽein penn carỽn y ewythyr. a gỽedy tyn+
11
nu y lygeit o|e benn y peris y yspadu rac
12
meithryn etifed o·honaỽ a wledychei gaer
13
ỻion. ac y gyrrassant ymeith o·dyno Jorw+
14
oerth a howel y vab. Ẏn|y ulỽydyn honno
15
y hedychaỽd henri vrenhin hynaf a henri
16
ieuaf. Gỽedy diruaỽr distryỽedigaeth nor+
17
mandi a|e chyfnessafyeit wledyd. ac yna y
18
delis dauyd uab ˄owein drỽy dỽyỻ Rodri uab ow+
19
ein y uraỽt un·uam un·dat ac ef. ac y car+
20
charaỽd myỽn gefynneu. am geissaỽ kyf+
21
ran o dref y dat gantaỽ. ac yna y priodes
22
y dauyd hỽnnỽ dam em chwaer y vrenhin
23
ỻoeger. drỽy debygu gaỻel o·honaỽ kael
24
y gyuoeth yn ỻonyd hedychaỽl o|r achaỽs
25
hỽnnỽ. ac yna y|diegis Rodri o garchar
26
dauyd y vraỽt. A chyn diwed y ulỽydyn
27
ẏ|gỽrthladaỽd ef dauyd o von ac o|ỽyned.
28
yny doeth drỽy avon gonỽy. ac yna yd|ym+
29
barattoes yr arglỽyd rys ab gruffud ỽrth
30
uynet y lys y brenhin hyt yg|kaer loyỽ.
31
ac y|duc y·gyt ac ef drỽy gygor y brenhin
32
hoỻ dywyssogyon y deheu a uuessynt   
33
yg|gỽrthỽyneb y|r brenhin. Nyt amgen
34
Kadỽaỻaỽn uab madaỽc o vaelenyd y
35
gefynderỽ. ac Einaỽn clut o eluael y
36
daỽ gan y uerch. ac Einaỽn uab rys o
37
werthrynyon y daỽ y ỻaỻ. a Morgan ab
38
cradaỽc ab Jestyn o wlat vorgan. o wladus
39
y chỽaer. a Jorwoerth uab oỽein o gaer
40
ỻion. a Seissyỻ uab dyfynwal o went
41
uch coet. Ẏ|gỽr a|oed yna yn   
42
briaỽt a|gỽladus chỽ +  
43
aer yr arglỽyd   rys. Hynny
44
oỻ o dy  wyssogyon a ymchoelas+
45
  sant y|ỽ gỽladoed yn hedycha+
46
  ỽl gyt a|r arglỽyd rys y gỽr a|oed

306

1
garedickaf gyfeiỻt gan y brenhin yn
2
yr amser hỽnnỽ. drỽy ymchoelut kaer ỻion
3
drachefyn y Jorwoerth ab owein. Ẏn|y ỻe
4
wedy hynny y ỻas seissyỻ uab dyffynwal
5
drỽy dỽyỻ arglỽyd brecheinaỽc a chyt ac
6
ef ruffud y uab a ỻawer o bennaduryeit
7
gỽent. ac yna y kyrchaỽd y ffreinc lys
8
Seissyỻ uab dyfynwal. a gỽedy dala gỽla+
9
dus y wreic y ỻadyssant gadỽaladyr y
10
uab. a|r dyd hỽnnỽ y bu y druanaf aerua
11
ar wyrda gỽent. a gỽedy y|gyhoedicka
12
danỻyỽychedic dỽyỻ honno ny beidaỽd
13
neb o|r kymry ymdiret y|r ffreinc. ac yna
14
y bu uarỽ Cadeỻ uab gruffud. drỽy orth+
15
rỽm glefyt. ac y cladỽyt yn ystrat fflur
16
wedy kymryt abit y|crefyd ymdanaỽ. ac
17
yna y ỻas rickert abat cleryuaỽt my+
18
ỽn manachlaỽc yn ymyl remys y gan neb
19
vn anfydlaỽn uynach o vrath kyỻeỻ. Ẏ ulỽy+
20
dyn rac ỽyneb y bu uarỽ kynan abat y ty
21
gỽynn. a dauyd escob mynyỽ. ac yn|y ol
22
y denessaaỽd pyrs yn|escob. ac yna y kyn+
23
halyaỽd yr arglỽyd rys wled arbennic yg
24
casteỻ aber teiui. ac y gossodes deu ryỽ
25
amrysson. Vn rỽg y beird a|r prydydyon
26
a|r ỻaỻ rỽg telynoryon a chrythoryon a
27
phibydyon. ac amryuaelon gerd arwest
28
a dỽy gadeir a ossodes y vudugolyon yr
29
amryssoneu. a|r rei hynny a|gyfoethoges ef
30
  o diruaỽryon rodyon. ac yna y ca+
31
  uas gỽas Jeuanc o|e lys ef e hunan y
32
uudugolyaeth o gerd arwest. a|gỽyr gỽy+
33
ned a|gauas y uudugolyaeth o gerd daua+
34
ỽt. a phaỽb o|r kerdoryon ereiỻ a gaỽssant
35
y|gan yr arglỽyd rys. kymeint ac a archys+
36
sant hyt na ỽrthladỽyt neb. a|r wled honno
37
a gyhoedet vlỽydyn kynn y gỽneuthur. ar
38
hyt kymry a|ỻoegyr a|phrydein ac Jỽerdon
39
a   ỻaỽer o wladoed ereiỻ. Ẏn|y
40
  vlỽydyn honno yn|y graỽys
41
yd ymgynuỻaỽd kyghor hyt yn ỻundein
42
ỽrth gadarnhau kyfreitheu yr eglỽysseu
43
yno geir bronn kardinal o rufein a da  ̷+
44
thoed yno ỽrth y neges honno. a gỽedy
45
meithryn kynnỽryf y·rỽg archescob keint.
46
ac archescob Jorc y teruysgỽyt y kyghor