Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 26r

Brut y Brenhinoedd

26r

101

1
reideu megys kenedyl dyborthaỽdyr he+
2
dỽch heb geissaỽ na|threis nac yn rat dim
3
y gan neb. ac val yd|oed kynan meirada+
4
ỽc yn pedrussaỽ beth a|wnelei ae ymlad
5
ac ỽynt ae hedychu. Dynessau attaỽ
6
a|ỽnaeth karadaỽc iarỻ kernyỽ a gỽyr+
7
da y·gyt ac ef a|chyghori hedychu ac
8
ỽynt. a chyn bei drỽc gan gynan ro+
9
di hedỽch a|ỽnaethpỽyt udunt. a dỽyn
10
maxen y·gyt ac ỽynt hyt yn ỻundein
11
at eudaf vrenhin y brytanyeit. a dy+
12
ỽedut mal y daroed idaỽ. ~  
13
A c yna y kymerth karadaỽc ia+
14
rỻ kernyỽ gỽyr·da y·gyt ac
15
ef. a gỽedy eu|dyuot rac bron
16
y brenhin. dyỽedut a|ỽnaethant yr
17
ymadraỽd hỽn. arglỽyd heb ef ỻy+
18
ma yr hyn yd|oed y gỽyr a|th garei di
19
n|y damunaỽ ac yd|oedut titheu n|y da+
20
munaỽ eiroet. a|duỽ yn ỻunyaethu
21
hynny hediỽ. ac yn anuon yman
22
ỽrth dy uot titheu yn kadỽ fydlonder
23
ỽrth duỽ. Sef yỽ hynny tydi a|ỽdost
24
dy uot yn ym·gyghor a|th ỽyrda py beth
25
a|ỽnelut am elen dy verch a|th gyuo+
26
eth. kan ytoedut yn treiglaỽ parth
27
a heneint val nat oed haỽd it lyỽyaỽ
28
dy deyrnas hỽy no hynny. ac yna rei
29
a gyghorei it rodi coron dy deyr+
30
nas y gynan meiradaỽc dy nei. a ro+
31
di dy verch y dylyedaỽc o wlat araỻ. Ka+
32
nys ofyn oed arnadunt dyuot darys+
33
tygedigaeth y deyrnas o delei vrenhin
34
agkyfyeith arnadunt. Ereiỻ a
35
gyghorei it rodi dy uerch y un o
36
dylyedogyon y deyrnas hon ual y bei
37
vrenhin gỽedy ti. ac eissoes y ran vỽy+
38
af o|th ỽyrda a gyghores it keissaỽ vn o
39
amherodron rufein y rodut dy uerch i+
40
daỽ a|th gyuoeth wedy ti. kanys ueỻy y
41
tybygynt kaffel hedỽch a rufeinaỽl
42
amherodra  eth a|e hamdiffynnei. a
43
ỻyma hediỽ   arglỽyd gỽedy ry an+
44
uon o duỽ   y gỽas ieuanc hỽnn
45
yma ytti yr   hỽn a henyỽ o rufei+
46
naỽl amhero  dron a brenhinolyon

102

1
vrytanyeit. Ac y hỽnnỽ o|m kyghor i
2
y rody di dy verch a|th gyuoeth gỽedy ti.
3
ac y·gyt a hynny edrych di bot yn gys+
4
tal y dylyet ar ynys prydein a|r|teu di+
5
theu. Kanys kar agos yỽ y gustenin
6
a nei y goel. ac ny dylyit gyfrannu
7
y|r gỽr hỽnnỽ y verch a|r vrenhinyaeth
8
ac vfudhau a|ỽnaeth eudaf y|r kyghor
9
hỽnnỽ. ac o gyffredin gygor gỽyrda
10
ynys prydein y rodet elen verch eudaf
11
a|r deyrnas genti y vaxen ap ỻyỽelyn
12
a phan welas kynan meiradaỽc hynny
13
blyghau a|oruc a ỻidyaỽ a|mynet parth
14
a|r alban. a chynuỻaỽ ỻu diruaỽr a ry+
15
uelu ar vaxen. ac a|r|ỻu hỽnnỽ gantaỽ
16
dyuot drỽy hymbir ac anreithaỽ y gỽ+
17
ladoed hynny o bop parth idaỽ. a gỽedy
18
menegi hynny y vaxen kynuỻaỽ a|o  ̷+
19
ruc ynteu y ỻu mỽyaf a aỻỽys a|my  ̷+
20
net yn erbyn kynan a rodi kat ar va  ̷+
21
es idaỽ a|e yrru ar ffo. Ac eissoes ny
22
pheidỽys kynan namyn kynuỻaỽ y lu
23
eilỽeith ac anreithaỽ y gỽladoed yn|y
24
gylch val kynt. a gỽeitheu gan vudu+
25
golyaeth a gỽeitheu hebdi yd|ymchoe+
26
lei vaxen y ỽrthaỽ. ac o|r diwed eisso  ̷+
27
es gỽedy gỽneuthur o bop vn coỻedeu
28
maỽr y gilyd. kymod a|orugant drỽy
29
eu kedymdeithon a|dyuot yn un garyat.
30
A c ympen yspeit pump mlyned sy+
31
berỽhav a|oruc maxen o amylder
32
eur ac aryant a|sỽỻt a marchogy  ̷+
33
on. ac yn|y ỻe paratoi ỻyges a|wnaeth
34
a chynuỻaỽ attaỽ hoỻ ymladỽyr ynys
35
prydein. ac a aỻỽys y gael o leoed ereiỻ
36
A gỽedy bot pop peth yn baraỽt. Kychỽ  ̷+
37
yn a|oruc parth a|ỻydaỽ y wlat a elỽir
38
brytaen vechan yr aỽr·hon. A gỽedy y
39
dyuot idi dechreu ymlad a|r bobyl a|oed
40
yndi o freinc. ac yn|y diỽed y ỻas hym+
41
balt eu tyỽyssaỽc. a phymtheg|mil o
42
wyr aruaỽc y·gyt ac ef. a gỽedy gỽe  ̷+
43
let o vaxen meint oed yr aerua o·nadunt
44
a haỽdet eu darestỽg yn gỽbyl. Galỽ
45
kynan meiradaỽc a|ỽnaeth attaỽ. ac y+
46
dan chỽerthin dyỽedut ỽrthaỽ ual hyn.