Cardiff MS. 3.242 (Hafod 16) – page 82
Meddyginiaethau
82
1
neu ar dy|dỽy|vreich. a|r wythien y penn a|dot blastyr yng+
2
kylch dy vynỽgyl o|wreideu y|tauaỽl. hokys a ỻinat
3
ac ychydic o|emenyn puredic. Rac y|manwyn; kymer
4
lygat y|dyd. a|r erỻyryat a|tharaỽ ar|dy diaỽt yn deỽ
5
a|chymer dỽst a|nader o lasuaen. a|dyro ar|diaỽt y yfet
6
a|hynny a|th wna yn iach os|keffy kynn kysgu. Rac
7
chỽyd o vriỽ; kymer. sud y keulon. a sud yr erỻyryat.
8
a|blaỽt ryc. a|mel. a|gỽynn·wy. a|dot y plastyr hỽnnỽ
9
ỽrthaỽ. Rac cornỽyt. kymer. sud y|morel. a sud yr er+
10
ỻyryat. a|blaỽt heid. a|gỽynn·wy. Rac heint caỻonn;
11
kymer. risc y geinderỽ. a|risc y|dudrein. a|r erỻyryat
12
a phỽrs y bugeil. a|berỽ drỽy dỽfyr rycheu yny el
13
ar y|draean. a chymer y dỽfyr hỽnnỽ a gỽna ruch
14
drỽy vlaỽt gỽenith peiỻeit. Rac dolur dỽyvronn;
15
kymer laỽer o eirin suryon a|mortera ỽynt yn fest. a
16
chymysc gỽryf newyd ac ef a|dot myỽn crochan.
17
prid newyd yn|y daear dros y ymylyeu a|gat yno
18
naỽ nos a|naỽ nieu a ro y bore yn gyntaf a|r|nos yn
19
diwethaf y|r|dyn claf. Y wneuth* gỽinegyr; kymer
20
heid glan a|dot myỽn gỽin|dros nos hyt trannoeth
21
ucher. Y|gyuannu asgỽrn; kymer celidonia maỽr
22
a berỽ trỽy win a|phybyr a|mel. ac yf beunyd hyt
23
ym|penn naỽ nieu. ac ỽynt a|e|kyuannant oỻ. Y ỽneu+
24
thur eli ỻygeit; kymer sud yr eidra. a sud gỽreid
25
fenigyl. a sud y celidon. a ỻyssewyn y|wennol a
26
blonec hỽch a|mel. ac ychydic o vinegyr. a|r gỽaet·lys+
27
sewyn. a|bystyl y|keilaỽc. a dot y myỽn ỻestyr
| « p 81 | p 83 » |