Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 73r

Brut y Tywysogion

73r

289

1
ed herỽyd yn barnỽryaeth ni grefydus
2
a chyflaỽn o|weithredoed cardodeu a he+
3
gar borth·ỽr y|tlodyon. ac arbennic de+
4
gỽch y|r eglỽysseu yn gyflaỽn o|dydyeu
5
da hyt na lygrit cadeir yr* ueint bre+
6
lat hỽnnỽ o anheilỽg erlynyaỽdyr.
7
Yna yd urdỽyt gilbert abat kaer
8
loyỽ yn escob yn henford. Yn|y vlỽydyn
9
honno y bu uaỽr uarỽolyaeth yn ynys
10
prydein. Y vlỽydyn rac ỽyneb yd adeilaỽd
11
owein uab grufud ab kynan gasteỻ yn
12
ial. Y ulỽydyn honno yd adeilaỽd kadwaladr
13
uab gruffud gasteỻ ỻan rystut o gỽbyl
14
ac y rodes y rann ef y geredigyaỽn a
15
chadỽgaỽn y vab. Ygkylch diwed y vlỽy+
16
dyn honno yd adeilaỽd Madaỽc uab mare+
17
dud gasteỻ croes hysswaỻt. ac y|rodes
18
gyfeilaỽc y owein a|meuruc veibyon grufud
19
ab maredud y nyeint. Y vlỽydyn rac ỽy+
20
neb yd|atgyweiraỽd Cadeỻ ab gruffud
21
gasteỻ caer vyrdin yr tegỽch a chedernit
22
y deyrnas. ac y|diffeithaỽd kedweli Yn|y
23
ulỽydyn honno y carcharaỽd owein vren+
24
hin gỽyned. gynan y uab. Yn|y ulỽydyn
25
honno y delis howel uab owein gatuan
26
uab kadwaladyr y|gefynderỽ ac yd|achu+
27
baỽd y tir a|e gasteỻ. Ny bu beỻ wedy
28
hynny yny doeth meibon gruffud uab
29
rys. Cadeỻ a meredud a Rys. a ỻu gan+
30
tunt y geredigyaỽn. a|e gorescyn hyt yn
31
aeron. Yn|y ulỽydyn honno y darparaỽd
32
Madaỽc uab maredud vrenhin powys.
33
drỽy nerth randỽlf iarỻ caer ỻeon. ky+
34
uodi yn erbyn owein gỽyned. a gỽedy
35
ỻad pobyl y ganhorthỽywyr ef yd ym+
36
choelaỽd y rei ereiỻ y kefynev y ffo. ~ ~
37
D eg mlyned a deugein a|chant ˄a|mil o+
38
ed oet crist. pan duc cadeỻ a ma+
39
redud. a rys. veibon gruffud ab rys
40
geredigyaỽn oỻ y gan howel ab owein
41
eithyr un casteỻ a|oed ym|penn gỽern
42
yn|ỻan vihagel. a|gỽedy hynny y go+
43
reskynnassant gasteỻ ỻan rustut o
44
hir ymlad ac ef. a|gwedy hynny y ca+
45
uas hoỽel uab owein y casteỻ hỽnnỽ
46
y dreis ac y ỻosges oỻ. Ny bu hayach

290

1
wedy hynny. pan atgyweiraỽd cadell a
2
maredud. veibon gruffud ab rys gasteỻ
3
ystrat meuruc. a gỽedy hynny yd edewit
4
cadeỻ uab gruffud yn ỻetuarỽ wedy y
5
yssigaỽ yn greulaỽn o rei o wyr dinbych
6
ac ef yn hela. ac ychydic wedy hynny gỽe+
7
dy kynnuỻaỽ o varedud a rys veibon
8
gruffud ab rys y kedernit. ac yn gyfun y
9
kyrchassant ỽhyr. ac ymlad a|ỽnaethant
10
a|chasteỻ aber ỻychỽr a|e losgi a diffei+
11
thaỽ y wlat. Yn|y ulỽydyn honno yd atgyỽ+
12
eir·assant ỽy oỻ deu gasteỻ dinỽeleir
13
ac yd|atgyweiryaỽd howel ap owein gas+
14
teỻ hỽmfre yn dyffryn clettỽr. Y ulỽydyn
15
rac ỽyneb yd|yspeilaỽd owein gỽyned gu+
16
neda uab kadwaỻaỽn y nei uab y vraỽt
17
o|e|lygeit. Yn|y ulỽydyn honno y ỻadaỽd ỻyỽ+
18
elyn ab madaỽc ab maredud ystefyn uab
19
valdwin. Yn|y ulỽydyn honno y gỽrthladyr
20
o ynys von. ac y|bu uarỽ simon archdiagon
21
keueilaỽc gỽr maỽr y enryded a|e deilyg+
22
daỽt. Y ulỽydyn rac ỽyneb y kyweiraỽd
23
maredud a rys ueibon gruffud uab rys
24
y penwedic. ac ymlad a|ỽnaethant a chas+
25
teỻ howel a|e|dorri. Ny|bu uaỽr ỽedy hyn+
26
ny yny gyrchaỽd meibon rys gasteỻ din+
27
bych. a thrỽy urat nos wedy torri y
28
porth y goreskynnassant y casteỻ. ac y
29
dodassant ef yg|kadỽryaeth gỽilim ab
30
geralt. a gỽedy daruot hynny y diffeitha+
31
ỽd rys uab gruffud. a|diruaỽr lu ygyt ac
32
ef gasteỻ ystrat kyngen. a mis mei we+
33
dy hynny y kyrchaỽd maredud a rys
34
veibon gruffud ygyt y casteỻ aberuyn
35
a gỽedy ỻad y casteỻwyr a ỻosgi y casteỻ
36
diruaỽr anreith ac anneiryf oludoed
37
a|dugant gantunt. odyno eilỽeith y dif+
38
feithaỽd rys gefeilaỽc drỽy uudugolya+
39
eth. Ẏ vlỽydyn honno y bu uarỽ dauyd
40
uab y moel cỽlỽm brenhin prydein. Y ulỽ*+
41
dyn honno y doeth henri tywyssaỽc y
42
loegyr. Ẏ ulỽydyn honno y bu uarỽ ran+
43
dỽlf iarỻ kaer ỻion. Y ulỽydyn honno
44
yd|aeth cadeỻ uab gruffud y bererindaỽt
45
ac yd edewis y hoỻ uedyant a|e aỻu yg|kat+
46
ỽryaeth maredud a rys a|rys y vrodyr.