Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 71r

Brut y Tywysogion

71r

281

1
naỽ a chroes y gaerussalem o achaỽs ry
2
lad o·honaỽ kyn no hynny varedud y vraỽt
3
Y vlỽydyn gỽedy hynny y gỽrthladỽyt Mare+
4
dud uab ỻywarch o|e wlat. y gỽr a ladaỽd
5
mab meuruc y gefynderỽ. ac a|daỻaỽd mei+
6
bon griffri y deu gefynderỽ ereiỻ. a Jeuaf
7
uab owein a|e gỽrthladaỽd. ac yn|y diwed a|e
8
ỻadaỽd. Ẏ vlỽydyn rac ỽyneb y ỻas Jorwo+
9
erth uab ỻywarch. gan lyỽelyn ab owein
10
ym|powys. Ẏchydic gỽedy hynny yd yspei+
11
lỽyt ỻywelyn uab owein o|e|lygeit a|e gei+
12
ỻeu y gan uaredud uab bledyn. Ẏn|y vlỽydyn
13
honno. y ỻas Jeuaf uab owein y gan vei+
14
bon ỻywarch uab owein y gefynderỽ. Ẏn
15
diwed y vlỽydyn honno y ỻas Madaỽc uab
16
ỻywarch y gan ueuruc y gefynderỽ uab
17
ridit. Ẏn|diwed y vlỽydyn rac ỽyneb yd|ys+
18
peilỽyt Meuruc uab ridit o|e deu lygat
19
a|e dỽy|geiỻ. Ẏ vlỽydyn rac ỽyneb y ỻas
20
Jorwoerth uab owein. Ẏn|y vlỽydyn honno
21
y ỻas Kadwgaỽn uab gruffud ab kynan
22
y gan gadỽgaỽn uab gronỽ ab owein y|ge+
23
fynderỽ. ac einaỽn uab owein. Ẏ·chydic
24
wedy hynny y|bu uarỽ maredud ab bledyn
25
tegỽch a diogelỽch hoỻ powys a|e hamdi+
26
fyn wedy kymryt Jachwyaỽl benyt ar y
27
gorff. a gleindit ediuarỽch yn|y yspryt.
28
a chymyn corff crist. ac oleỽ. ac aghen.
29
D eg mlyned ar|hugein a chant a
30
mil oed oet crist. Pan vu bedeir
31
blyned ar vn|tu heb gahel neb ystorya
32
o|r a|eỻit y gỽarchadỽ dan gof. a|r vlỽydyn
33
rac ỽyneb ˄y bu uarỽ henri uab gỽilim bastard
34
brenhin ỻoegyr a chymry a|r hoỻ ynys
35
y am hynny yn normandi y trydyd dyd
36
o vjs racuyr. ac yn|y ol ynteu y kymerth
37
Esteuyn o blaes y nei goron y deyrnas
38
y|dreis. ac y darestygaỽd yn ỽraỽl idaỽ hoỻ
39
deheu ỻoegyr. Y|vlỽydyn rac ỽyneb y ỻas
40
Rickert uab gilbert y gan uorgan ab
41
owein. gỽedy hynny y kyffroes owein.
42
a|chatwaladyr veibon gruffud uab kynan
43
diruaỽr greulaỽn lu y geredigyaỽn y
44
gỽyr a|oed degỽch yr hoỻ vrytanyeit a|e
45
diogelỽch a|e rydit a|e kedernit y gỽyr
46
a|oedynt deu arderchaỽc urenhin a|deu

282

1
haelon. Deu diofyn. Deu leỽ deỽron.
2
Deu detwydyon. Deu huodron. Deu
3
doethon. Diogelwyr yr eglỽysseu a|e har+
4
demylwyr. ac amdiffynnwyr y tlodyon.
5
ỻofru·dyon y gelynyon. Hedychwyr y rei
6
ymladgar. Dofyodron y gỽrthwy·neb+
7
wyr. Ẏ diogelaf naỽd y baỽp o|r a|foei at+
8
tunt. Y gỽyr a|o·edynt yn rac·rymhau
9
o nerthoed eneideu a|chyrf. ac yn kyt+
10
gynhal yn vn hoỻ deyrnas y brytanyeit
11
Y|rei hynny ar y|ruthur gyntaf a|losgas+
12
sant gasteỻ gỽaỻter. ac odyna wedy
13
kyffroi eu hadaned yd ymladyssant a chas+
14
teỻ aber ystỽyth y ỻosgassant. a chyt a
15
howel uab maredud. a madaỽc uab id+
16
nerth. a deu uab howel. nyt amgen ma+
17
redud a rys a losgassant gasteỻ rickert
18
dylamar. a chasteỻ dinerth. a chasteỻ
19
caer ỽedros. ac odyna yr ymchoelassant
20
adref. Yn|diwed y vlỽydyn honno y doe+
21
thant eilweith y geredigyaỽn. a chyt
22
ac ỽynt amylder lu o detholedigyon ym+
23
ladwyr. ual amgylch whe|mil o bedyt
24
aduỽyn. a dỽy vil o|varchogyon ỻuruga+
25
ỽc. ac yn borth udunt y deuth gruffud
26
uab rys. a howel uab Maredud o vrecheina+
27
ỽc. a madaỽc uab idnerth. a deu uab how+
28
el uab maredud. a|r rei hynny oỻ yn gyfun
29
a|gyweirassant eu bydinoed y aber dyui
30
ac yn|y herbyn y deuth ysteuyn gỽnstabyl
31
a robert uab martin. a meibon geralt ys+
32
tiwert. a|r hoỻ flemisseit. a|r hoỻ uarcho+
33
gyon. a|r hoỻ ffreinc. o aber ned hyt yn
34
aber dyfi. a gỽedy kyrchu y vrỽydyr ac
35
ymlad yn greulaỽn o bop tu. y kymerth
36
y fflemisseit a|r normanyeit eu ffo herỽyd
37
eu harueredic defaỽt. a gỽedy ỻad rei o+
38
nadunt. a ỻosgi ereiỻ. a thrychu traet
39
meirch ereiỻ. a dỽyn ereiỻ yg|keithiwet
40
a bodi y ran vỽyaf. Megys yn·vydyon yn
41
yr avon. a gỽedy coỻi amgylch teir|mil o|e
42
gỽyr. yn drist aflawen yd|ymchoelassant y
43
gỽlat. a|gỽedy hynny yd ymchoelaỽd ow+
44
ein a chatwaladyr y|ỽ gỽlat yn hyfryt laỽ+
45
en gỽedy caffel y uudugolyaeth. a chael dir+
46
uaỽr amylder o geith ac anreitheu a|gỽisco+
47
[ ed