NLW MS. Peniarth 32 (Y Llyfr Teg) – page 259
Brut y Saeson
259
1
Dỽy vlỽyd a deigeint oed ef yna a|their|blyned ar|dec
2
y|gỽledychaỽd Ac y cladỽyt yn|ỽyntỽn. yn|y ỻe nyt
3
ỽylỽyt dim amdanaỽ gan laỽenet oed gan baỽp y uarỽ.
4
[ Can mlyned a. Mil. oed. oet. crist pan ỽledychaỽd henri
5
vab Wiỻiam Bastard hỽnnỽ a briodes Mahaỻt Merch y moel+
6
cỽlỽm brehin predein o vargaret vrenhines o hono
7
y bu vaỻt araỻ yr hon a|uu ỽreic y henri amheraỽdyr
8
a gỽedy hynny y Jeffrei jarỻ angiỽ. Ac o hỽnỽ y
9
cafas hi henri yr hỽn a vu vrenhin vedy stephan
10
vrehin yr henri hỽnỽ a dilygeideaỽd Robert cỽrteis
11
y vraỽt yn kaer loyỽ gỽedy y|dyuot o gaerusalem
12
Ac ynteu a drigyaỽd yn normandi A Robert
13
a cladỽyt yg|kaer loyỽ vn vlỽydyn ar bymthec
14
ar|hugeint y gỽledychaỽd Ac yn reding y cladỽyt.
15
[ Vn vlỽdyn* ar|bymthec ar|hugeint a. Cant. a
16
M. oed. oet. crist pan ỽledychaỽd stephan vab Attala
17
verch Wiỻiam bastard o Jarỻ blays y dat yn erbyn
18
y lw hỽnnỽ a|ỽledychaỽd drỽy ryuel a|thraỻaỽt a
19
thruein tra|uỽ vyw. ac yn fauersam y bu varỽ ac
20
y cladỽyt yn|y ỻe a adeilyaỽd e|hun. [ Pedeir
21
blyned ar|dec a deugeint. a Cant. a. Mil. oed. oet. crist pan
22
ỽledychaỽd henri vab Jeffrei jarỻ angiỽ o vahaỻt
23
amherodres y vam. Hỽnnỽ a gyffroes ỻaỽer o
24
ryueloed yn erbyn stephan vrehin a|thrỽy dag+
25
neued rygthunt y gatpỽyt y|vrenhinyath* ẏ
26
stephan vrehin yn|y vyỽyt. A gỽedy y varỽ
| « p 258 | p 260 » |