BL Harley MS. 958 – page 51v
Llyfr Blegywryd
51v
1
ac ueỻy am pob tir a waharder racdunt
2
R ỽng ỻẏs a ỻan [ os a·gorant.
3
naỽ nieu ẏ rodi atteb. A naỽ ẏ rodi
4
mach. A naỽ ẏ rodi gwir o haỽl deissẏuẏt.
5
Haỽl vn gantref. tri·dieu ẏ rodi atteb. a
6
thri ẏ rodi mach. A|thri ẏ rodi gwir. Yn|ẏ can+
7
tref nessaf pum nieu ẏ rodi atteb. A|phump
8
ẏ rodi mach. A phump ẏ rodi gwir. Yn|ẏ can+
9
tref trẏdẏd naỽ nieu ẏ rodi atteb. A naỽ
10
ẏ rodi mach. a naỽ y rodi gwir. Oet arwaessaf
11
ẏn vn gẏmhỽt. neu ẏn vn gantref. tri·dieu.
12
Os ẏn arglỽẏdiaeth araỻ ẏn agos. naỽ ni+
13
eu. Ac nẏ dodir teruẏn ar duỽ sul nac ar
14
duỽ ỻun. Oet ar·waessaf ẏ gwlat arall neu
15
am|dỽfẏr maỽr. neu am lanỽ. petheỽnos ac
16
nẏt mỽẏ. Petwar aghẏfarch gỽr. ynt. ẏ
17
varch. ac arueu. a|thỽng ẏ tir. A|e ỽẏneb+
18
werth. Nẏt oes ẏm pob dadleu. onẏt pet+
19
war|peth. Gwẏs. A haỽl. ac atteb. A barn.
20
Penkenedẏl. punt a dẏrẏ ẏn|ẏ ulỽẏdẏn ẏ|r
21
arglỽẏd. Pob gỽr rẏd rỽg gỽẏl ẏr holseint
22
a gỽẏl marthin ẏ tal ẏ|r arglỽẏd ẏr hẏn
23
a|dẏlẏho ẏ talu. Penkenedẏl bieiuẏd pob
24
sỽẏd o|r a uo ẏ|r genedẏl. Ac o|r dẏrẏ sỽẏd ẏ
25
vab idaỽ. neu ẏ gar idaỽ. punt a dẏrẏ ef ẏ|r
| « p 51r | p 52r » |