NLW MS. Llanstephan 4 – page 22v
Bwystoriau
22v
*vym am na welut vi yn gyntaf. a herwyd
natur y bleid y dylyaf|i goỻi vy ỻef. ac am
hynny na wneuthum y ỻythyr hỽnn drỽy
gan namyn ar ffuryf ymadraỽd. kanys
natur araỻ yssyd yr honn a|gefeis i o any+
an yr eos yr hỽnn y kefeis exemplar o·honaỽ.
C anys yr eos a gar y gan e|hun yn
gymeint ac y|bo marỽ yn kanu.
kanys hebyrgofi a|wna y vỽyt a|e|diaỽt o
chỽant canu. ac ar hynny yd edrycheis i
rac vy marỽ. a|mi a|welaf mae bychydic
a|dal y|r kywydolyon eu kan. kanys pan
vu oreu y keneis i. gỽarthaf oỻ vu ym.
ac am hynny y peideis a|r kan. ac y trey+
theis hynn o lythyr drỽy ymadraỽd mal
y gaỻo paỽb y|deaỻ yn berffeith a|e darỻein
ac ystyryaỽ vyng|klỽyf|inneu a|m galar. ac
y chỽitheu darỻeodron y ỻythyr hỽnn. yd
ỽyf yn adolỽc yỽch na chaploch weith
y ỻythyr. kanys pei as|kapleỽ·ch ouer
vydei ym vy ỻauur. a|mi a goỻỽn heuyt
vy neges. ac na vit ryued heuyt gennyt
ti. o chyffelybeis natur gỽreic y anyan
bleid. kanys y|mae ỻawer etto o|natury+
eu ar y bleid. ac vn o|e naturyeu yỽ
hỽnn nyt amgen vot tỽf y gorff yn gyn
The text Bwystoriau starts on line 1.
| « p 22r | p 23r » |