Oxford Jesus College MS. 57 – page 154
Llyfr Blegywryd
154
1
o|r daear. a cheinaỽc dros bop kỽys o|r a ymcho+
2
eles yr aradyr. ac ony wybydir rif y kỽysseu.
3
troetued vyd ỻet pob kỽys. Y brenhin a geiff yr
4
aradyr a|r sỽch a|r kỽỻdỽr. a|r ychen. a gỽerth y
5
droet deheu y|r geilwat. Y neb a gudyo dim y
6
myỽn tir dyn araỻ. perchen y tir a|geiff ganthaỽ
7
pedeir keinyaỽc. kyfreith. dros agori daear. a|r|bỽyst+
8
uil a|dalyer yndaỽ heuyt. Y neb a|glado pỽỻ
9
odyn ar dir dyn araỻ heb y gannyat. perchen
10
y tir bieiuyd yr odyn. a|phedeir keinaỽc. kyfreith. o
11
agori daear. a|thri|buhyn camlỽrỽ y|r brenhin.
12
Y neb a dotto rỽyt myỽn auon ny|s|pieiffo.
13
traean y pysgaỽt a geiff. a|r|deuparth y ber+
14
chen yr auon. Ny cheiff neb pennkenedyly+
15
aeth. nac eissydyn arbennic ar|dir. na|sỽyd o
16
vreint tir o|bleit mam. kyt kanhatter rann o
17
dir idaỽ o|r byd neb o bleit y dat a|e dylyo. Tei+
18
lynghach eissyoes yỽ eu kaffael o dyn o bleit
19
mam y rei hynny noc eu kaffel o estraỽn.
20
Ot ymrỽyn* gỽreic ỽrth wr heb gynghor y
| « p 153 | p 155 » |