NLW MS. 3036 (Mostyn 117) – page 107
Brut y Brenhinoedd
107
1
kyuodi yn|y erbyn a|e lad. A phan gigleu y racdywede ̷+
2
digyon elynyon vchot a ffoassynt y iwerdon ry|lad
3
Gracian. kynnullaỽ a|wnaethant ỽynteu y|gỽydyl
4
a|r yscotyeit a guyr denmarc a|r llychlynwyr ygyt
5
ac ỽynt. A dyuot hyt yn ynys prydein a|e hanre+
6
ithaỽ o tan a hayarn o|r mor y|gilyd. Ac ỽrth hynny
7
anuon llythyreu a wnaeth y brytanyeit hyt yn ru+
8
uein a|dagreuaỽl gỽynuaneu yndunt gan adaỽ
9
tragywydaỽl darystygedigaeth ac ufylldaỽt a the*+
10
yrget udunt yr ellỽg canhorthỽy attunt ac eu ryd+
11
hau y|gan eu gelynyon. Ac yna yd anuonet lleg
12
o wyr aruaỽc attunt. A guedy eu dyuot hyt yn|ynys
13
prydein ac ymlad a|r|gelynyon. eu dihol a|wnaeth+
14
ant o holl teruyneu ynys prydein. ac eu gỽrthlad.
15
a rydhau y|gywarsagedic pobyl o|r truan geithiwet
16
ormessaỽl honno. Ac yr gỽrthlad gormessoed a ge+
17
lynyon yd archassei seuerus amheraỽdyr gynt
18
gỽneuthur mur y·rỽg deiuyr a|r alban o|r mor y
19
gilyd. kanys y|r alban y|gnotaei pop gormes o|r a del+
20
hei y|ynys prydein dyuot yn gyntaf. Ac yna eilwe+
21
ith y caỽssant ỽynteu oc eu kyffredin gyghor guyr
22
rufein a rei ynys prydein atnewydhau y mur hỽn ̷+
23
nỽ a|e|gỽpplau o|r mor pỽy gilyd.
24
A Guedy daruot cỽpplau y gueith hỽnnỽ; y|me+
25
negis guyr rufein y|r brytanyeit hyt na ell+
26
ynt ỽy kymryt llafur a|pherigyl ac aneirif treul
27
ar wyr rufein ac arueu a|meirch ac eur ac aryant ar
| « p 106 | p 108 » |