Cardiff MS. 1.363 (Hafod 2) – page 58r
Brut y Brenhinoedd
58r
1
a llythyr ganthỽnt ar synhwyr hon yndỽnt.
2
Y Wlkessar. aỽarwy vap llwd tywssaỽc llỽnd+
3
eyn yn anỽon annerch. a gwedy damỽnedyc
4
agheỽ damỽnedyc yechyt a bwched. Edyỽar
5
yw kenhyf y daly y|th erbyn di hyt tra ỽuost
6
di yn kynhal ymladeỽ yn erbyn ỽy mrenyn. y
7
kanys pey peytỽn. y. ty·dy a orỽuassỽt ar kas+
8
wallaỽn. y gwr gwedy y ỽeynt wudỽgolyaeth
9
honno a kaỽas trwy ỽy nerth y a kymyrth y|ỽe+
10
ynt syber yndaỽ hyt pan edyw yn keyssyaỽ hyny tref*+
11
tadỽ y am dykyỽoethy am dyhol o|m kyỽoeth
12
a goreskyn ydaw e|hỽn ỽyg kyỽoeth. Ac gwy+
13
byd ty nat y ỽelly y dylyey talỽ y my. myfy
14
yn|y kyỽoethogy ef. ac ynteỽ ym dykyỽoethy
15
ynheỽ. myfy yr eylweyth a|e kynhelyeys ef ar
16
y kyỽoeth. ac ynteỽ yn keyssyaỽ ỽyg gorescyn
17
y·nheỽ. kanys myfy yn kỽbyl yn ymlad y|th er+
18
byn di a wneỽthỽm y pethev hyn oll ydaỽ. A
19
mynheỽ a tyghaf y kyỽotheỽ nef a dayar hy+
20
t na heydeys y onyt na rodỽn y ỽe ney y dyod+
21
ef braỽt y lys ef arnaw. Ac yny ỽo goleỽach ac
22
eglỽrach y|th doethynep di achavs y wyryon+
23
ed. gwarandav di a my a datkanaf yt yr ac+
24
haỽs y mae y ỽar arnaf y. Gwedy kaffael o+
| « p 57v | p 58v » |