NLW MS. Peniarth 32 (Y Llyfr Teg) – page 138
Llyfr Iorwerth
138
1
A M oen o|r nos y ganher hyt galan gaeaf;
2
keinhaỽc a|dal. O galan gaeaf hyt ym+
3
penn y vlỽydyn; dỽy geinhaỽc. ac o hynny aỻan;
4
pedeir keinhaỽc. Teithi dauat; blith ac oen. a|e
5
goruot hyt galan mei rac yr auat. yny gaffo y
6
their gỽala o|r tauol newyd. am y theithi; teir ke ̷+
7
inhaỽc. neu dauat hesp. Dỽy geinhaỽc am y
8
ỻaeth ac vn am y hoen. Y ỻygat a|e ỻoscỽrn a|e
9
chlust a|e chorn. a|e theth; keinhaỽc am bop vn
10
onadunt. Y maharen; teir dauat a|dal. vn am y
11
gorff. ac vn ar|bop keiỻ idaỽ. Mynn o|r nos y
12
ganher hyt galan gaeaf; keinhaỽc. O hynny
13
hyt ympenn y vlỽydyn; dỽy geinhaỽc. ac o hyn+
14
ny aỻan pedeir keinhaỽc. Y hanhergỽerth yn|y
15
deithi. Teithi euyrnic; keinhaỽc a|dimei.
16
G ỽerth keneu kath o|r nos y ganer; yny
17
agoro y lygeit; keinhaỽc kyfreith; ac o hyn+
18
ny yny ladho ỻygot; dỽy geinhaỽc kyfreith. a gỽedy
19
ỻadho ỻygot; pedeir keinhawc. kyfreith. Y theithi yỽ; clybot
20
a|gỽelet a ỻad ỻygot. ac na bo tỽnn yn|y hewined.
21
a|meithryn. ac nat ysso y chanaỽon. ac o|r byd
22
vn yn eisseu o hynny arnei; atuerer y thraean+
23
gỽerth. Pob aniueil glan y hanhergỽerth yỽ
24
y deithi. Pob aniueil budyr; y draeangỽerth.
25
Gỽerth gỽyd keinhaỽc kyfreith. Gỽerth keilyagỽyd;
26
kymeint a gỽerth dỽy wyd. Gỽerth gỽyd or; ~
| « p 137 | p 139 » |