BL Cotton Cleopatra MS. B V part iii – page 235v
Ystoria Dared
235v
1
a dygwydassant o
bob parth a|llawer
a vrathwyt ac am+
ylder o|r niuer hwn+
nw yn eu medygin+
naetheu a vvant
veirw. ac ar hynny
agamemnon a an+
uones kennadeu ar
briaf y er+
chi kyngreir deng ni+
eu ar|hugeint wrth
gladu eu kalaned
a|phriaf a|y rodes.
A gwedy kerdet
amser heibyaw an+
dromacka wreic
ector a weles drwy
y hun na dylyei ec+
tor vynet yr ym+
lad. A|phan datka+
nws ydaw y weledi+
gaeth y ector ef a
dywawt panyw
gwreigyeid oed y
hamadrawd. Ac y+
na yr anuones an+
dromarca hyt ar
2
briaf y adolwyn yd+
aw lludyas ector yr
vrwydyr y dyd hwn+
nw. ac wrth
hynny priaf a erchis
y troilus ac eneas
ac helenus ac alex+
ander a|meinon ym+
gyweiryaw yr vrw+
ydyr. A|phan adna+
bu ector hynny ang+
reiffdyaw y wreic
a oruc a|y hadneiry+
aw ac erchi y arueu.
ac eu gwisgaw ac
ny allwyt y attal.
yny aeth yr vrwyd+
yr; a|thristahu a or+
uc andromarka ac
a|y gwallt yn wasga+
rawc. llusgyaw y
vab dan y draet. ac
ny allwyt heuyt
y attal. yna y kym+
yrth hitheu dryc+
yruerth yndi am
hynny ac y kyrchws
y|twr ar briaf a gwedy
| « p 235r | p 236r » |