NLW MS. 3035 (Mostyn 116) – page 62v
Brut y Brenhinoedd
62v
1
A gỽedy dyuot trahayarn y|r tir y|r ỻe a|elwir kaer beris
2
y kauas y dinas hỽnnỽ kyn pen y|deudyd. A|phan gigleu
3
eudaf hynnẏ Sef a|wnaeth ynteu kynuỻaỽ hoỻ ym+
4
ladwẏr ynys prydein. A|dyuot yn y erbẏn hyt yn ẏmẏl
5
kaer wynt y ỻe a|elwir maes vryen Ac yna y|bu vrỽy+
6
dyr yrydunt ac y goruu eudaf ac y|kauas y|vudugol+
7
yaeth. Ac yn yd oedynt vriỽedic a|ỻadedic y|wyr. FFo a
8
oruc trahayarn y|logeu. Ac yna drỽy voraỽl hynt
9
yd aeth hyt yr alban A|dechreu anreithaỽ y gỽladoed
10
Ac eu ỻosgi a|ỻad bileinỻu. A|phan gigleu eudaf hẏnẏ
11
Sef a|oruc ynteu yr eilweith kynuỻaỽ ỻu a|mynet
12
yn|y ol ef hyt yr alban. Ac yn|y wlat a elwir westimar+
13
lont rodi brỽẏdẏr y|drahayarn. Ac eissoes kilyaỽ o|r
14
vrỽydyr a|oruc eudaf heb vudugolyaeth. Sef a|wna+
15
eth trahayarn yna erlit eudaf o le y le ar hyt ynẏs
16
prydein yny duc y arnaỽ y|dinassoed a|r keyryd a|r
17
kestyỻ a|r gỽladoed a choron y|teyrnas a gỽedy digy+
18
foethi eudaf yd aeth ef hyt yn ỻychlyn Ac eissoes
19
tra yttoed ef ar y dehol hỽnnỽ sef a|oruc a·daỽ gan
20
y getymdeithon a|e gereint ỻafuryaỽ y geissaỽ diua
21
trahayarn. A|sef a|wnaeth jarỻ y kasteỻ kadarn. kanys
22
mỽyaf o|r byt y karei ef eudaf. Mal yd oed eudaf
23
trahaern diwarnaỽt yn mynet o lundein. Sef a
24
wnaeth y jarỻ hỽnnỽ ar y ganuet Marchaỽc ỻechu
25
y|myỽn glẏn coedaỽc y ford y|deuei trahayarn. Ac y+
26
n|y ỻe hỽnnỽ ym|plith y|gytuarchogẏon y|ỻas traha+
27
yarn. A|phan gigleu eudaf hẏnnẏ ymchoelut a|wna+
28
eth drachefẏn hyt yn ynys brydein A gỽas·garu y
29
rufeinwyr oheni. A gỽisga* e|hun coron y teyrnas
30
Ac ar vyrder ymgyfoethogi a oruc o|eur ac ar+
| « p 62r | p 63r » |