Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 38r

Brut y Brenhinoedd

38r

149

1
gyffroedic adaỽ y ỻys yn|diannot. Ac
2
ny bu yn|y ỻys neb a aỻei y wahaỽd ka+
3
nys ofyn oed gantaỽ coỻi yr hynn mỽy+
4
af a garei o|dim bydaỽl. ac ỽrth hynny
5
ỻityaỽ a blygu a oruc y brenhin ỽrthaỽ
6
ac erchi idaỽ ymchoelut y|r ỻys y wneu+
7
thur iaỽn y|r brenhin o|r sarhaet a|ỽnath+
8
oed am|adaỽ y ỻys yn agkyfreithaỽl yn
9
herỽyd y barnei kyfreith y ỻys idaỽ. a
10
gỽedy nat ufudhaei wrlois idaỽ ỽrth y
11
orchymyn ỻityaỽ yn vaỽr a|oruc y brenhin.
12
Ac yn|y lit a|e gyffro tygu yd|anreithei y
13
gyfoeth yn hoỻaỽl ony delei y wneuthur
14
iaỽn idaỽ. a heb un gohir a|r racdywede+
15
dic irỻoned honno yn|parhau yrydunt.
16
kynuỻaỽ ỻu a|oruc y brenhin a mynet
17
tu a|chernyỽ. a|dechreu ỻosgi y dinassoed
18
a|r kestyỻ a|r trefyd. ac ny lafassaỽd gỽr+
19
lois ymgyfaruot nac ymerbynyeit ac ef
20
kanys ỻei oed eiryf y wyr aruaỽc noc ef
21
Ac ỽrth hynny dewissach uu gantaỽ ka+
22
darnhau y gestyỻ hyt pan gaffei yn+
23
teu borth o iwerdon. a chanys mỽy oed
24
y|o·ual a|e bryder am y ỽreic noc amdanaỽ
25
e|hunan. ac ỽrth hynny ef a|e dodes hi
26
yg|kasteỻ tindagol yr hỽn a|oed ossode+
27
dic y myỽn y mor. a hỽnnỽ a|oed dio+
28
gelaf a|chadarnaf amdiffyn ar y helỽ
29
ef. ac ynteu e hun a aeth y gasteỻ dim+
30
lyot. rac damwein eu kaffel eỻ deu y+
31
gyt. a gỽedy menegi hynny y|r brenhin
32
kyrchu a|oruc ynteu y kasteỻ yd oed
33
gỽrlois yndaỽ. ac eisted ỽrthaỽ a gỽar+
34
chae pob fford o|r y geỻit dyuot aỻan
35
ohonaỽ. A gỽedy ỻithraỽ yspeit pytheỽ+
36
nos. koffau a|oruc y brenhin y garyat
37
ar eigyr. a galỽ attaỽ a|oruc ỽlphin o|r·r+
38
yt garadaỽc kedymdeith neiỻtuedic
39
a|chyt·varchaỽc idaỽ. a menegi idaỽ
40
mal hyn. yn ỻosgi yd|ỽyf. i. o|garyat
41
eigyr heb ef yn|gymeint ac nat petrus
42
genyf na aỻaf ochlyt perigyl uyg|korf
43
ony chaffaf y wreic ỽrth vyg|kygor.
44
Ac ỽrth hynny heb ef yd archaf itt gygor
45
o|r hỽnn y gaỻỽyf eilenỽi vy eỽyỻys
46
rac damwein o dragofeileint vy abaỻu

150

1
Ac ar hynny y dyỽaỽt ỽlphin. Arglỽ+
2
yd heb ef pỽy a aỻei rodi kyghor itti.
3
kanyt oes neb kyfryỽ rym nac ansaỽd
4
y gaỻem ni vynet ygkylch casteỻ tin+
5
dagol. kanys yn|y mor y mae gossodedic
6
ac yn gayedic yn|y gylch o|r mor. ac nat
7
oes vn fford y gaỻer mynet idaỽ namyn
8
vn garrec gyfig. a honno try·wyr ar+
9
uaỽc a eỻynt y chadỽ kyt delei teyrnas
10
prydein y·gyt a thi. ac eissoes pei myr+
11
din vard a|ỽnelei y aỻu y·gyt a thi yn
12
graff ygkylch hynny. mi a dybygỽn
13
drỽy y gyghor ef y gaỻut ti arueru
14
o|th damunet ac o|th ewyỻys. a chre+
15
du a|oruc y brenhin y hynny. a dyfynu
16
Myrdin attaỽ. kanys yn|y ỻud yd|oed. a
17
gỽedy dyuot myrdin rac y vron ef. Ef
18
a|erchis idaỽ rodi kyghor idaỽ drỽy yr
19
hỽnn y gaỻei kaffel eigyr ỽrth y gygor
20
a gỽedy gỽybot o·honaỽ meint y go+
21
feileint a|r pryder a|oed ar y brenhin am
22
eigyr. Doluryaỽ a|oruc Myrdin rac me  ̷+
23
int karyat y brenhin arnei. a dywedut
24
ual hynn. O mynny di gaffel dy ewyỻ+
25
ys ỽrth dy gyghor. reit yỽ itt arueru
26
o gelfydodeu neỽyd ar ny chlyỽspỽyt
27
eiryoet y|th|oes ti. Kanys mi a|ỽn o me+
28
deginyaetheu. i. rodi ytti drych ac an+
29
saỽd gỽrlois. hyt na bo neb a|ỽypo na
30
vo ti vo gỽrlois. ac ỽrth hynny o|mynny
31
ditheu vfudhau y hynny. Minheu a|th
32
wnaf di yn|y drych a|r wed y mae gỽr+
33
lois. ac ỽlphin o|ryt garadaỽc yn rith
34
Jỽrdan o dindagol. a minheu yn drydyd
35
ygyt a|chỽi a|gymeraf y trydyd ffigur.
36
Ac veỻy yn|diogel y geỻy vynet y|r kas+
37
teỻ y mae eigyr yndaỽ. ac vfudhau a|o+
38
ruc y brenhin o|e hoỻ dihewyt y hynny.
39
Ac o|r|diwed gorchymyn y ỻu a|oruc y
40
teulu. ac ymrodi y vedeginyaetheu
41
Myrdin. a|e symudaỽ yn rith gỽrlois.
42
a|wnaeth megys y dywedassei. ac ỽl+
43
phin yn rith iỽrdan. a myrdin yn rith
44
brithuel. Megys nat oed neb o|r hoỻ
45
nifer a|e hadnappei megys y|buessynt
46
gynt. ac odyna kymryt eu|fford a|orugant