Oxford Jesus College MS. 119 (The Book of the Anchorite of Llanddewi Brefi) – page 18v
Ystoria Lucidar
18v
1
pobyl yr ysrael o geithiwet pharao vrenhin yr
2
eifft. Ac odyna ym|penn y seith mlyned yd ym+
3
chỽelaỽd dracheuen ygaerusalem nefaỽl drỽy
4
seith donnyev yr yspryt glan. Paham na myn+
5
naỽd ef na dysgv na gwnneuthur gwyrthev.
6
yny vu deg|mlỽyd ar|hugeint. Y rodi angreifft
7
y|baỽp yn|y byt hỽnn na dysco yny del yr oetran
8
deduaỽl. Paham y|kymerth ef vedyd ac ef yn
9
gyflaỽnn o|rat a|dỽyỽolder. Yr kyssegru y dwf+
10
uyr yni. Paham y betydywyt ef yn|y dwfuyr.
11
Amvot y dwfuyr yn wrthỽyneb yr tan. A me ̷+
12
gys y|diffyd y|dwfuyr y|tan. Velly y|diffyd y|pecha+
13
ỽt yn|y bedyd. A|pheth arall yỽ. y|dwfuyr a|wylch
14
pob peth budur. ac ef a|diffyd sychet. ac a|welir
15
gwasgaỽt yndaỽ. Velle y|gwlych rat yr yspryt
16
glan budred y|pechodev drỽy y|bedyd. a dilev sy+
17
chet yr eneit a|wna o eir duỽ. a|chysgaỽt duỽ.
18
a|e delỽ a|welir pann ymadaỽer ar pechodev. ~
19
A oed dec Jessu herỽyd annyan. kynn decket o+
20
ed ac ymdangosses yn|y mynyd. Paham y|bu va+
21
rỽ krist. O|achos vuudaỽt. megys y|dywedir.
22
Ef a|uu vfyd hyt yn aghev. A|erchis y|tat idaỽ
23
ef varỽ. Nac erchis. Paham y lladaỽd yr Jdeỽon
24
Jessu. am vuchedockav ohonnaỽ trỽy wironed.
25
A chynnal y|wironed gann dyscu kyfyaỽnnder
| « p 18r | p 19r » |