Breudwd Welsh Prose 1300-1425
Cymraeg

NLW MS. Peniarth 9 – page 62r

Ystoria Carolo Magno: Chronicl Turpin

62r

1
A thrannoyth y bore gỽedy gỽisgaỽ eu harueu
2
am·danunt.  mynet a orugant yr lle y bu+
3
assei|y vrỽydyr parth a|glyn y mieiri. Ac ỽynt
4
a gaỽsant yno eu gỽyr yn galaned. Ac ereill yn
5
annobeith o vratheu agheuaỽl. Ac yno yd oyd
6
oliuer yn varỽ a|y dorr y vynyd ar y estyn gỽe+
7
dy y rỽymaỽ a|phetwar reuaỽc. A phetwar|paỽl
8
drỽydunt yn|y dayar. Ac o|y vynỽgyl hyt y ewi+
9
ned wedy y vlingaỽ a|y vreicheu a|y dỽylaỽ. a
10
gỽedy y ffenestru drỽydaỽ a phob ryỽ arueu ny
11
ellit adraỽd y kỽynuan ar drycyruerth oyd y+
12
no. kanys ef a glywit eu griduan ac eu godỽrd
13
yn llenwi y glyn o leuein. Ac yna y tygaỽd y bren+
14
hin. yr brenhin holl gyuoythaỽc na orffwyssei
15
o ymlit y pagannyeit yny ymordiwedei ac
16
ỽynt. Ac yn diannot mynet a orugant ody+
17
no yn eu hol. Ac yna y seuis yr heul megys
18
yspeit tri diwarnaỽt yn digyffro. Ac y gordi+
19
wedaỽd ỽynt y glan auon ebra gyr llaỽ cesar
20
augustam a mynet a oruc yn eu plith megys
21
lleỽ dywal a vei yn hir heb vỽyt. A gỽedy llad
22
onadunt pedeir mil ymhoylut a oruc drache+
23
uyn hyt y glyn y mieri. A pheri kynnullaỽ y
24
kalaned oyd yno a|y dỽyn ganthaỽ yn yd oyd
25
corff rolond. Ac yna yd amouynnaỽd charly+
26
mayn oyd wir ar wenwlyd wneuthur o·hona+
27
ỽ vrat rolond a|y wyr. Ac yn diannot dodi
28
deu ỽr y ornest y dangos y wiryoned am hynny.
29
Nyt amgen theodoric dros charlymayn.