NLW MS. Peniarth 19 – page 43v
Brut y Brenhinoedd
43v
175
estraỽn genedyl ac adaỽ o da
udunt digaỽn am hynny pei
kynhettynt idaỽ vrenhinya+
eth ynys brydein. A gỽedy
tỽyỻaỽ o·honaỽ sened ruue+
in drỽy y ryỽ edewidyon tỽy+
ỻodrus hynny. a chaffel ken+
nat yr hynn yr|oed yn|y geis+
syaỽ. ymchoelut a|wnaeth
parth ac ynys brydein a|e ne+
ges ganthaỽ drỽy gedernyt
ysgriuenneu a ỻythyreu
agoret. ac inseileu senedwyr
ruuein ỽrthunt. A gỽedy y
dyuot y ynys brydein. kyn+
nuỻaỽ amylder o logeu ar+
uaỽc. a galỽ attaỽ hoỻ jeu+
engtit ynys brydein. a|chy*+
ỽyn y|r traetheu. a gỽneu+
thur kynnỽryf maỽr yn yr
hoỻ deruyneu. ac ygyt a
hynny dỽyn kyrcheu myn+
ych y|r ynyssed yn|y gylch.
ac eu hanreithyaỽ a|e ỻosgi
a distryỽ eu kestyỻ. a ỻad y
tir diwyỻodron. A thra ytto+
ed ef ueỻy paỽb o|r cribdeil+
wyr ereiỻ a gyrchei attaỽ y
wrhau idaỽ. ac ar benn ys+
peit vechan. kymeint oed y
niuer ac nat oed haỽd y
un tywyssaỽc ymerbynyeit
ac ef na gỽrthỽynebu idaỽ.
ac ỽrth hynny sef a|oruc ka+
raỽn ymdrychafel yn syber+
ỽyt.
176
ac anuon a|wnaeth att y bry+
tanyeit y venegi udunt pei
gỽnelynt ỽy efo yn vrenhin
gỽedy darffei idaỽ yn gyntaf
gỽasgaru gwyr ruuein ac eu
ỻad. y differei ynteu ynys
brydein rac estraỽn genedyl.
ac y hamdiffynnei rac pob
gormes o|r a|delei idi. A gỽe+
dy kaffel o·honaỽ duundeb
y brytanyeit. ymlad a|oruc a
basianus. A gỽedy y lad kym+
ryt a|wnaeth karaỽn ỻywo+
draeth y deyrnas yn|y laỽ e
hun. kanys y fichteit a|du+
gassei sulyen ganthaỽ a ry
wnathoed idaỽ ef brat basi+
anus. Ewythyr vraỽt y vam
y vasianus oed sulyen. A
phan dylyynt y fichteit kan+
horthỽyaỽ eu brenhin. nyt
ef a|wnaethant namyn kym+
ryt gỽerth y gan garaỽn a
ỻad basianus. A sef a|oruc
gỽyr ruuein ynvydu a heb
wybot pỽy vei eu gelynyon.
pỽy vei eu gwyr e|hunein.
ac adaỽ y maes a ffo. A gỽedy
kaffel o garaỽn y vudugolya+
eth honno. y rodes ynteu yn
yr alban ỻe y|r fichteit y bres+
sỽylaỽ yndaỽ. ac yr hynny
hyt hediỽ y maent yno.
A |Gỽedy clybot yn ruuein
ry oresgyn o garaỽn ynys
| « p 43r | p 44r » |