LlGC Llsgr. 3035 (Mostyn 116) page 175r

ar vedẏr ymlad a rodi brỽẏdẏr ẏ ỽein* gỽyned a|e lu. Ac ny bu

beỻ wedy hyny hyt pan wnaeth yno gasteỻ. Y vlỽydyn hono

y|gỽnaeth Madaỽc ap Maredud arglỽyd powys gasteỻ yg|kaer

einaỽn yn ymyl kymer. Y vlỽydyn hono y dieghis Meuruc ap

gruffud nei y|r dywededic vadaỽc o e garchar. Ny bu beỻ wedy

hẏnẏ yny gyssegrỽyt eglỽys veir y|mei·uot. Y vlỽydyn hono

y|bu varỽ terdelach vrenhin conach Y vlỽydyn rac ỽyneb y duc

henri vab y|r hamerodres vrenhin ỻoeger ỽyr oed hỽnỽ y henri

vab gỽilm bastard diruaỽr lu hyt y|maestir caer ỻeon ar vedyr

darestỽg idaỽ hoỻ ỽyned. ac yno pebyỻaỽ a|wnaeth. ac yna

wedy galỽ o ywein dywyssaỽc gỽyned attaỽ y veibon a|e nerth

a|e lu a|e aỻu pebyỻu a oruc yn dinas basin a diruaỽr lu gyt

ac ef. ac yno gossot oet brỽydẏr a|r brenhin a|wnaeth a|pheri

drychafel clodyeu ar vedyr rodi kat ar vaes y|r brenhin. a

gỽedy clybot o|r brenhin hynẏ ranu y lu a oruc. ac auon* jarỻ

a barỽneit gyt a|chadarn luossogrỽyd o lu aruaỽc ar hyt y

traeth tu a|r ỻe yd oed ywein a|r brenhin e|hun yn|diergrynedic

ac aruaỽc vydinoed barottaf y ymlad gyt ac ef a|gyrchassant

drỽy y coet a oed y·rygtunt a|r ỻe yd oed ywein a|e gyferbyn+

eit a oruc dauid a chynan veibon ywein yn|y coet ynyal a

rodi brỽydẏr wherỽdost y|r brenhin a gỽedy ỻad llawer o|e

wyr breid y dieghis y|r maesdir. a|phan gigleu ywein bot y

brenhin yn dyfot idaỽ o|r tu drachefyn a gỽelet ohonaỽ y

ieirỻ o|r tu araỻ yn dynessau a diruaỽr lu aruaỽc gantu

adaỽ y ỻe a oruc. a|chilaỽ a oruc hyt y|ỻe a|elwir kil ywein. ac

yna kynuỻaỽ a oruc y brenhin y lu ygyt a mynet hyt yn

rudlan. ac yna y pebyỻaỽd ywein yn thal ỻỽyn pina ac o·dy+

no yd argywedei ef y|r brenhin dyd a nos. a Madaỽc ap mare+

NLW MS. 3035 (Mostyn 116) – page 175r