NLW MS. Peniarth 33 – page 21
Llyfr Blegywryd
21
1
a|varnnont ef a|geiff kẏmeint a|rann
2
deuỽr o|hẏnnẏ. Rỽg ẏr etlig a|r|golofyn
3
ẏd eisted. Nẏ|dẏrẏ ef arẏant ẏ|pengu+
4
astraỽt pann gaffo march ẏ|gan ẏ|bre ̷ ̷+
5
nhin. y|gan ẏ|neb a orffo pan vo am ̷+
6
rẏsson cadeir. ẏ|keiff ef corn bual. a ̷
7
modrỽẏ eur. a|r|gobennẏd a|dotter ẏda+
8
naỽ ẏnn|ẏ gadeir. ~ Pann teruẏnher
9
tir; pedeir ar|hugeint a|geiff ef. Llen+
10
lliein ẏnn|wastat a|geiff ẏ|gan ẏ|vren+
11
hines. O|r anreith a|dycco ẏ|teulu kyn+
12
nẏ bo ef gartref; rann deuwẏr a|geiff
13
O|r dẏweit neb ar ẏ|braỽdỽr varnu ca+
14
m varnn arnaỽ; rodent eu deu ỽẏstl+
15
on ẏn|llaỽ ẏ|brenhin; Ac os ẏ|braỽdỽr
16
a oruẏdir. a|chẏureith ẏscriuenedic ẏn
17
dangos ẏ|oruot. talet ẏ|r|brenhin ẏ|sỽ+
18
ẏd a|gỽerth ẏ|tauot. Ac odẏna na var+
19
net vẏth; Nẏ|dẏlẏir credu varn na|e
20
chẏmrẏt rỽg deu ỽẏstlon am|vraỽt
21
onnẏt vn a dangosser ẏg|kẏureith ẏ+
22
sgriuenedic. Braỽdẏr herỽẏd breint
23
y|tir. tra gẏnhalẏo ẏ|tir. breint braỽ+
24
dỽr a|gẏnheil ef trỽy ẏ|tir. Sarhaet
25
braỽdỽr sỽẏdaỽc; herỽẏd breint ẏ
| « p 20 | p 22 » |