Cardiff MS. 1.362 (Hafod 1) – page 4v
Brut y Brenhinoedd
4v
lle y ymgudyaỽ. trỽy tywyllỽch y nos. ym plith y ker+
ryc y syrthynt hyny vydynt uriwedic anafus. Ac
o|r diaghei neb o|r damwein tyghetuenaỽl hỽnỽ; y bo+
dynt yn|y dyffred ger eu llaỽ. Ac velly abreid y diaghei
neb yn dianaf o|r ryỽ damwein direit hỽnnỽ. A|phan
ỽybu wyr y kastell. bot eu harglwyd yn llad eu gelyn+
nyon y velly; dyuot allan o|r kastell a|wnathant ỽynteu.
A deudamblygu aerua onadunt. A megys y|dỽespỽyt u+
chot; chyrchu* a|oruc brutus pebyll y|brenhin a|e daly. Ac
erchi y garcharu. kans mỽy les a|tebygei o|e garcharu
noc o|e|lad. Y toryf hagen a oed gyt ac ynteu ny orfowys+
synt o|lad a gyfarfei ac ỽynt heb heb* trugared. ac yn|y wed
honno y treuluyt y nos hyny doeth y|dyd. ynyd oed amlỽc
meint yr aerua a wnathodit. Ac yna llewehau* a oruc
brutus. A rannu yr yspyileu y·rwg y|wyr e|hun. A hyt
tra attodit yn hyny; yd|aethpỽyt ar brenhin y garchar
yr kastell. Ac ydy erchis brutus kadarhau* y kastell. A
chaldu* y kalaned. A gỽedy daruot hynny; ymgynnullaỽ
a|oruc brutus a|lu ygyt gan diruaỽr lewenyd o|e budugol+
yaeth. A mynet yr diffeith yr yd oed yr anhedeu ar gỽra+
ged ar meibyon yn eu haros.
AC yna y gelwis brutus y henhafgỽr* attaỽ y ymgyhor
ac ỽynt a|wnelit ampandrasius vrehin groec. kans
hyt tra uei ef y eu karchar hỽy ac yn eu medyant; dir
oed idaỽ wnethur a vynnynt. Ac yna y roded amryualy+
on gyghoreu. Rei y gyghorei erchi ran idaỽ o|e teyrnas
gan rydit. Ereill a gyghorei erchi kanhyat y uynet y
ymdeith. Ar hyn a uei rei* y eu hynt gantunt. A gỽedy
eu bot yn yr amrysson hỽnỽ; kyuodi a oruc vn y|uynyd;
| « p 4r | p 5r » |