Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 284v

Gramadeg y Penceirddiaid

284v

1139

1
a volir o|e doethineb. a|e prudder. a|e kymhen+
2
daỽt ỻywodraeth eglỽyssic. a|e kedernyt
3
yn kynnal kyfreitheu yr eglỽys. a|e truga+
4
red ỽrth dlodyon. a|e halwyssenneu a|e gỽe+
5
dieu. a|e gỽeithredoed ysprydolyon. a|e hael+
6
der kyfyaỽn. A|e kynheilyat ỻyssoed. a|e
7
hadfwynder. a phetheu ereiỻ eglỽyssic
8
enrydedus. Deu ryỽ darestyngedigyon
9
a|uolir. Personyeit. ac athraỽon. Persony+
10
eit a uolir o|doethineb. a chymhendaỽt. a
11
haelyoni. a gỽrdaaeth. a boned. a thegỽch
12
ac adfwynder. a bonedigeidrwyd deuodeu.
13
ac alwyssenneu. a gỽeithredoed trugaro+
14
gyon. a phetheu ereiỻ anrydedus. 
15
Athraỽon a uolir o|doethineb. a chymhen+
16
daỽt. a|goruchelder kyfreitheu. a chanon.
17
A dyfynder ethrylithyr. a cheluydodeu.
18
a budugolyaeth yn amryssoneu. ac ad+
19
fwynder a thegỽch. a boned. a|haelyoni.
20
a deuodeu da. a|hegarỽch. a|phetheu ereiỻ
21
Deu ryỽ leyc yssyd. Ar +[ kanmoledic.
22
glỽyd a breyr. arglỽyd a|uolir o uedyant.
23
a|gaỻu. a milwryaeth. a|gỽrhyrdri. a che+
24
dernyt. a balchder. Ac adfwynder. a doeth+
25
ineb. a chymhendaỽt. a haelyoni. a gỽar+
26
der. a hegarỽch. ỽrth y wyr a|e gyueiỻon.
27
a thegỽch pryt. a|thelediwrỽyd corff. a
28
maỽrurydỽch medỽl. a maỽrhydri gỽeith+
29
redoed. a phetheu ereiỻ adfỽyn enrydedus.
30
Brehyr a|volir. o deỽrder. a gleỽder. a che+
31
dernit. a chryfder. a|chywirdeb ỽrth y ar+
32
glỽyd. a doethineb. a chymhendaỽt. a|haely+
33
oni. a digrifỽch. a thelediwrỽyd corff. a bo+
34
ned. a phetheu ereiỻ kanmoledic. ~ ~
35
Crefydỽr a uolir o grefyd. a santeidrỽyd.
36
a|gleindit buched. a medylyeu dwywolyon.
37
a nerthoed ysprydolyon. a gỽeithredoed tru+
38
gared. a haelyoni cardodeu yr duỽ. ac o
39
betheu ereiỻ nefolyon ysprydaỽl. a berthy+
40
nont ar|duỽ a|r seint. Teir ryỽ wreic

1140

1
a|volir. Gỽreicda. a riein. a chrefydwreic.
2
Gỽreicda a uolir. o doethineb a chmhendaỽt*
3
a diweirdeb. a haelyoni. a thegỽch pryt.
4
a gỽed. a ffuryf a disymylder ymadrodyon.
5
a gỽeithredoed. Ac ny pherthyn moli gỽ+
6
reicda herwyd serch a charyat. kany pher+
7
thyn idi orderchgerd. ~  
8
Riein a|uolir o|bryt a thegỽch. a chymhen+
9
daỽt. a disymylder. ac eglurder mod a
10
deuodeu. a haelyoni. a diweirdeb. a moly+
11
anrỽyd. a boned. a ỻetneisrwyd. a charedic+
12
rwyd. ac idi y perthyn serch a charyat.
13
Ac yn vn wed a hynny y molir mab.
14
Crefydwreic a uolir o|santeidrỽyd. a diỽ+
15
eirdeb. a gleindyt buched. a|phetheu ereiỻ
16
dwywaỽl megys crefydỽr ~ ~ ~  
17
T Ri bei kyffredin yssyd ar gerd. torr
18
messur. a dryc·ystyr. a cham ymadra+
19
ỽd. Tri|thor messur yssyd. twyỻ|awdyl.
20
a hir a|byrr. a gormod odleu. Tri dryc+
21
ystyr yssyd. Molyant. a dychan ygyt ac amher+
22
thynas. ac eisseu beref. Tri cham yma+
23
draỽd yssyd. vnic a ỻuossaỽc. Gỽryf a benỽ.
24
Gỽyd ac absen. Tri bei gỽahanredaỽl
25
yssyd ar gerd. Trỽm ac ysgaỽn. ỻedyf a
26
thalgrỽn. proest ac unaỽdyl. Tri ryỽ
27
ledyf yssyd. Penngamledyf. kadarnnledyf.
28
a thaỽdledyf. Teir siỻaf dipton yssyd my+
29
ỽn kerd. Dipton dalgron. a dipton ledyf.
30
a dipton wib. Teir dipton gymysc yssyd.
31
dipton dalgronledyf. a|dipton gadarnledyf.
32
a dipton daỽdledyf. Teir siỻaf odit ga+
33
nyat yssyd. dipton dalgronledyf. a|dipton
34
losgyrnaỽc. a bydarledyf. Teir siỻaf gadarn
35
ganyat yssyd. siỻaf vydar. a siỻaf daỽdledyf.
36
a siỻaf dromledyf. Teir siỻaf dieithyredic
37
yssyd. dipton dieithyr. a bogal ymblaen bogal.
38
a|dipton wiỽ. Tri ryỽ ymadraỽd yssyd my+
39
ỽn kerd. ymadraỽd perffeith. ac ymadraỽd
40
kyfyaỽn. ac ymadraỽd adurn. Teir rann