BL Harley MS. 4353 – page 9r
Llyfr Cyfnerth
9r
1
paỽb o·honunt ỽynteu a ỽyr y le. Pengỽastra ̷+
2
ỽt bieu koesseu pop eidon a lather yn| y gegin.
3
A halen a rodir idaỽ gantunt. Ran deuỽr a
4
geiff o aryant y gỽastrodyon. Ef bieu hen
5
gyfrỽyeu amỽs y brenhin a|e hen ffrỽyneu.
6
Pengỽastraỽt a|r| gỽastrodyon gantaỽ a| gaf ̷+
7
fant yr ebolyon gỽyllt a del y|r brenhin o tra ̷+
8
yan anreith. Ef bieu estynnu pop march a
9
rotho y brenhin. A chebystyr a| dyry ynteu gan
10
pop march. Ac ynteu a| geiff pedeir keinhaỽc
11
o pop march eithyr tri. y march a| rother y|r
12
effeirat teulu. A|r march a| rother y|r ygnat
13
llys. A|r march a| rother y|r croessaneit. kanys
14
rỽymaỽ troet y| gebystyr a wneir ỽrth y| dỽy
15
geill. ac uelly y rodir. Ef a geiff lloneit y llestyr
16
yd yffo y brenhin ohonaỽ y| gan y| distein. A|r
17
eil y gan y penteulu. A|r trydyd y| gan y vren ̷+
18
hines. Y tir a geiff yn ryd. A march bitosseb
19
a| geiff y| gan y brenhin. A dỽy ran idaỽ o|r e ̷+
20
bran. lle y pengỽastraỽt a|r| gỽastrodyon
21
gantaỽ yỽ y| golofyn nessaf yr brenhin. Pen ̷+
22
gỽastraỽt bieu rannu yr ystableu ac ebraneu
23
y meirch. Trayan dirỽy a| chamlỽrỽ y| gỽast ̷+
24
rodyon a geiff ef. Ef bieu capaneu y brenhin
25
o|r byd crỽyn ỽrthunt. A|e yspardỽneu o|r bydant
| « p 8v | p 9v » |