Cardiff MS. 1.362 (Hafod 1) – page 75r
Brut y Brenhinoedd
75r
1
y fynyon o wenỽyn. Ac ynghylch y glaneu megys
2
y bei wanỽynic* y dỽfyr a rettei o·honai. Ac yna gỽedy
3
yuet o|r brenhin o|r dỽfyr gỽenỽynig hỽnnỽ o|e|brussedic*
4
ageu y bu varỽ. a mỽy no chant o dynyon ygyt ac ef
5
a lewas o|r dỽfyr gỽenỽynic. ac sef a|wnaethant llenwi
6
y ffynyon o|r dayar a gỽneuthur kruc maỽr ar y gỽarthaf
7
ac yna gỽedy honni marỽolyaeth y brenhin ac yna y deu+
8
thant archescyb ac escyb ac abadeu o pop lle yn|y teyrnas
9
ac odyna kymryt korff eu brenhin a|e dỽyn ynrydedus
10
hyt ym mynachaloc ambr. ac yno meỽn cor y keỽri geir
11
llaỽ emreis y vraỽt y cladỽyt trỽy vrenhinaỽl arỽyly+
12
AC yna gỽedy marỽ vthyr pendragon yd [ ant.
13
ymgynullassant holl|wyrda ynys prydein o yscolheigy+
14
on a llygyon* hyt yg kaer budei ac o gyt·synedigyaeth
15
paỽb yd archassant y dyfric archescob kyssegru arthur
16
yn vrenhin arnadunt. kans eu ageu a|e kymhellei. sef
17
achaỽs pan gigleu y saesson marỽolyaeth vthyr. yd ym+
18
hoelassant ỽynteu hyt yn germania y geissa* porth. a
19
neur dathoed attunt llyghes vaỽr a golgrym yn tewys+
20
saỽc arnadunt. ac neur daroed udunt gỽerescin tu
21
traỽ y hỽmyr sef oed hynny y tryded ran o|r ynys.
22
A phan welas dyfric arthur a thrueni y poploed* kyt+
23
doluryaỽ ac ỽynt a|wnaeth a chyssegru arthur yn
24
vrenhin. a gỽiscaỽ coron y teyrnas am y pen. A phym+
25
theg|mlỽyd oed arthur yna. Ac ny chlyỽyssit ar neb
26
kyn noc ef y ryỽ dauodeu a oed arnaỽ o nerth a che+
27
dernyt a gleỽder a daeoni. A chymeint o rat rodas+
28
sei duỽ idaỽ ac nat oed yn eithauoed y byt dyn o|r
29
a glywei dywedut ymdanaỽ ny|s karei. a chỽaethach
| « p 74v | p 75v » |