Breudwd Welsh Prose 1300-1425
Cymraeg

NLW MS. Peniarth 19 – page 47r

Brut y Brenhinoedd

47r

189

hinyaeth. kanys eudaf vrenhin
yssyd hen. ac nyt oes dim a dam+
uno namyn kaffel dylyedaỽc o
ruuein ỽrth rodi y verch idaỽ
a|e vrenhinyaeth genthi. kannyt
oes idaỽ etiued namyn hi. Ac
ỽrth hynny y kafas yn|y gyg+
hor ef a|e wyrda rodi ytti y verch
a|e deyrnas genthi. ac o|r achaỽs
hỽnnỽ y|m hanuonet inheu ym+
ma. ac o|r mynny ditheu dyuot
ygyt a|mi hyt yno pob peth a
vyd paraỽt ytti o hynny. A gỽe+
dy keffych hynny o amylder
eur ac aryant a marchogyon
ynys brydein y geỻy oresgyn
yr amherodron hynn. Ac ody+
na yr hoỻ vyt. kanys o ynys
brydein y kafas custenhin
dy gar di amherodraeth ru·ue+
in. ac odyna yr hoỻ vyt. a ỻaw+
er y·gyt ac ynteu. ac o ynys
brydein. a|gynnydassant ruuein
A C ỽrth yr ymadrodyon hyn+
ny y kychỽynnaỽd maxen
y·gyt a meuric uab karadaỽc
hyt yn ynys bredein. ac ar y
ford eissyoes yn mynet y daros+
tygaỽd ef kaeroed freingk a|e di+
nassoed ac y goresgynnaỽd ỽynt.
a chynuỻaỽ ỻawer o syỻteu
ỽrth eu rodi o|e varchogyon. ac
amylhau y deulu. A gỽedy go+
resgyn freingk ac amylhau o+
honaỽ y lu. kychwyn a|oruc ar y

190

mor. a|r gỽynt yn|y ol. a dy+
uot y norsỽthhamtỽn y|r tir. a
phan ganhatwyt hynny y|r
brenhin. diruaỽr ovyn a|aeth
arnaỽ o debygu mae y elyny+
on oedynt yn dyuot y ores+
gyn y gyuoeth. a galỽ attaỽ
kynan meiradaỽc y nei. ac
erchi idaỽ kynuỻaỽ hoỻ
ymladwyr y deyrnas a mynet
yn eu|herbyn. ac yn|yd oed gyn+
nuỻedic ỻu diruaỽr y veint.
kychỽyn a|oruc kynan meira+
daỽc parth a norsỽthhamtỽn. yn
y ỻe yd oed pebyỻeu maxen
a|e lu. A phan weles maxen
ỻu kymeint a hỽnnỽ yn|y
gyrchu. ofynhau a|oruc o bop
vn o|r dỽy ford o veint y ỻu ac
o wybot glewder y brytanye+
it. ac nat oed ganthaỽ ynteu
vn gobeith o dagnefed. A ga+
lỽ y henafgwyr attaỽ a|oruc
a meuric uab karadaỽc. ac
erchi kyghor udunt am hyn+
ny. ac yna y dywaỽt meuric.
Arglỽyd heb ef nyt oes ynni
o ymlad a|r gỽyr racko. ac nyt
yr mynnv ymlad y   doetham
ni yma. nac yr kyffroi y
gỽyr racko yn dybryt yn her+
byn heb achaỽs. namyn tag+
nefed yssyd iaỽn y erchi ud+
unt. a ỻetty yny wypom ued+
ỽl y brenhin am·danam a|e
ewyỻys.