NLW MS. Peniarth 9 – page 59v
Ystoria Carolo Magno: Chronicl Turpin
59v
1
hyny oyd eu deuaỽt y dyd yd elynt y vrỽydyr
2
kyffessu a|chymryt kymun. Ac ymhoylut y
3
ỽyneb ar y nef a oruc rolond a|dywedut val
4
hyn. Arglỽyd crist yr kynnal dy dedyf di a|th
5
cristynogayth y deuthum i o|m gỽlat y alltu+
6
ded agyfyeith. a|thrỽy dy nerth di a|th gan+
7
ỽrthỽy arglỽyd y gorchyuygeis i lawer o sa+
8
rascinneit ac a diodefeis anneiryf o dyrnode+
9
u a bonclusteu a|chỽympeu a gỽelioyd a chell+
10
weir. a gỽaratwyd. a|blinder. ac oyruel. a gỽ+
11
res. a newyn. a sychet. a gouut. a phoyn. Y tith+
12
eu arglỽyd y kymynnaf inheu vy eneit. val
13
yd estygeist ti y rof|i ac yr cristynogyon y byt
14
y|th eni o|r veir wyry a diodef ar y groc a|th
15
cladu a|th varỽ a|th gyuodi y trydydyd a|th
16
ysgynnu ar y nef y lle nyt edeweist eiroyt
17
o gynrycholder dy allu di. velly arglỽyd y
18
teilygych ditheu vy rydhau inheu am hen+
19
eit y nef rac agheu tragywyd. A chyuadef
20
yỽ gennyf inheu vy mot yn bechadur kam+
21
gylus eithyr y mod y may kannyat y dywe+
22
dut. A|thitheu arglỽyd val yd ỽyt trugaroc+
23
caf madeuỽr pob pechaỽt. Ac a drugarhaa i
24
ỽrth baỽb. Ac ny cheissy di arglỽyd gan edi+
25
ueiraỽc namyn y ellỽg o|y holl godyant a|y
26
bechodeu yn yr aỽr yd ucheneittyo ac a ym+
27
hoylo o·honaỽ. A|thi a vadeueist yr wreic a
28
dorres y phriodas ac a agoreist borth para+
29
dỽys yr lleidyr yn kyffessu yn|y groc. Na nac+
| « p 59r | p 60r » |