Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 39v

Brut y Brenhinoedd

39v

155

1
gan neỽidyaỽ agheu o|bop parth. Ac o|r
2
diwed gwedy treulaỽ ỻaỽer o|r dyd y
3
vudugolyaeth a gafas y brytanyeit.
4
Ac yn|yd|oedynt ladedigyon octa ac offa
5
dangos eu kefneu a|ỽnaeth y saeson e+
6
reiỻ a ffo. ac ỽrth hynny kymeint o leỽ+
7
enyd a|gymerth y brenhin yndaỽ. a hyt
8
pan gyfodes e hunan yn|y eisted ar y elor
9
pryt na allei kyn·no hynny heb ganhor*
10
dynyon ereiỻ gychỽynu. a chyn laỽe+
11
net vu a chyt ry delei idaỽ deissyfyt iech+
12
yt a hynny ymeỻỽg yn chỽerthin a
13
oruc. a chan diruawr lỽenyd* dywedut
14
yn vchel yr ymadraỽd hỽnn a|oruc. 
15
Ẏ bratwyr heb ef a|m|gelỽynt i. brenhin
16
haner marỽ kanys claf oedỽn. ac
17
ỽrth vy arỽein i. ar|yr elor yn diamheu
18
veỻy yd oedỽn inheu. Eissoes gỽeỻ yỽ
19
genyf yn hanner marỽ goruot ar·na+
20
dunt. no bot yn iach ac yn vyỽ gan or+
21
uot arnaf inheu. ~ ~ ~ ~ ~  
22
A  gỽedy goruot ar y saeson. yr hyn+
23
ny ny pheidassant ỽy ac eu tỽyỻ.
24
namyn kyrchu gogled gỽlat+
25
oed yr ynys. ac ymlad a|r bobyl a|ryfe+
26
lu arnadunt. a|r rei hynny a vynnassei
27
uthur pen dragon eu|herlit pei na|s ỻu+
28
dyei y tyỽyssogyon. Kanys trymach
29
vu y heint o laỽer gỽedy hynny o bop
30
fford. gleỽach oedynt y gelynyon yn kei+
31
saỽ darestỽg y teyrnas udunt. ac ym+
32
rodi a orugant y eu kynefaỽt vrat ỽ+
33
ynt. a medylyaỽ pa|ỽed y gellynt o vrat
34
lad y brenhin. a gỽedy na cheffynt ansa+
35
ỽd araỻ ỻunyaethu a|ỽnaethant y
36
lad a gỽenỽyn. a hynny a|ỽnaethant
37
kanys hyt tra yttoed y brenhin yn se+
38
int alban ỽynt a|eỻygassant genadeu
39
yn rith achenogyon yn syỻu ansaỽd
40
y ỻys. vn peth a|deỽissyssant y kenadeu
41
y eu|brat y rei a|uuassynt yn ansaỽd
42
y ỻys. kanys yn agos y|r neuad yd|oed
43
ffynhaỽn loyỽ. ac o honno y gnottaei y
44
brenhin y·vet dỽfyr pryt na chaffei
45
vlas ar diaỽt o|lyn araỻ yn|y byt rac
46
y heint. ac ỽrth hynny kylch y ffynha+

156

1
ỽn a|wnaethant yr ysgymyn vratwyr yn
2
ỻaỽn o|r gỽenỽyn hyt pan lygrỽys y dỽ+
3
fỽr a rettei o|r ffynhaỽn. ac ỽrth hynny val
4
y ỻewas y brenhin y dỽfỽr hỽnnỽ Bryssedic
5
agheu a|e darestygaỽd. A chyt ac ynteu
6
ỻaỽer o dynyon ereiỻ a leỽas y dỽfyr a
7
vuant veirỽ. a gỽedy caffel gỽybot y
8
tỽyỻ hỽnnỽ. ỻanỽ y ffynhaỽn o|r dayar a|ỽ+
9
naethpỽyt hyt pan yttoed cruc maỽr yn
10
vch no|r dayar arnei. a gỽedy honni ma+
11
rỽolyaeth y brenhin drỽy y teyrnas. Ym+
12
gynuỻaỽ a|ỽnaethant yr archescyb a|r
13
escyb a|r abadeu a|r yscolheigon. ac ỽynt
14
a dugassant y gorff ef hyt y|manachlaỽc
15
ambyr. ac y myỽn cor y keỽri ger·ỻaỽ
16
emrys wledic y vraỽt yn vrenhinaỽl
17
arỽylant y cladyssant. ~ ~ ~ ~ ~  
18
A  gỽedy marỽ uthur pendragon yd
19
ymgynuỻassant hoỻ wyrda ynys
20
prydein Jeirỻ a barỽneit a mar+
21
chogyon vrdaỽl ac escyb ac abadeu ac
22
athraỽon hyt yg|kaer vudei. ac o|gytsy+
23
nyedigaeth paỽb. yd|archyssant y dyfric
24
archescob kaer ỻion ar ỽysc vrdaỽ ar+
25
thur y vab ynteu yn vrenhin. ac eu hag+
26
eu a|e kymhellei y hynny. kanys pan
27
gigleu y saeson marỽolyaeth vthur
28
pendragon. yd eỻygyssynt ỽynteu gena+
29
deu hyt yn germania y geissaỽ porth.
30
ac neur|dathoed ỻyghes vaỽr attunt.
31
A cholgrim yn|tyỽyssaỽc arnadunt. ac
32
neur|daroed udunt goreskyn o humyr
33
hyt y mor a chatyneis yn|y gogled. Sef
34
oed hynny y dryded rann y ynys prydein.
35
a gỽedy gỽelet o|dyfric archescob drue+
36
ni y bobyl a|e hymdiuedi. ef a|gymerth
37
escyb y·gyt ac ef. ac a|dodes coron y teyr+
38
nas am ben arthur. a phymtheg|mlỽyd
39
oed arthur yna. ac ny chlyỽsit ar neb
40
araỻ eiryoet y deuodeu o deỽred a ha+
41
elder a|oed arnaỽ ef. Jdaỽ ef hefyt
42
yd eniỻyssei y dayoni anyanaỽl a|oed
43
arnaỽ y veint rat honno. hyt pan|oed
44
garedic ef gan baỽp o|r a|glyỽei dyỽet+
45
ut amdanaỽ. ac ỽrth hynny gỽedy y
46
arderchockau ef o|r vrenhinaỽl enry+