NLW MS. 3035 (Mostyn 116) – page 204v
Brut y Tywysogion
204v
1
drỽy geithiwet a|chyffroi a oruc. ỻywelyn. ỽrth y dagreuoed. am e|hannoc
2
ỽynt a|e kygor kyrchu y beruedwlat a|e gỽerescyn oỻ kyn
3
pen yr ỽythnos a|chyt ac ef Meredud ap rẏs gryc. ac odyna
4
y kymerth veironyd idaỽ e|hun a|ran a oed eidaỽ etwart o ge+
5
redigyaỽn ef a|e rodes y varedud ap ywein a|bueỻt y·gyt a|hynny
6
a|thalu y veredud ap rys gryc y gyuoeth gan ỽrthlad rys y|nei
7
o|e gyuoeth a|rodi y|kyuoeth y veredud ap rys heb gynal dim
8
idaỽ e|hun o|r tired gỽerescyn oll eithyr clot a gobrỽy ac odyna
9
y gỽeresgẏnaỽd werthrẏnẏon y gan rosser mortimer yn|y law
10
e|hun. ac yna y kyssegrỽyt yr athro rys o gaer riỽ yn* gan y
11
pap yn escob y|myniỽ. Y|vlỽydẏn rac·ỽyneb y kyrchaỽd. ỻywelyn
12
ap gruffud. a maredud ap rys a maredud ap ywein a ỻawer o
13
dylyedogẏon ereiỻ y·gyt ac ef y kyuoeth gruffud ap gỽenỽynwyn
14
ac y goresgynaỽd oỻ eithyr casteỻ y|traỻỽg|garan o|dyfryn
15
hafren. ac ychydic o gareinaỽn a distryỽ a|wnaeth casteỻ by+
16
dydon. y kyfrỽg hẏnẏ y kynuỻaỽd rys vychan ap rys mechyll
17
a oed yn ỻoegyr ar dehoỻ diruaỽr borth a|chedernit o|var+
18
ỽnyeit a marchogyon ỻoegyr y·gyt ac ef ac y doeth hyt
19
yg|kaer vyrdin; ac odyno yn ỽythnos y|sul·gỽyn y duc
20
hynt y dinefỽr a|gỽedy dyuot y|myỽn y|r casteỻ y delis y castell+
21
wyr ef a|chrychu* a|wnaethant y|ỻu a dala y|bar·ỽneit a|march+
22
ogyon vrdolyon a|ỻad mỽy no dỽy vil o|r ỻu. pan las y gỽyr yn|y kymereu ac yna y kyrchaỽd
23
y|tywyssogyon dyuet a|distryỽ a|wnaethant gasteỻ aber corran
24
a ỻan ystyffan ac arberth a|r maen clochaỽc a|ỻosgi y|dref
25
a|r trefyd Y|vlỽydyn rac·ỽyneb y gores·gynaỽd. ỻywelyn. ap gruffud. gemeis
26
ac y kymodes veredud a rys vychan y nei ac odyno yn gyfun
27
y|kyrchassant drefdraeth ac y briỽassant y casteỻ ac odyno
28
y kymerassant veredud ap ywein y·gyt ac ỽynt ac y kyrchas+
« p 204r | p 205r » |